Breiðfirðingur - 01.04.2002, Síða 77

Guðrún Vala Elísdóttir
Hámarksárangur - Brian Tracy
Sannreyndar aðferðir og lögmál sem leysa úr læðingi hæfileika þína til að
ná árangri
Inngangur
Þessi ritgerð er úrdráttur úr bókinni „Hámarksárangur“ eftir
Brian Tracy. Bókin kom út á íslensku 1993 og skiptist í 12
kafla. Ekki er efnisyfirlit og því getur reynst erfitt að fá
heildarsýn yfir efni hennar. Bókin nýtist samt sem áður mjög
vel sem handbók eða uppflettirit. Það er nánast sama hvar
maður opnar hana, allstaðar er hægt að grípa niður og lesa sér
til fróðleiks og ánægju.
Hins vegar er úrdráttur úr bókinni mikil einföldun og aðeins
stiklun á því allra helsta sem höfundur hefur fram að færa. Eg
hvet þá sem áhuga hafa á því að ná árangri að lesa þessa bók,
sem og bækumar „Farsæld er ferðalag“ og „100 ófrávíkjanleg
lögmál um velgengni í viðskiptum“ eftir Tracy sem komnar
eru út í íslenskri þýðingu. Bókin „Focal Point“ er í þýðingu og
kemur út á þessu ári. Vefsíða Tracy er http://www.briantracy.
com/
Hámarksárangur
í inngangi bókar segir höfundur frá uppvexti sínum, en hann
ólst upp við sára fátækt í Kanada. Faðir hans hafði ekki fasta
atvinnu og fjölskyldan átti aldrei fyrir öðru en brýnustu nauð-
synjum. Tracy gekk í fötum frá góðgerðarstofnunum og flóa-