Tímarit Máls og menningar - 01.02.2018, Page 70

L j ó ð f r á V í e t n a m
70 TMM 2018 · 1
NÆTURSÖNGUR SEYLON
Við erum verkamenn frá Seylon
förum um borð í flugvélina kl. 4.25
til að skipta um koddaver, tæma öskubakka og tína upp teppi
við erum litlir, brúnir á húð, með krullað hár
Kólombó að nóttu
Við klæðumst ekki nærbuxum til að dansa á barborðum
Við berum kústa
Við berum ryksugur
Við höfum horuð brjóst, stutta leggi og hárið í hnút á hnakkanum
Söngur Seylon
Ó Robert Flaherty
Við erum ekki með gullhringi í nefinu
Fyrsta kona: Ég á barn heima
sem sefur hjá föður sínum
faðir hans vinnur á daginn
Önnur kona: Ég á tvö börn heima
sem sofa hjá ömmu sinni
í föðurætt
Faðir þeirra vinnur í útlöndum
Þriðja kona: Ég á þrjú börn heima
sem sofa hvert með öðru
Ég veit ekki hvar faðir þeirra er
annaðhvort í hernum eða hjá ástkonu
Við heilsum ekki dottandi farþegum
á leið frá Singapúr til Dúbai
Þeir eru að fara frá Filipseyjum til Óman til að byggja
frá Tælandi til Abu Dhabi til að þrífa og sópa
frá Indónesíu til Kuwait til að passa börn og ala kjúklinga
(Ég sé um annarra manna börn
en þegar ég fer heim í frí
færi ég mínu eigin barni tölvu-
leik að gjöf)
(Og ég er að spara svo ég geti gift mig)
(Og ég vinn til að greiða skuldir)
Í flugvélinni frá Sameinuðu arabísku furstadæmunum eru þau
farin að dotta
Sofið rótt þið langferðugu verkalýðshetjur
Við heilsum ekki heldur flugfreyjunum