Tímarit Máls og menningar - 01.02.2018, Síða 16

K r i s t í n Ó m a r s d ó t t i r
16 TMM 2018 · 1
Ertu að skrifa nýja bók?
Nei, ekki núna.
Sækir þú jafnt áhrif í útlenskar bækur og danskar?
Já.
Gerir þú greinarmun á amerískum og evrópskum áhrifum, asískum,
afrískum?
Ég veit ekki – nú les ég Grænmetisætuna eftir Hang Kang og þó að hún
fjalli um sammannlegar aðstæður er hún mjög kóresk fyrir mér, þ.e. hvernig
hún dregur upp myndina af feðraveldissamfélaginu og hve fjölskyldugildin
eru mikils virt í landinu. Já, ég les bækur með menningarlegt samhengi þeirra
í huga.
Hvaða bækur tækirðu með þér á eyðieyju?
Ég tæki með mér skáldsögur eftir Marguerite Duras og ljóð eftir Saffó.
***
Viltu lýsa í nokkrum orðum fyrstu 17 árum tuttugustu og fyrstu aldar?
Árið 2000 kom ég fyrst til Kóreu og það breytti öllu. Ég var alveg óundir-
búin og hafði aldrei dílað við ættleiðingu mína. Þessi síðustu sautján ár hafa
verið nýr kafli í lífi mínu.
Hver er tilfinning þín fyrir síðustu öld? Hvernig skynjar þú hana?
Hún virðist ekki hafa verið jafn kreisí og þessi býr sig undir að verða. Það
lítur út fyrir að samtími okkar eigi eftir að þurfa að horfast í augu við rosa-
legar breytingar.
Manstu hvað þú varst að gera á gamlárskvöldi hins nýja árþúsunds?
Ég var einhvers staðar í Asíu – man ekki hvar.
***
Dagdreymir þig?
Stundum en ekki þessa dagana. Þegar ég er hrædd um að missa af ein-
hverju og ég þrái eitthvað dagdreymir mig.
Viltu breyta heiminum?
Ekki lengur.
Ertu pólitísk?
Já.