Skírnir - 01.09.2005, Page 132

heitið Eddalæren og dens Oprindelse. Et Prisskrift, kronet af det
Kongelige Danske Videnskabers-Selskab. Finnur tileinkaði það
Johan von Bülow. Sú tileinkun tekur af öll tvímæli um að Finnur
hefir talið Bülow aflgjafann sem hratt verkinu af stað.
Leiðir Finns og Bülows lágu einnig saman með öðrum hætti. Í
júníbyrjun árið 1820 voru þeir báðir tveir staddir við haugana og
rúnasteinana hjá Jelling. Skömmu áður hafði verið grafið í haug-
inn sem kenndur var við Thyru drottningu.15 Finnur Magnússon
fékkst ekki að jafnaði við fornleifarannsóknir, en þarna stóðu þeir
báðir þennan löngu liðna júnídag.
V
Um engan þeirra Fjónbúa, sem hér hefir verið nefndur, leikur
jafnmikill frægðarljómi og Rasmus Chr. Rask. Hann var fæddur
22. nóvember 1787 í Brændekilde á Fjóni. Faðir hans var klæð-
skeri. Frá blautu barnsbeini var fjónsk mállýska móðurmál Rasks.
Fjórtán ára að aldri kom hann í latínuskólann í Óðinsvéum og
vakti þegar athygli kennara jafnt og skólabræðra sinna fyrir iðni,
afburða minni og skarpan skilning. Einn skólabræðra hans var
N.M. Petersen, síðar prófessor. Þeir urðu alúðarvinir og höfðu
sömu áhugamál eins og síðar verður að vikið.
Vorið 1804 hóf Rask íslenskunám af sjálfsdáðum og hafði til
þess Heimskringluútgáfu Schønings sem hann fékk að láni hjá
kennara sínum. Í viðfangi við íslenskunámið setti hann saman
málfræði og orðasafn. Eftir það varð íslensk tunga og bókmennt-
ir ástfólgnasta viðfangsefni hans.
Að stúdentsprófi loknu, árið 1807, fluttist Rask til Hafnar og
komst þar undir verndarvæng Nyerups sem var honum innan
handar við útvegun ýmissa verkefna, t.a.m. þýðinguna á Snorra-
Eddu, sem áður er getið, en þar mun Rask hafa átt bróðurpartinn.
Ekki þarf heldur lengi að leita í bréfasöfnum Rasks og Bülows til
að öðlast vitneskju um kynni þeirra. Fyrsta varðveitta bréf Rasks
til hins síðarnefnda er dagsett 29. nóvember 1808, þar sem Rask
aðalgeir kristjánsson362 skírnir
15 Jensen 1992:302.
Skírnir haust 05 RÉTTUR 23.11.2005 13:53 Page 362