Dagblaðið Vísir - DV - 21.09.2018, Qupperneq 8

8 21. sept 2018FRÉTTIR
K
onur á þingi eru dýrari en
karlar. Þetta má sjá á út­
gefnum tölum um laun og
aðrar kostnaðargreiðslur
til alþingismanna fyrir fyrstu sjö
mánuði ársins. Mikil umræða
hefur verið um laun þingmanna
og annarra embættismanna að
undanförnu enda hafa þeir feng­
ið ríflegri hækkanir en flestir aðrir
launþegar og hefur það valdið tölu­
verðri ólgu á vinnumarkaði.
DV rýndi í tölurnar til að sjá
hverjir væru dýrustu og ódýrustu
þingmennirnir, dýrustu og ódýr­
ustu flokkarnir, muninn á stjórn
og stjórnarandstöðu, pólitískum
skoðunum og kynjunum.
Dýrustu þingmennirnir
n Steingrímur J. Sigfússon –
15.637.222 kr.
n Logi Einarsson –
15.179.363 kr.
n Ásmundur Einar Daðason –
14.459.034 kr.
Þegar DV gerði
úttekt fyrr á ár­
inu voru þess­
ir þrír í sömu
sætum. Þing­
forsetinn Stein­
grímur sem
hefur setið
á þingi
síðan
árið
1983 og gegnt flestum ráð­
herraembættum á ferli sínum.
Steingrímur er með sömu föstu
laun og ráðherrarnir en fær auk
þess greiðslur fyrir að halda heim­
ili í Þistilfirði. Hann hefur þó búið
í Seljahverfinu í Reykjavík í minnst
30 ár.
Logi Einarsson, hjá Samfylkingu,
fær 550 þúsund krónur ofan á þing­
fararkaupið fyrir að vera formað­
ur í stjórnarandstöðuflokki. Auk
þess heldur hann heimili á Akur­
eyri og er í næstefsta sæti í föstum
mánaðar legum greiðslum og hefur
verið í efra laginu á listanum yfir
aðrar greiðslur.
Ásmundur Einar Daðason, fé­
lagsmála­ og nýskipaður barna­
málaráðherra, vermir þriðja sætið á
listanum. Hann er bæði ráðherra og
landsbyggðarþingmaður og þiggur
því greiðslur fyrir að halda heimili
í Dalasýslu. Að miklu leyti er annar
kostnaður ráðherra á huldu en það
sem fleytir Ásmundi svo hátt eru
tæplega 400 þúsund króna auka­
greiðslur frá Alþingi sem er mun
meira en aðrir ráðherrar fá, en flest­
ir þeirra eru með engar.
Ódýrustu þingmennirnir
n Helgi Hrafn Gunnarsson –
7.825.283 kr.
n Björn Leví Gunnarsson –
8.261.657 kr.
n Guðmundur Ingi Kristinsson –
8.263.863 kr.
Píratinn Helgi Hrafn var í fimmta
sæti yfir ódýrustu þingmennina
þegar DV gerði sambærilegan lista
fyrr á árinu. Hefur hann því hert
sultarólina vel í
sumar og lítið
ferðast.
Sömu sögu
má segja um
félaga hans,
Björn Leví,
sem hækkar
úr þriðja
sæti í annað á listanum yfir ódýra
þingmenn. Líkt og Helgi er Björn
Reykjavíkurþingmaður sem ferð­
ast lítið, eða að minnsta kosti lítið á
kostnað Alþingis.
Guðmundur Ingi hjá Flokki
fólksins var efstur á listanum í vor
en hrapar nú niður í bronssætið.
Guðmundur er þó langt því frá að
vera eyðslukló. Sem dæmi um út­
sjónarsemi Guðmundar má sjá á
vef Alþingis að hann tók innan­
landsflug fyrir 905 krónur. Annað­
hvort var þetta stysta flug sögunnar
eða þá að hann hefur náð að prútta
vel fyrir Íslands hönd.
Dýrasti þingflokkurinn
n Framsóknarflokkurinn –
12.336.217 kr. að meðaltali
n Vinstri græn –
11.622.957 kr.
n Sjálfstæðisflokkurinn –
11.381.963 kr.
n Samfylkingin –
11.130.111 kr.
Framsóknarmenn eru dýrustu
þingmennirnir og kostuðu þeir
tæpar 99 milljónir þrátt fyrir að vera
aðeins átta talsins. Vega þar lands­
byggðarþingmennirnir þungt sem
og þrír ráðherrar flokksins. Eini
þingmaður flokksins í Reykjavík er
einmitt Lilja Dögg menntamálaráð­
herra.
Vinstri græn eiga dýrasta þing­
manninn, þingforsetann Steingrím
J. Sigfússon, og þrjá ráðherra. Einn
þeirra er Katrín Jakobsdóttir sem er
með hærri grunnlaun en aðrir ráð­
herrar. Ástæðan fyrir því að flokk­
urinn er ekki efstur er þrír Reykja­
víkurþingmenn í ódýrari kantinum.
