Dagblaðið Vísir - DV - 30.11.2018, Side 4

4 30 nóvember 2018FRÉTTIR
U
m fátt hefur verið meira
rætt í þjóðfélaginu undan-
farinn sólarhring en upp-
tökur af fundi sex þing-
manna á barnum Klaustrinu við
Kirkjutorg. Upptökurnar eru sögu-
legar að mörgu leyti því aldrei fyrr
hafa Íslendingar fengið að líta inn
í reykfyllt bakherbergi stjórnmál-
anna með öðrum eins hætti.
Á mánudagskvöldi sátu þing-
mennirnir að sumbli og létu frá sér
ummæli sem eru kjörnum fulltrú-
um ekki sæmandi. Nokkrum dög-
um síðar barst póstur á ritstjórnir
þriggja fjölmiðla; DV, Stundarinn-
ar og Kvennablaðsins. Í póstinum
var hlekkur á vefsíðu þar sem hægt
var að nálgast sjö upptökur af sam-
ræðum þingmannanna, mynd af
þeim á vettvangi sem og mynd-
band af þeim að yfirgefa barinn.
Sendandinn kallaði sig Marvin
auk þess sem númerið 42 kom fyr-
ir í tölvupóstfanginu, hvort tveggja
tilvísun í skáldsöguna Hitchhiker’s
Guide to the Galaxy.
Staddur á barnum fyrir tilviljun
Fyrstu fréttir af málinu vöktu
gríðarleg viðbrögð og það gerðu
viðbrögð Sigmundar Davíðs
Gunnlaugssonar, formanns Mið-
flokksins og fyrrverandi forsætis-
ráðherra, einnig. Sigmundur
sagði að málið væri afar alvarlegt
því ekki kæmi annað til greina en
„að brotist hafi verið inn í síma
einhvers þeirra sem þarna voru
staddir eða beitt hlerunarbúnaði.“
Það er fjarri lagi. DV óskaði eft-
ir viðtali í gegnum tölvupóstfang-
ið við Marvin. Nokkrum klukku-
stundum síðar barst jákvætt svar
og símanúmer.
Í ljós kom að atburðarásin var á
þá leið að í sama herbergi og þing-
mennirnir voru sat einstaklingur,
íslenskur kjósandi, við borð og var
að fara í gegnum persónuleg skjöl.
Viðkomandi blöskraði svo orðfæri
þingmannanna að hann teygði sig
í síma sinn og hóf upptöku.
„Það litla sem ég heyrði fannst
mér vera ógeðslegt og mér fannst
það eiga erindi við almenning með
einhverjum hætti. Ég fylgist ekki
mikið með pólitík eða þjóðmál-
um almennt og því var Sigmundur
Davíð sá eini sem ég þekki af
hópnum en mig grunaði að þetta
væru einhverjir þingmenn eða
aðstoðarmenn. Það var erfitt að
greina allt sem þau sögðu en eins
og ég segi, mér blöskraði það sem
ég heyrði og þess vegna byrjaði ég
að taka samtal þeirra upp án þess
að vita nokkuð hvað ég ætlaði að
gera við það,“ segir Marvin í sam-
tali við blaðamann.
Héldu að uppljóstrarinn væri
erlendur ferðamaður
Marvin ætlaði ekki að sitja lengi
við barinn en eftir um 20 mínútur
þegar þingmennirnir byrjuðu að
hæðast að Freyju Haraldsdóttur
og þingkonu Samfylkingarinnar,
Albertínu Friðbjörgu Elíasdóttur,
var honum nóg boðið. „Þá fékk ég
æluna upp í háls og ákvað að hér
myndi ég sitja þangað til að sam-
tali þeirra væri lokið. Þetta væri
ekki í boði í siðuðu samfélagi,“ seg-
ir Marvin.
