Dagblaðið Vísir - DV - 30.11.2018, Qupperneq 75

FÓLK 7530 nóvember 2018
Þegar þingmenn unnu alvöru starf
Fóstran
Björn Leví Gunnarsson, þingmað­
ur Pírata, var nýlega sakaður um
að stunda einelti í
þinginu. Því verð­
ur vart trúað upp
á hann enda
starfaði hann á
leikskólunum
Staðarborg og
Jörfa árin 1996
til 1999 og má því
kannski til sanns
vegar færa
að hann
sé nú á
heima­
velli.
Framleiddi tómar spólur
Bjarkey Olsen Gunnars­
dóttir, þingmað­
ur Vinstri grænna,
bjó lengi á Ólafs­
firði. Árin 1994
til 1999 rak hún
þar fyrirtæki sem
framleiddi tóm­
ar spólur ásamt
eiginmanni sínum,
Helga Jóhannssyni.
Hét það Íslensk
tónbönd.
Barnabókarmógúllinn
Mosfellingurinn Bryndís Haralds­
dóttir hefur setið á Alþingi fyrir
Sjálfstæðisflokkinn síðan 2016. Áður
stofnaði og rak hún útgáfufyrirtækið
Góðan dag sem gaf meðal annars út
barnabækur.
Tryggingasölumaðurinn
Guðlaugur Þór Þórðarson utanríkis­
ráðherra gegndi áður starfi
heilbrigðis ráðherra, sem hefur oft ver­
ið talið vanþakklátt. Hann hlýtur þó að
hafa haft þykkan skráp í ljósi þess að
hann starfaði sem tryggingasölumað­
ur í samtals fimm ár.
Passaði steinull
Líklega hafa fáir þorað að brjót­
ast inn í Steinullarverksmiðjuna á
Sauðárkróki árin 1989 til 1991. Þá
hefðu þeir mætt
vökulum aug­
um Gunnars
Braga Sveinsson­
ar, síðar utan­
ríkisráðherra og
þingmanns Mið­
flokksins.
Karate-Karl
Karl Gauti Hjaltason hjá Flokki fólksins
var lengi sýslumaður og kom landanum
fyrir sjónir við upplestur kosningatalna.
Karl er líka mikill íþróttagarpur og stofn­
aði til dæmis Karatefélagið Þórshamar
árið 1979.
Bókmenntarýnir DV
Fáum líkar illa við Katrínu
Jakobsdóttur, for­
sætisráðherra og
þingmann Vinstri
grænna til margra
ára. Hún var
áður stigavörð­
ur í Gettu betur
og dúx í skóla.
Hennar mesta
vegsemd var þó
að skrifa bók­
menntarýni
fyrir DV árið
2002.
Skemmtikrafturinn
Inga Sæland, formaður Flokks fólks­
ins, er öryrki vegna blindu. Áður en
hún skaust upp á stjörnuhimin stjórn­
málanna var hún Ís­
landsmeistari í
karókí og tróð upp
í veislum í kjölfar
sigursins. Sig­
urlagið var The
Greatest Love
of All með
Whitney
Houston.
Ljóðanörd
Allir vita að Píratinn Helgi Hrafn
Gunnarsson er tölvunörd enda
hefur hann fengist við forritun í
langan tíma. Færri vita að það eru
ekki aðeins táknin 0 og 1 sem
heilla hann heldur
gnægtarborð ís­
lenskrar ljóðlist­
ar og bragfræði.
Árið 2002 opnaði
hann stafrænt
athvarf fyrir skáld
til að varðveita af­
urðir sínar
um ald­
ur og
ævi.
Afruglarinn
Jón Gunnarsson, þingmaður Sjálfstæðis­
flokksins, þykir fróður um ýmis málefni.
Svo sem hvalveiðar og vegtolla. Áður fyrr
var hann helsti sérfræðingur landsins í af­
ruglurum og starfaði sem yfirmaður aug­
lýsinga og áskriftardeildar Stöðvar 2.
Handboltastjarnan
Eins og allir fulltrúar Viðreisnar
kom Hanna Katrín Friðriksson lóð­
beint úr viðskiptalífinu. Þar áður var
hún handknattleiksstjarna hjá Fram
og Val. Er hún með alls 36 landsleiki
á bakinu.
Slökkviliðsmaðurinn
Miðflokksmaðurinn Birgir Þórarins­
son er sannkristinn Suðurnesjamað­
ur. Árin 1991 til 1996
starfaði hann sem
slökkviliðsmað­
ur á Keflavíkur­
flugvelli.
Skáldið
Flestir vita að Ari Trausti Guð­
mundsson, hjá Vinstri grænum,
er einn fremsti jarðvísindamað­
ur landsins og hefur lengi starfað
við fræðin. Færri vita að hann erfði
listagáfuna frá foreldrum sínum og
hefur skrifað sjö ljóðabækur.
Á geðdeild
Andrés Ingi Jónsson, hjá Vinstri grænum,
er brosmildasti og hlýjasti þingmaður­
inn. Glensið er heldur aldrei fjarri. Þessir
mannkostir hafa vafalaust nýst honum vel
þegar hann starfaði á geðdeild Landspít­
alans árin 2002 til 2004.
Sjóari með sítt að aftan
Kristján Þór Júlíusson sjávarútvegs­
ráðherra var lengi vel bæjarstjóri.
Fyrst á Dalvík en síðan Akureyri.
Áður en ferillinn í stjórnmálum
hófst var hann stýrimaður á Dalvík
og var með sítt að aftan.
Ritstjóri DV
Óli Björn Kárason, þingmaður Sjálf­
stæðisflokksins, á langan feril að baki
í fjölmiðlum og útgáfu. Hans mesta
vegsemd á ferlinum var að sjálfsögðu
þegar hann ritstýrði DV á árunum
1999 til 2003.