Dagblaðið Vísir - DV - 07.12.2018, Blaðsíða 48

Tómstundir og útivist 7. desember 2018KYNNINGARBLAÐ
Tónskóli Hörpunnar hefur verið starfandi í Grafarvogi í hartnær 20 ár.
Skólinn sér aðallega um kennslu
á grunnstigi en er þó með fáeina
nemendur á miðstigi. „Hér erum
við með góða tónlistarkennara
sem kenna á píanó/hljómborð,
fiðlu, gítar, þverflautu, klarinett,
harmoniku, raf- og kontrabassa
og saxófón. Svo kennum við
einnig einsöng og míkrófónsöng
ásamt því að kenna tónfræði
og tónheyrn. Einnig erum við
með forskólakennslu fyrir hópa
á blokkflautu. Á veturna hafa
verið haldin kvöldnámskeið fyrir
fullorðna í gítarleik með það að
markmiði að geta leikið undir
almennan söng,“ segir Svanhvít
Sigurðardóttir, skólastjóri og
kennari við skólann.
Tökum nýjum nemendum
fagnandi
„Fjölmargar rannsóknir sýna fram
á að þeim börnum sem stunda
tónlistarnám vegnar betur í lífinu,
þau eru einbeittari, skipulagðari
og allajafna hamingjusamari.
Tónlistarnám styrkir fólk í öllu sem
það tekur sér fyrir hendur síðar
meir. Það þjálfar hlustun, minni,
hrynskyn, fínhreyfingar og margt
fleira. Svo ekki sé nefnd getan
til þess að spila á hljóðfæri. Það
er tjáning sem má engan veginn
vanmeta.
Við höfum barist fyrir því
lengi að borgaryfirvöld leiðrétti
styrkjaframlag til tónskólans. Við
fáum styrk fyrir um 68 nemendur
en erum nú með 120 nemendur.
Okkar stefna hefur alltaf verið
sú að öll börn og unglingar
fái tækifæri til þess að læra á
hljóðfæri og því höfum við ekki
vísað nemendum frá, heldur þvert
á móti tekið þeim fagnandi,“ segir
Svanhvít.
Tónskóli Sigursveins: Glæsileg
tónleikadagskrá Kennt á mörgum
stöðum
Auk þess að kenna í
höfustöðvunum í Spönginni er
Tónskóli Hörpunnar með kennslu í
mörgum grunnskólum borgarinnar
á skólatíma. Hljóðfærakennsla
á vegum skólans fer nú fram
í 10 grunnskólum, en þeir eru;
Kelduskóli Korpa, Kelduskóli Vík,
Vættaskóli Engi, Vættaskóli
Borgir, Húsaskóli, Sæmundarskóli,
Ártúnsskóli, Réttarholtsskóli,
Háaleitisskóli Hvassaleiti og
Háaleitisskóli Álftamýri.
Það er aldrei of seint að byrja
„Þótt við séum fyrst og fremst að
kenna börnum á grunnskólaaldri
erum við einnig með eldri
nemendur. Elsti nemandinn okkar
tók þátt í gítarnámskeiði og var
hann 88 ára. Hann er sönnun
þess að það er einfaldlega
aldrei of seint að byrja að læra á
hljóðfæri. Einu forsendurnar fyrir
tónlistarnámi er í raun vilji. Ef fólk
vill læra þá á það einfaldlega að
skella sér í nám. Það er svo gott
fyrir sálina,“ segir Svanhvít.
Jólatónleikar Tónskólans
Þess má geta að í næstu viku
verða jólatónleikar Tónskólans
haldnir í Borgum, Kirkjuseli
Grafarvogskirkju í Spönginni. Þar
koma fram allir nemendur skólans.
Tvennir tónleikar verða haldnir á
þriðjudag 11. des. kl. 17.30 og 19 og
tvennir á fimmtudag 13. des. 17.30
og 19. Frítt er inn á tónleikana.
Skráning fyrir vorönn í Tónskóla
Hörpunnar er hafin á vefnum
rafraen.reykjavik.is
Nánari upplýsingar má nálgast á
harpan.is
Skólinn er staðsettur í Spönginni
37–39, Grafarvogi
Sími: 567-0399
Vefpóstur: harpan@harpan.is n
TÓNSKÓLI HÖRPUNNAR:
Gott nám fyrir sálina