Verkefnið reyndi talsvert á
þolinmæði Marvins því þing-
mennirnir sátu að sumbli langt
fram á kvöld. Upptökurnar eru
rúmlega þrjár klukkustundir að
lengd og eru, eins og áður sagði, í
sjö hlutum og gæðin misjöfn. „Þau
veittu mér aldrei sérstaka athygli.
Umræðurnar voru svo rosalegar
að þau litu mjög sjaldan til mín.
Þá töluðu þau svo hátt að ég hugsa
að starfsfólkið á barnum, sem er
í öðru rými, hefði getað náð góð-
um upptökum af samtali þeirra,“
segir Marvin. Hann hafi þó reglu-
lega þurft að færa símann til,
setja yfir hann skjöl auk þess sem
upptökugæðin minnkuðu mikið
þegar Marvin þurfti að hlaða sím-
ann sinn og færa hann fjær þing-
mönnunum.
„Það var ekki fyrr en þau stóðu
upp og bjuggu sig undir að fara
sem þau veittu mér einhverja
athygli. Þegar þau voru komin
fram þá minntist einhver þeirra
á hvort að þessi manneskja hafi
verið þarna allan tímann, en þá
sagði annar að ég væri erlendur
ferðamaður og það þyrfti ekki að
hafa neinar áhyggjur af mér,“ seg-
ir Marvin.
Þegar heim var komið vissi
Marvin ekki alveg hvað hann
ætti að gera við upptökurnar. „Ég
heyrði viðbjóðinn betur á upptök-
unni en þegar ég var á staðnum. Ég
reyndi að fletta upp hverjir þetta
voru sem voru með Sigmundi
Davíð þarna en gat ómögulega
verið viss. Þess vegna ákvað ég
að senda efnið á fjölmiðla sem
að gætu unnið fréttir upp úr því
mikil vægasta,“ segir Marvin. Hann
segist ekki vera mikið tæknitröll,
eigi þriggja ára síma og það hafi
tekið talsverðan tíma að koma
efninu yfir á netið og senda það til
fjölmiðla þannig að erfitt væri að
rekja efnið til hans.
„Ég er mjög ánægður með
hvernig til tókst og hvernig þið
fjölmiðlar unnuð úr efninu. Það
hvarflaði aldrei að mér að ég
væri að gera eitthvað ósiðlegt.
Stjórnmálamenn eru í valdamikl-
um stöðum og hafa skyldum að
gegna gagnvart okkur. Þau setja
upp sparibrosið fyrir kosningar en
þarna held ég að þeirra rétta eðli
hafi sýnt sig. Það á erindi við al-
menning,“ segir Marvin. n
Það er
staðreynd að…
Á viðskiptaspjaldi glæpaforingjans
Als Capone stóð að hann væri hús-
gagnasölumaður.
Samkvæmt sögunni voru lokaorð
tónlistarmannsins Bobs Marley eftir-
farandi: „Þú getur ekki keypt þér líf fyrir
peninga.“
Svín geta ekki með neinu móti horft
almennilega upp í himininn.
Manneskjan getur ekki hrotið á sama
tíma og hana dreymir.
Það tæki letidýr rúman mánuð að
ferðast eins og hálfs kílómetra leið.
Hver er
hún
n Hún er fædd árið
1989 og ólst upp í
Garðabæ.
n Hún er jógakennari,
fjölmiðlakona og einnig
menntaður dansari.
n Hún er sögð vera mikil samfé-
lagsmiðladrottning og á son með
þekktum uppistandara.
n Í apríl árið 2017 stöðvaði hún þjóf
sem hafði stolið úlpunni hennar.
n Undir lok sama árs fór Anna
Svava Knútsdóttir á kostum í
hlutverki fjölmiðlakonunnar.
SVAR: BERGLIND „FESTIVAL“ PÉTURSDÓTTIR
„MÉR BLÖSKRAÐI
ÞAÐ SEM ÉG HEYRÐI“
Klaustursuppljóstrarinn tjáir sig:
Björn Þorfinnsson
bjornth@dv.is