Tímarit Máls og menningar - 01.04.2019, Side 2

2
Frá ritstjórum
Annað hefti ársins er heimsreisa, enda er Bókmenntahátíð handan við
hornið – verður haldin 24. til 27. apríl. Þangað stefnir fjöldi spennandi höf-
unda hvaðanæva að og eins og Auður Jónsdóttir bendir á í hugvekju sinni
býr heill heimur í hverri manneskju: „og flestir þessara gesta reynast búa yfir
auðugum heimi sem þeir eru fúsir að miðla af.“ Þess vegna er hún sú deigla
sem raun ber vitni. Átta höfundar af hátíðinni prýða forsíðuna hér og á þá er
varpað ljósi með ýmsu móti í heftinu.
Í öðru efni er líka horft út í heim, farið er á slóðir Auðar djúpúðgu í Skot-
landi og Leifs heppna í Vínlandi hinu góða, Jóhanni Jóhannssyni tónskáldi
er fylgt frá stórsigrum í Hollywood til ótímabærs andláts, tvö erlend skáld fá
ljóð sín þýdd og lesandinn fær að líta týnda perlu með alþjóðlegu yfirbragði
í miðborg Stokkhólms, svo fátt sé talið. Góða ferð!
Elín Edda Pálsdóttir og Sigþrúður Gunnarsdóttir
Umsagnir um bækur
Maríanna Clara Lúthersdóttir: Trúin á skáldskapinn .................................... 120
Silja Aðalsteinsdóttir: Hvað sem er getur orðið að kláða ............................... 124
Brynja Hjálmsdóttir: Kaffi og köfnun ............................................................... 126
Gréta Sigríður Einarsdóttir: Ástarsögur með öfugum formerkjum ............ 130
Einar Már Jónsson: Liber scriptus proferetur .................................................. 134
Úlfhildur Dagsdóttir: Dularfulla húsið og myrkrið í mannssálinni ........... 138
Á kápu eru teikningar Helgu Páleyjar af þeim átta erlendu gestum Bókmenntahátíðar í Reykja-
vík sem fjallað er um í þessu hefti.