Dagblaðið Vísir - DV - 21.09.2018, Blaðsíða 22

22 UMRÆÐA
Sandkorn
21. sept 2018
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Aðalritstjóri og ábyrgðarmaður: Kristjón Kormákur Guðjónsson
Aðstoðarritstjóri: Einar Þór Sigurðsson Prentun: Landsprent Dreifing: Árvakur
Suðurlandsbraut 14
2. hæð
108 Reykjavík
FRÉTTASKOT
512 7070
ABENDING@DV.IS
RÚV eyðir milljónum í
hrein skrifborð
Nú er Ríkisútvarpið að eyða
milljónum í að skipta um inn­
réttingar. Öllum skrifborðshús­
gögnum er hent og keypt ný í
staðinn. Lítil skrifborð og allir
skápar bannaðir. Ákvörðunin
kostnaðarsama byggir á nýrri
stjórnunartísku sem heitir
„Clean Desk Policy“. Hvergi má
sjást bók eða blað. Ekki er gott
að segja hvort um byltingar­
kennda stefnu sé að ræða sem
muni bæta líðan starfsmanna
Ríkisútvarpsins eða hvort um
sé að ræða eitthvað stjörnuga­
lið rugl millistjórnenda sem só­
lundi skattfé.
Áfengisfrumvarpið
sýndarmennska
Sjö þingmenn hafa nú lagt fram
frumvarp um að sala á áfengi
verði leyfð í sérverslunum
einkaaðila. Þor-
steinn Víglunds-
son, fyrrverandi
félagsmálaráð­
herra, stendur
fyrir frumvarp­
inu ásamt sex
öðrum þing­
mönnum Viðreisnar, Pírata og
Sjálfstæðisflokks.
Þetta er nú í fimmta sinn sem
frumvarpið er lagt fram og
hljóta kjósendur að fara taka
slíkum áætlunum með fyrir­
vara. Að minnsta kosti hvað
Viðreisn og Sjálfstæðisflokk
varðar.
Þessir tveir flokkar mynduðu
hryggjarstykkið í hinni skamm­
lífu stjórn sem sat árið 2017 en
með þeim dansaði Björt fram­
tíð sem einnig vildi vín í búð­
ir. Ef full alvara væri á bak við
þetta þá hefði þetta raungerst
fyrir ári.
Staðreyndin er sú að mikill
meirihluti þjóðarinnar er á
móti því að áfengi verði selt
í búðum og því ekki til vin­
sælda að láta reyna á þetta fyrir
alvöru. Ætla mætti að frum­
varpið sé aðeins sett fram til
að flagga meintu frjálslyndi í
tilraun til að laða að yngri kjós­
endur.
U
m áramótin renna út kjara­
samningar sem Samtök
atvinnulífsins og Alþýðu­
samband Íslands skrifuðu
undir í janúar árið 2016. Aðeins
þeir sem hafa búið í helli undan­
farna mánuði hafa ekki tekið eft­
ir þeirri ólgu sem undir kraumar
og er að brjótast upp á yfirborðið
í launþegahreyfingunum. Hver
hallarbyltingin hefur rekið aðra og
nýju leiðtogarnir eru með blóðið á
tönnunum eins og Svíarnir segja.
Gylfi Arnbjörnsson, fráfarandi
formaður Alþýðusambands Ís­
lands, hefur verið harðlega gagn­
rýndur fyrir linkind í kjarabarátt­
unni og treysti hann sér ekki til
að sækjast eftir endurkjöri. Enda
hefði hann að öllum líkindum ekki
riðið feitum hesti frá þeirri rimmu.
Auk þessa sáum við Sósíalista­
flokkinn, flokk sem kemur til dyr­
anna eins og hann er klæddur,
vinna stórsigur í borgarstjórnar­
kosningunum í vor. Á meðan töp­
uðu hinir hefðbundnu vinstri­
flokkar, Samfylkingin og Vinstri
græn, fylgi og minnstu munaði
að hinn síðarnefndi dytti út úr
borgar stjórn.
