Dagblaðið Vísir - DV - 07.12.2018, Side 40

Tómstundir og útivist 7. desember 2018KYNNINGARBLAÐ
ALLIR GETA LÆRT AÐ SYNGJA :
Gjafabréf í söngtíma er
frábær jólagjöf
Þegar fólk kemst að því hvert starf mitt er segir það oft: „Vá! Mig hefur alltaf dreymt um að
læra að syngja.“ Marga dreymir um
það en láta samt ekki verða af því.
Oft hefur fólk líklega á tilfinningunni
að það sé nauðsynlegt að kunna að
syngja áður komið er í söngtíma. En
það er ekki þannig. Ég held að flestir
hafi gaman af því að syngja en fólk
hefur oft fyrirframgefnar hugmyndir
um sönghæfileika sína og drífur
sig því ekki af stað. Foreldrar hafa
jafnvel haft samband við mig eftir
fyrsta söngtíma barnsins og spurt:
„Getur hún/hann eitthvað?“ Mér
finnst þetta viðhorf ekki gefa barninu
tækifæri og ég held að fullorðnir
gefi sér ekki alltaf séns til að læra
og njóta þess að syngja. Auðvitað
höfum við fengið misjafnlega mikla
hæfileika í vöggugjöf og þurfum að
hafa mismikið fyrir hlutunum – engu
að síður geta allir lært að syngja, við
getum öll bætt okkur.“
Þetta segir Elísabet Ólafsdóttir,
eða Lísa, sem rekur söngskólann
Vocal-Lisa, að Hverafold 1–5, í
Grafarvogi. Elísabet er söngkona og
söngkennari með mikla reynslu og
menntun að baki en einnig hefur hún
BA-próf í sálfræði. Hluti af aðferðum
hennar er að virkja sjálfstraust
nemenda og fá þá til að þora að
leyfa röddinni sinni að njóta sín.
„Ég fæ aldrei eins mikla gæsahúð
og þegar nemendur sem eiga erfitt
með að hitta á réttu tónana fara
skyndilega að gera einmitt það –
fátt er meira gefandi,“ segir Lísa,
en kennsluaðferðir hennar byggja á
aðferðinni Complete Vocal Technique
– CVT. Sú aðferð byggir á þeirri
grunnforsendu að allir geti lært að
syngja en einnig er mikil áhersla lögð
á að röddinni sé beitt á heilbrigðan
hátt.“
Complete Vocal Technique er
söngtækni sem þróuð hefur verið í
Danmörku af Cathrine Sadolin og er
byggð á yfir 30 ára rannsóknarvinnu
hennar á öllum söngstílum. Í
rannsóknateymi Sadolin er háls,
nef- og eyrnalæknir ásamt reyndum
söngvurum og kennurum.
Við erum feimin við að syngja hátt
„Við erum svo mikið inni við á Íslandi
og höfum því lært snemma að nota
inniröddina okkar – það er svo oft
sussað okkur og okkur sagt að hafa
ekki of hátt. Er það ekki? Þetta má
til dæmis sjá í messusöng, þá lætur
fólk nú yfirleitt lítið fyrir sér fara. Það
er í það minnsta eitthvað í menningu
okkar sem veldur því að við syngjum
ekki hátt þegar við komum saman,
ekki nema að það sé orðið mikið stuð
í samkvæminu,“ segir Lísa og hlær.
Hún bendir á að hlutverk hennar sem
söngkennara sé ekki síst að auka
sjálfstraust og fá fólk til að þora að
syngja af aðeins meiri krafti en það
hefur áður gert. Söngtæknin skiptir
miklu máli en hugarfarið er ekki síður
mikilvægt.
Í því skyni hefur hún meðal annars
birt á Spotify jákvæðar staðhæfingar
fyrir söngvara sem finna má undir
nafni hennar, Elísabet Ólafsdóttir.
Jákvæðar staðhæfingar geta verið
öflugt verkfæri þegar breyta á
hugarfari. Það er nauðsynlegt fara
markvisst í að breyta neikvæðum
hugsunum í jákvæðar, byggja upp
sjálfstraust og trú á eigin getu og
hæfileika. Jákvæðar staðhæfingar
geta því nýst öllum sem syngja nú
þegar eða langar til að að læra að
syngja og njóta þess.
Sveigjanlegur kennslutími
„Mér finnst gaman að kenna öllum
og þar skiptir aldur engu máli eða
hvar fólk er statt tæknilega í söng.
Allir hafa möguleika á að bæta sig.“
Lísa býður upp á einkakennslu
fyrir alla aldurshópa, börn og
fullorðna: „Ég vil gjarnan reyna
að hafa tíma hjá börnum í föstum
skorðum en það þarf meiri
sveigjanleika hjá fullorðnum. Sumir
vinna til dæmis vaktavinnu og geta
augljóslega ekki alltaf mætt á sama
tímanum.“
Söngtímar eru jólagjöf sem gefur
lengi – sannkölluð upplifun
Á vefsíðunni vocal-lisa.com er hægt að
kaupa gjafabréf í söngtíma til að gefa
í jólagjöf, allt frá einu upp í 10 skipti í
einkatíma ásamt tíma hljóðveri. Vart er
hægt að hugsa sér betri jólagjöf fyrir
þann sem þráir að syngja og bæta
sönghæfni sína. Á vefsíðunni eru líka
ítarlegar upplýsingar um margt sem
hefur verið drepið á hér, bakgrunn Lísu,
CVT-söngtæknina, söngnámskeið,
verðskrá og margt fleira. Vocal-Lísa er
líka með lifandi Facebook-síðu undir
heitinu Vocal-Lisa. n