Dagblaðið Vísir - DV - 30.11.2018, Blaðsíða 42

Bækur og menning 30. nóvember 2018KYNNINGARBLAÐ
Frá því að við opnuðum aftur í ágúst hefur gestafjöldinn tvöfaldast frá því sem áður var
og gestir eru afskaplega ánægðir
með breytingarnar,“ segir Hlynur
Hallsson, safnstjóri Listasafnsins á
Akureyri. Safnið var opnað að nýju í
sumarlok eftir gagngerar breytingar
og má segja að upp sé risið nýtt og
stærra listasafn.
„Við tókum efstu hæðina í
notkun og tengibygginguna á
milli Ketilhússins og listasafnsins.
Opnuðum kaffihús og sjö nýja sali.
Það er mikill kostur að þurfa ekki
lengur að loka safninu þegar skipt
er um sýningar því það eru alltaf
nokkrar aðrar sýningar í gangi. Safnið
er því opið alla daga vikunnar. Núna
erum við til dæmis með sex sýningar í
gangi og fjölbreytnin er mikil, þetta er
allt frá klassík upp í það nýjasta. Sem
dæmi um hið fyrrnefnda má nefna
sýninguna Úrval úr safneigninni
og sýninguna Svipir sem kemur frá
Listasafni ASÍ, en það eru portrett
eftir gömlu meistarana. En auk þess
erum við með það allra nýjasta, til
dæmis splunkuný verk eftir Magnús
Helgason og Hjördísi Frímann,“ segir
Hlynur.
Aukin fjölbreytni hefur ekki bara
stórfjölgað gestum safnsins heldur
segir Hlynur að aldurssamsetning
sýningargesta sér orðin mun
fjölbreyttari auk þess sem fólk staldri
mun lengur við í safninu núna þegar
meira er í boði.
Sýning sem breytist og þróast á
hverjum degi
„Stóra sýningin okkar núna er Örn Ingi
Gíslason – Lífið er leik-fimi. Eitt það
skemmtilegasta við þessa sýningu
er að hún er að breytast og þróast
á hverjum degi. Á opnuninni voru
bara auðir veggir og fullt af kössum
en síðan er Halldóra Arnardóttir
sýningarstjóri að taka upp úr
kössunum af þessu æviverki Arnar
Inga, sem lést í fyrra. Sýningin verður
ekki endanleg fyrr en á lokadegi í
janúar og eðlilega koma margir oft á
hana.“
Fjölbreyttir viðburðir eiga sér stað
á sýningunni og þann 1. desember
verða listakonurnar Brák Jónsdóttir
og Hekla Björt Helgadóttir þar
með gjörning sem ber yfirskriftina
Fullveldið endurskoðað, taka tvö –
Rósaboðið.
Tvær nýjar sýningar eru núna
í undirbúningi og verða opnaðar
í byrjun febrúar. Þá mun Tumi
Magnússon sýna vídeó- og hljóðverk
og þær Kristín Gunnlaugsdóttir
og Margrét Jónsdóttir verða með
sýningu sem áður var sett upp í
Nordatlantens Brygge í Danmörku
og ber heitið Super Black. Þar
verða til sýnis áhrifarík málverk og
leirlistarverk.
Sýningaropnun 8. desember: Ange
Leccia
Hinn þekkti franski listamaður Ange
Leccia opnar sýningu í Ketilhúsinu
þann 8. september. „Þetta er
vídeóverk sem byggt er á verki sem
hann sýndi í Listasafni Íslands. Þetta
er hins vegar önnur útfærsla en
verkið heitir Hafið eða La Mer,“ segir
Hlynur.
Gjafakortin frábær jólagjöf
Sem fyrr segir er nýtt og stærra
listasafn risið upp eftir endurbætur á
Listasafninu á Akureyri. Það eru fleiri
og fjölbreyttari sýningar, kaffihús og
viðburðir. Listasafnið á Akureyri er
því orðinn staður þangað sem sífellt
fleiri sækja sér upplifun, skemmtun
og andlega næringu. Fyrir þá sem
vilja sækja safnið oft og fylgjast
með því sem þar er að gerast er
mun hagstæðara að kaupa árskort
í safnið í stað þess greiða aðgang
hverju sinni. Árskortin eru líka frábær
jólagjöf og þau má kaupa í afgreiðslu
safnsins í Listagilinu á Akureyri.
http://www.listak.is/is/ n
Endurnýjað Listasafn á Akureyri
vekur hrifningu – Árskort í safnið
frábær jólagjöf