Litli Bergþór - 01.07.2017, Blaðsíða 41

Litli-Bergþór 41
Eftirtaldir aðilar styrkja útgáfu Litla-Bergþórs
og kunnum við þeim bestu þakkir fyrir:
Gullfosskaffi við Gullfoss s. 486 6500
Helgi Gumundsson rafvirki s. 864 6960
Hótel Geysir, Haukadal s. 480 6800
Hótel Gullfoss, Brattholti s. 486 8979
JH-vinnuvélar ehf/ Brekkuheiði ehf s. 892 7190
Miðhúsabúið ehf, Miðhúsum s. 486 8640
Skjól-Camping, Kjóastöðum s. 899 4541
Úthlíð ferðaþjónusta s. 486 8770
„Vilt þú heyra afhverju ég sótti um í Laugarási?“
spyr Pétur. „Best að Sísa segi þér frá því“. Sísa
segir að fyrstu kynni hennar af þessu landssvæði
hafi verið í ferð um uppsveitir Árnessýslu, vorið
1973 þar sem keyrt var um Laugarás og Skálholt.
Henni fannst þetta grösug og falleg sveit. Hún
þekkti líka til Jósefínu og Guðmundar læknis, sem
voru í Laugarási á árunum 1973 til 1983, og voru
að hætta þegar þau Pétur komu heim frá Svíþjóð.
Hún þekkti einnig Gylfa Jónsson, þáverandi rektor
Skálholtsskóla, sem var skólabróðir hennar úr
MA. Hún hringdi í hann þegar fjölskyldan var að
undirbúa komuna til Íslands og fékk kennslustarf
við Skálholtsskóla. Það var því Sísa sem lagði
til að Pétur sækti um læknisstöðuna í Laugarási
og tæki við af Guðmundi. Konráð læknir var þá
farinn fyrir ári síðan og hafði annar læknir, Þórir,
verið þar í eitt ár.
Um störf þeirra Gylfa í Laugarási vísaði
Pétur í viðtöl við þá félaga í Læknablaðinu og
Mogganum. Blaðamaður fann þessar greinar og
vitnar til þeirra þegar honum finnst þurfa.
En þá er best að byrja á upphafinu og pumpa þau
hjónin um ættir þeirra og uppruna. „Best að frúin
byrji“ segir Pétur. „Þá þarf ég minna að segja“.
Sigríður:
Ég er fædd á Sauðárkróki 19. nóvember 1947
og uppalin þar. Foreldrar mínir voru Ingveldur
Rögnvaldsdóttir úr Blönduhlíð í Skagafirði og
Guttormur Óskarsson, mikill Skagfirðingur, þó
hann ætti ættir að rekja í Eyjafjörðinn. Hann vann
lengst af sem gjaldkeri Kaupfélags Skagfirðinga
á Sauðárkróki. Móðir mín var húsmóðir en vann
síðar við kaffiveitingar hjá KS og í kvenfataverslun.
Við erum tvær alsystur, ég og yngri systir mín
Ragnheiður Sigríður, sem býr á Króknum og
svo ólu foreldrar mínir upp bróðurdóttur pabba,
Elísabetu Bjarnfríði Vilhjálmsdóttur, en hún býr
í Reykjavík.
Á brúðkaupsdaginn.