Ráðandi öfl benda á aukinn
hagvöxt, kaupmátt og lágt at­
vinnuleysi. Það sé engin ástæða til
að raska ástandinu. Vissulega er
ekki hægt að rífast við staðreynd­
ir á blaði en staðreyndin er sú að
meðaltöl og miðgildi endurspegla
ekki raunveruleika allra. Fjöldi Ís­
lendinga lepur dauðann úr skel
þrátt fyrir góðærið. Það er líka
staðreynd.
Almenningi svíður þegar frétt­
ir berast af svívirðilegum kaup­
hækkunum forstjóra fyrirtækja,
kaupaukum og bónusum. En þetta
eru einkafyrirtæki.
Það sem svíður enn þá meira er
þegar kjörnir fulltrúar okkar, sem
eiga að hafa okkar hagsmuni að
leiðarljósi, moka úr vösum ríkis­
sjóðs í eigin pyngjur. DV gerir út­
tekt á launum þingmanna á þessu
ári og tölurnar segja sína sögu.
Kjararáð hefur hækkað grunn­
laun þingmanna og annarra emb­
ættismanna mikið á undanförnum
árum og hefur það ekki farið fram
hjá neinum. Þingmenn veigruðu
sér við ábyrgð á því batteríi þar til
það var aflagt í sumar, þrátt fyrir að
ráðið væri mestum hluta kosið af
Alþingi.
Þingfararkaupið, eða grunn­
launin, segja hins vegar ekki alla
söguna því ofan á það leggjast
sporslur af ýmsum toga. For­
mannsálag, þingflokksformanna­
álag, álag fyrir formenn nefnda,
álag fyrir varaformenn nefnda
og álag fyrir annan varaformann
nefnda. Húsnæðiskostnaður,
dvalarkostnaður, bílakostnað­
ur, flugkostnaður, símakostnaður,
netkostnaður.
Þingmenn slá ryki í augu fólks
þegar þeir láta eins og þetta allt sé
meitlað í stein og engu sé hægt að
breyta. Það er hægt að afþakka 550
þúsund króna mánaðargreiðslu
fyrir formennsku í stjórnar­
andstöðuflokki. Það er hægt að
sleppa því að fara í fyllerísferð­
ir til Siglufjarðar á kostnað þings­
ins. Það er hægt að afsala sér ráð­
herralaunum og þiggja aðeins
þingfararkaupið eins og dæmi
Ögmundar Jónassonar sýnir. Og
ef skrifstofustjóri Alþingis neyðir
þingmenn til að taka við húsnæð­
isgreiðslu þá er hægt að láta hana
renna beint til góðgerðarmála.
Ef þingmenn eru að vinna störf
sín af hugsjón og vilja ekki að
ástandið á atvinnumarkaðinum
springi í loft upp þá verða þeir að
taka til í þessum málum. Eins og
Michael Jackson söng: „Ég ætla að
byrja á manninum í speglinum.“ n
„Það sem svíður enn þá meira er
þegar kjörnir fulltrúar okkar,
sem eiga að hafa okkar hagsmuni að
leiðarljósi, moka úr vösum ríkissjóðs í
eigin pyngjur.
Leiðari
Kristinn Haukur Guðnason
kristinn@dv.is
Spurning vikunnar Myndir þú fara í tannviðgerð erlendis?
„Já, tengdó fór og lætur vel af þessu. Verðmunurinn er
svakalegur.“
Símon Sigurðsson
„Já. Mamma og bróðir minn eru búin að fara og það
margborgar sig.“
Karen Ösp Einarsdóttir
„Alveg skírt nei. Ég veit hverju ég geng að hér.“
Hulda Jeppesen
„Já, ég hef farið til Taílands og sparaði mér nokkur
hundruð þúsund kall.“
Þórir Flosason
Þið þurfið ekki að
taka við þessu öllu