Breiðfirðingur - 01.04.2002, Qupperneq 93

FERÐAFRÁSÖGNIN MÍN
91
skylduvinnu hér áður fyrr. Gatan er á við hestvagna breidd. Það
er mjög fallegt yfir að líta og við kveðjum Fumfjörðinn, það sést
vel til jökulsins og efst á heiðinni er Skorarvatn. Þar blasir við
Gígjasporshamar, mjög óvenjulegur klettur sem gnæfir yfir
vatnið, og ef vel er gáð er þama álfkona sem hallar sér fram á
staf. Sagt er að tröll eitt mikið hafi stigið á hamarinn og dregur
hann þess vegna nafn sitt af því. Þá liggur leið okkar í Hrafn-
fjörð, yfir Skorará er fyrsta brúin á leið okkar, þetta er heilmikil
bogabrú og óvenjulegt er það að vaða ekki ána eins og allar
hinar. Þegar í Hrafnfjörð er komið er komin sól og logn, það er
mikið af lituðu og fallegu grjóti í firðinum og stenst ég ekki
mátið og fyrr en varir er bakpokinn farinn að þyngjast heil ósköp.
Komum að slysavamarskýlinu um kl. 11:00 og elduðum súpu og
hresstum okkur við fyrir sjóferðina. Þama voru 5 fransmenn sem
verið var að sækja líka. Báturinn kom um kl. 14:00 og þá var
lagt í hann. Spegill var á Jökulfjörðum og Drangajökull kfkti á
okkur aftur, sigldum fram hjá Leimfirði og Gmnnavík sem og
Lónarfírði og Veiðileysufirði, við sáum svo langt sem augað
eygði út Djúpið. Komum að ísafirði og þar fóm Frakkamir 5 í
land. Síðan lá leið okkar að Melgraseyri. Þegar þangað kom, var
svo mikil stórstraumsfjara að naumt var að við gætum lagt að
bryggju, þar sem að bryggjan stóð nær á þurru en að endingu
tókst það og urðum við að hala okkur upp á þak bátsins og síðan
upp á bryggjuna, þar sem Snævar og Jakob Már tóku á móti
okkur. Við fómm í sund að Laugarási til að vinda ofan af okkur.
Um kvöldið slógum við upp veislu að Melgraseyri með heima-
fólkinu og var það notaleg og góð stund. Þar með var formlegu
ferðalagi okkar lokið. Þetta var mín fyrsta ferð á Jökulfirði og
Homstrandir en hreinlega ekki mín síðasta ef allt gott leyfir.
Ævintýrin gerast enn, þar sem vindur og veður þjóta.
Samt börðum við augum tófu og grjót,
fallegar víkur og fossa,
þar var friður, kyrrð og fínt að vera,
fyllti hugann bergmálið fallegra fjalla.
Boga Kristín Kristinsdóttir