Skírnir - 01.09.2005, Page 237
Myndirnar eru teknar að næturlagi í gegnum glugga lampa-
verslana. Sjónarhornið er framsæið og nálægt þannig að áhorfand-
anum finnst hann vera að horfa beint inn um glugga verslananna.
Ljósin hanga svo þétt að hlutverk þeirra, sem er að lýsa upp
myrkrið, þurrkast út, og tilvist þeirra verður önnur; þau lifa eins
og sjálfstæðir einstaklingar í ofgnótt verslunarinnar.
Ljósin í lampabúðinni virðast umkomulausir hlutir, rifnir úr
eðlilegu samhengi og bíða kaupandans. „Mig langaði til að skrá-
setja [lampabúðirnar] sem ljósakapellur, sem musteri hégóma, en
einnig að leiða í ljós paradís hinnar lokuðu lampabúðar sem er
okkur glötuð um stundarsakir,“ segir Haraldur í sýningarskrá og
segist hafa tekið myndirnar frá sjónarhorni litlu stúlkunnar með
eldspýturnar.7
Stjörnuþoka er framhald af ljósmyndasyrpunni Heimskauta-
ávextir sem sýnir frá svipuðu sjónarhorni næturmyndir af húsum,
görðum og trjám, skreytt marglitum jólaljósum. Myndirnar eru
heimildaskráning um það hvernig hinn almenni Íslendingur notar
marglitar ljósaperur til að túlka gleði sína og sorg í skammdegis-
myrkrinu í tilefni jólahátíðar.
Allt eru þetta opin verk, verk í mótun, innsetningar sem
skipta um ham eftir því í hvaða samhengi þau eru sett upp. Fjöldi
mynda hverju sinni miðast við tímatalið og þær ímynduðu heild-
armyndir sem við byggjum upp með hjálp þess: 52, 30 eða 12.
Hér er augljóslega um kerfisbundna heimildasöfnun að ræða.
Um leið eiga myndflokkarnir það sameiginlegt að Haraldur rýfur
eðlislægt heimildagildi ljósmyndarinnar með því að gefa engar
upplýsingar. Áhorfandinn fær hvorki að setja nafn á mynd né dag-
setningu við stað, en við það rofna veruleikatengslin, tilfinningin
fyrir því að þarna sé verið að sýna það sem var, og ýtt er undir
tímalausa samsömunartilfinningu í ætt við þá sem einstaklingur-
inn upplifir gagnvart afþreyingarheimi hvíta tjaldsins og sjón-
varpsskermsins.
birtingarmyndir af líkamsástandi 467skírnir
7 Sýningarskrá gefin út af galleríi 8, Reykjavík 2003 og viðtal við Harald Jónsson
í DV, 15. febrúar 2003.
Skírnir haust 05 RÉTTUR 23.11.2005 13:54 Page 467