Tímarit Máls og menningar - 01.02.2018, Side 10

K r i s t í n Ó m a r s d ó t t i r
10 TMM 2018 · 1
Hvaða orð er alls ekki í uppáhaldi hjá þér?
Á dönsku er það orðið seng – rúm – hundleiðinlegt orð. Á kóresku – man
það ekki.
Hvað gerir þig glaða?
Hafið og nálægðin við sjóinn.
Hvað gerir þig dapra?
Samfélagið og heimurinn gerir mig dapra.
Af hvernig hljóðum hrífstu?
Bylgjuhljóðum. Ölduhljóðum.
Og hvaða hljóð þolirðu ekki?
Skærar raddir – það er verst.
Hvaða annað starf myndirðu kjósa?
Ég myndi vilja verða garðyrkjukona og það er ekki of seint. Þegar ég var
barn vildi ég verða lögfræðingur eða garðyrkjukona.
Hvað myndirðu alls ekki vilja vera?
Læknir. Það yrði mér erfitt að umgangast alltaf veikt fólk. Hvað kysir þú
að starfa við annað en ritstörf?
Kannski læknir.
Er það?
Já, en ég myndi aldrei taka blóð eða skera í fólk.
Nei – einmitt, ekki ég heldur.
***
Viltu segja mér frá skólagöngunni?
Eftir menntaskóla hætti ég um tíma í skóla og ferðaðist um og fór m.a.
til Asíu. Svo gekk ég í Rithöfundaskólann í Kaupmannahöfn og útskrifaðist
þaðan.
Hvernig vaknaði áhugi þinn á bókmenntum og hvenær byrjaðir þú að
skrifa?
Í grunnskóla byrjaði ég að lesa ljóð. Þannig vaknaði áhugi minn á bókum.
Á sama tíma byrjaði ég að yrkja – í sjötta og sjöunda bekk. Ef ég átti að skrifa
stíl í skólanum orti ég ljóð og skilaði ljóði í stað stíls.