Skírnir - 01.09.2005, Page 151

Grím greinilega feigan og má augljóslega setja það í samband við
dauða Helga Ásbjarnarsonar sem Grímur var valdur að (í hefnd
fyrir Helga Droplaugarson bróður sinn). Þeir Gísli og Jón telja báð-
ir að Gunnar Austmaður sé sami maðurinn og Gunnar Þiðranda-
bani, og hér væri þá dæmi um að þessi maður hafi lifað í munnlegri
geymd og ekki hafi verið þörf á að kynna hann eða athafnir hans.
Nú vill svo til að með Helga Ásbjarnarsyni voru tveir Austmenn
þegar hann sat fyrir Droplaugarsonum og felldi Helga Droplaugar-
son. Annar Austmannanna féll í þeim bardaga. Hinn varð „sár
mjög“ en lifði og hét sá Sigurður. Beinast liggur við að telja þennan
mann líklegastan til að vilja hefna sín á Grími því að Sigurður hafði
misst félaga sinn í bardaga við Grím (auk þess sem Grímur hafði í
framhaldi af því drepið húsbónda hans, Helga Ásbjarnarson). Eðli-
legast er því að skýra nafnið ‘Gunnar Austmaður’ í Droplaugarsona
sögu sem ritvillu fyrir Sigurð Austmann18 (taka má fram að Gunn-
ar Þiðrandabani er aldrei nefndur „Austmaður“ í ‘sögu Gunnars’,
einungis „stýrimaður“). Þessi nafnbreyting gæti reyndar líka hafa
komið í síðari uppskriftum eftir að sagan af Gunnari Þiðrandabana
var orðin kunn og skrásetjari hafi með henni viljað tengja sögurnar
af Droplaugarsonum og Gunnari Þiðrandabana saman.
Þegar ein saga kviknar af annarri reynir á fimlega meðferð svo
að ekki sjáist missmíði. Í ‘sögu Gunnars’ segir: „eigi miklu síðar
[þ.e. ekki löngu eftir að Gunnar Þiðrandabani hafði fengið skjól
hjá Helga Ásbjarnarsyni í Mjóvanesi] tókust á skipti þeirra Helga
Ásbjarnarsonar og Gríms Droplaugarsonar að Helgi var veg-
inn…“ (209). Hér eru mál einfölduð á þann veg að ekkert er
minnst á að Helgi hafði flust búferlum áður en hann var veginn
(samkvæmt Droplaugarsona sögu var hann kominn að Eiðum).
Jafnframt er ekkert sagt í ‘sögu Gunnars’ um hlutverk Gunnars í
þeim harmleik þegar Helgi Ásbjarnarson var veginn en samkvæmt
textanum lítur út fyrir að hann hafi einmitt þá verið undir vernd-
arvæng Helga (sagt er að ekkja Helga hafi ákveðið að senda Gunn-
ar vestur til Guðrúnar Ósvífursdóttur).
„tilgáta um aðferð“ 381skírnir
18 Á tveimur stöðum í Droplaugarsona sögu er augljós nafnaruglingur: Friðgerð-
ur er nefnd Sigríður (178) og Þorkell Þorvaldur (180).
Skírnir haust 05 RÉTTUR 23.11.2005 13:53 Page 381