Litlu munar á meðaltölum Sjálf­
stæðisflokks og Samfylkingar, þrátt
fyrir að hinn fyrrnefndi eigi fimm
ráðherra. Hafa verður þó í huga að
aðrir kostnaðarliðir ráðherra en
grunnlaun eru ekki inni í þessum
tölum.
Ódýrasti þingflokkurinn
n Píratar –
9.004.795 kr. að meðaltali
n Viðreisn –
9.690.662 kr.
n Flokkur fólksins –
10.169.925 kr.
n Miðflokkurinn –
10.732.059 kr.
Píratar eru langódýrustu þing­
mennirnir. Helsta ástæðan fyrir
því er sú að flestir þeirra koma frá
höfuð borgarsvæðinu. Einnig eru
þeir formannslausir og enginn
þeirra fær því sérstakt formanns­
álag í stjórnarandstöðu. Píratar
eiga tvo ódýrustu þingmennina, þá
Helga Hrafn Gunnarsson og Björn
Leví Gunnarsson.
Viðreisn er með lægstan heildar­
kostnað þingflokka, aðeins tæp­
lega 39 milljónir. Þau eru aðeins
fjögur talsins. Eftir kosningarn­
ar árið 2017 missti flokkurinn alla
landsbyggðarþingmenn sína en
hélt stöðu sinni ágætlega á höfuð­
borgarsvæðinu. Formaðurinn, Þor­
gerður Katrín Gunnarsdóttir, hífir
meðaltalið hins vegar þónokkuð
upp.
Flokkur fólksins er einnig að­
eins fjögurra þingmanna flokkur en
þingmennirnir dreifast nokkuð jafn
yfir heildarlistann. Formaðurinn,
Inga Sæland, er í dýrari kantinum
en Guðmundur Ingi Kristinsson er
með þeim ódýrustu. Miðflokkurinn
er merkilega lágur þrátt fyrir sterka
stöðu á landsbyggðinni og eru allir
þingmenn flokksins á svipuðum
slóðum á listanum fyrir utan for­
manninn, Sigmund Davíð Gunn­
laugsson.
Stjórn og stjórnarandstaða
n Ríkisstjórn –
420.276.633 kr. (11.674.350 að
meðaltali)
n Stjórnarandstaða –
286.506.318 kr. (10.323.368)
Munurinn á stjórnarþingmanni
og stjórnarandstöðuþingmanni
er um 1,3 milljónir á þessum sjö
mánuðum sem Alþingi hefur gefið
út tölur fyrir. Skipta laun ellefu ráð­
herra þar miklu og auk þess verð­
ur að hafa í huga að Vinstri græn
skipuðu umhverfisráðherrann,
Guðmund Inga Guðbrandsson,
en hann er ekki kjörinn alþingis­
maður. Laun hans eru því viðbót­
arkostnaður sem ellegar hefði ekki
verið til staðar. Einnig verður að
hafa í huga að allir stjórnarflokk­
arnir þrír eru með sterka stöðu á
landsbyggðinni á meðan andstöð­
uflokkarnir eru heilt yfir sterkari á
höfuðborgarsvæðinu.
Stjórnmálaskoðanir
n Hægrimenn –
220.874.063 kr. (11.043.703 að
meðaltali)
n Miðjumenn – 214.493.855 kr.
(11.289.150)
n Vinstrimenn – 271.415.033 kr.
(10.856.601)
Ef þingheimi er skipt niður í
blokkir kemur í ljós að mjög lítill
munur er á milli þeirra. Sjálfstæðis­
menn og Viðreisn eru til hægri,
Framsóknarflokkur, Miðflokkur og
Flokkur fólksins í miðjunni og Sam­
fylkingin, Vinstri græn og Píratar
mynda vinstri blokkina.
Kynin
n Karlar –
424.172.584 kr. (10.604.314 að
meðaltali)
n Konur –
282.610.367 kr. (11.775.431)
Kosningarnar haustið 2017 voru
taldar mikið bakslag í kvenréttinda­
baráttunni en þá fækkaði konum
á Alþingi úr 30 niður í 24. Körl­
um fjölgaði hins vegar úr 33 í 39
og í þessum tölum er einnig talinn
með karlkyns utanþingsráðherra.
Engu að síður eru þingkonur um­
talsvert launahærri en starfsbræður
þeirra og er munurinn rúmlega 1,1
milljón á sjö mánaða tímabili. Hluti
Smiðjuvegur 4C - 202 Kópavogur - S 587 2202
Ryðga ekki
Brotna ekki
HAGBLIKK
Álþakrennur & niðurföll
Litir á lager:
Svart, hvítt, ólitað, rautt, silvurgrátt og dökkgrátt
DÝRUSTU OG ÓDÝRUSTU ÞINGMENNIRNIR
n Konur dýrari en karlar n Formannsálag drjúgt n Segjast gefa til góðgerðarmála
Kristinn Haukur Guðnason
kristinn@dv.is
Helgi Hrafn Gunnarsson
Steingrímur J. Sigfússon