Tímarit Máls og menningar - 01.04.2019, Page 50

50
B ó k m e n n ta H át í ð
ómarkverðum atvikum „hins“ sem það veit ekki einu sinni hver er eða þá
hvar í heiminum. Án þess að ætla sér það beinlínis sogast það inn í persónu­
legt líf fólks og reikar með kentukunum um híbýli ókunnugra „vina“ og fær
brotakenndar upplýsingar um þá. Lesandinn hefur sterklega á tilfinningunni
að þetta svipi til raunveruleika fjölda fólks í nútímanum og jaðri við að vera
njósnir eða gægjur án tilgangs eða yfirlýsts markmiðs. Höfundi er umhugað
um hvernig tæknin getur tekið völdin og hefur þegar gert það með þeim
afleiðingum að við erum orðin barnalegri og sjálfumglaðari. Það er ekki
tæknin í sjálfu sér sem hefur þessi áhrif, heldur sá sem er „hinum megin“,
hefur höfundur sagt.
Eins og fyrr sagði er Samanta Schweblin margverðlaunaður höfundur og
bækur hennar hafa verið þýddar á tvo tugi tungumála. Allar hafa þær fengið
viðurkenningu, meðal annarra hin virtu smásagnaverðlaun sem kennd eru
við Juan Rulfo og Ribera de Duero­smásagnaverðlaunin. Nú síðast fékk hún
Shirley Jackson­verðlaunin fyrir Distancia de rescate sem einnig var tilnefnd
til alþjóðlegu Man Booker verðlaunanna. Schweblin hefur dvalið í Mexíkó,
á Ítalíu og í Kína en er nú búsett í Berlín þar sem hún heldur úti ritsmiðju á
spænsku meðfram eigin ritstörfum.