Dagblaðið Vísir - DV - 07.12.2018, Page 76
76 FÓLK 7. desember 2018
E
lenora Rós Georgesdótt-
ir er 17 ára gömul og hefur
frá unga aldri haft mikinn
áhuga á kökum og bakstri.
Elenora er jólabarn, enda fædd
á Þorláksmessu, og í anda jól-
anna gefur hún af sér og heldur
Kærleiksjól í Fríkirkjunni laugar-
daginn 8. desember, en allur ágóði
viðburðarins mun renna til Minn-
ingarsjóðs Einars Darra.
Elenora hefur frá unga aldri
bakað með móður sinni. „Mamma
mín er svo klár að baka og skreyta
kökur og það er eitthvað sem
við gerðum oft saman og ég hef
haft mikinn áhuga á síðan ég var
krakki,“ segir Elenora. „Það er
alltaf til eitthvert bakkelsi heima,
kanelsnúðar, kleinur eða annað.
Síðan þegar ég varð eldri fór ég
að skoða uppskriftir á netinu og
svona 11–12 ára gömul þá var ég
farin að baka alveg sjálf.“
Það má því segja að bakstur-
inn og áhugi á honum sé Elenoru
í blóð borinn og hún ákvað að nýta
áhugann alla leið og að loknum tí-
unda bekk skráði hún sig í nám í
bakaraiðn í Menntaskólanum í
Kópavogi. „Ég fór síðan á samning
hjá Brauð&co og hefur aldrei liðið
jafn vel eða fundist ég vera jafn
velkomin eins og hér.“
Gaf til baka til Barnaspítalans
Elenora er með síðuna Le‘ Nores
Cakes á Facebook, lenorescakess,
og í fyrra hélt hún bollakökubas-
ar og hljóp í Reykjavíkurmaraþon-
inu, allt til styrktar Barnaspítala
Hringsins, en Elenora á hon-
um og starfsfólki hans mikið að
þakka. Elenora fæddist með líffæri
utan líkamans, það er fæðingar-
galli sem ber nafnið Omphalocele.
Hún þurfti á bráðaaðgerð að halda
strax eftir fæðingu og hefur síðan
þurft að leggjast oft inn á spítala,
farið í fjölda aðgerða, 2–3 sinnum
á ári, og fjölda skoðana.
„Mig langaði að gefa þeim til
baka það sem þau hafa gert fyrir
mig,“ segir Elenóra. „Ég hef fengið
mikla þjónustu frá Barnaspítalan-
um og það er alveg sama þó að ég
hafi verið erfið, til dæmis þegar lyf-
in hafa farið illa í mig, starfsfólkið er
alltaf
með bros
á vör og kemur fram við mig eins
og ég sé frábær einstaklingur.“
Jólin eru erfiður tími fyrir þá sem
hafa misst ættingja eða vini
Í ár er annað málefni sem nýtur
krafta Elenoru, Minningarsjóður
Einars Darra, en Einar Darri Ósk-
arsson var bráðkvaddur á heimili
sínu 25. maí vegna lyfjaeitrunar.
Hann var 18 ára. Eftir andlát hans
stofnuðu fjölskylda hans og vinir
Minningarsjóð og átakið Ég á bara
eitt líf. En af hverju valdi Elenora
að styrkja minningarsjóðinn?
„Ég á nokkrar vinkonur sem
hafa misst foreldri og systkini rétt
fyrir jól og jólin eru alltaf erfiður
tími, jafnvel næstu ár á eftir, fyrir
þá sem hafa misst nána ættingja,“
segir Elenora. „Ég er jafngömul
Einari Darra og þekki eina af hans
nánustu vinkonum, hún talar um
að jólin í ár verði erfið fyrir sig.“
Jólin í ár verða fyrstu jólin sem
ættingjar og vinir Einars Darra
verða án hans. „Mig langaði að
gera gott fyrir fjölskyldu hans,
koma henni svolítið í jólaskap og
láta henni líða vel yfir hátíðina, af
því hún mun örugglega reynast
þeim erfið. Mér finnst málefnið
mikilvægt og eitthvað sem þarf að
vekja athygli á.“
Vinkonur Elenoru aðstoða
hana við baksturinn og munu
borðin í Fríkirkjunni svigna undir
kræsingum á laugardaginn. „Það
verður opið hús og við erum með
alls konar: sörur, smákökur, tertur,
bollakökur, súkkulaði- og mar-
engstertur og fleira. Við fengum
salinn endurgjaldslaust og mun-
um skreyta hann, og allt hráefni í
baksturinn var gefins og þakka ég
öllum þeim sem styrktu sérstak-
lega fyrir,“ segir Elenora.
Nokkrar ungar stúlkur munu
einnig mæta og spila jólalög og
halda uppi stemningunni.
Allir eru velkomnir og ekkert
kostar inn en á staðnum verður
söfnunarbaukur sem gestir geta
sett frjáls framlög í. Einnig geta
þeir sem vilja styrkja framtak-
ið lagt beint inn á Minningarsjóð
Einars Darra: kennitala: 510718-
1510, reikningsnúmer: 552-14-
405040.
„Mér finnst mikilvægt að allir
fái að finna fyrir einstaka jólaand-
anum. Að sjá fólk koma saman,
með fallegri tónlist og ljúffengu
bakkelsi sem hörkuduglegt fólk
hefur bakað með ást og alúð. Þetta
verður notalegt, eftirminnilegt,
kærleiksríkt og skemmtilegt. Ná-
kvæmlega það sem jólin eiga að
snúast um. Fullkomið tækifæri til
að taka pásu í jólastressinu.“ n
Suðurlandsbraut 14 • 108 Reykjavík • Sími 588 0188 • slysabaetur@slysabaetur.is
VIÐ SÆKJUM
BÆTURNAR
Ekki flækja málin.
Elenora Rós heldur kærleiksjól til styrktar
„Kærleiksríkt og
skemmtilegt eins
og jólin eiga að vera
Ragna Gestsdóttir
ragna@dv.is
Elenora Rós hefur bakað frá
því að hún var barn og lætur
gott af sér leiða á aðventunni.
Það var nóg um að vera við
baksturinn þegar ljósmyndari
DV leit við.
Einar Darri var 18 ára þegar hann lést. Hans
verður sárt saknað um jólin af ættingjum
og vinum.
Allur ágóði
Kærleiksjóla
rennur til
styrktar átak-
inu Ég á bara
eitt líf.