Tímarit Máls og menningar - 01.04.2019, Page 63

v í k i n g U r i n n m e ð r ó ð U k r o S S i n n
63
Í þessari lýsingu er lítil áhersla lögð á dvöl Leifs í Norður­Ameríku en þeim
mun meiri á hlutverk hans sem kristniboða á Grænlandi og tregðu Eiríks til
að taka upp nýjan sið.
Samkvæmt Grænlendinga sögu átti Leifur ekki heiðurinn af því að finna
Norður­Ameríku heldur Bjarni Herjúlfsson sem var að sigla frá Íslandi til
Grænlands þegar skip hans lenti í hafvillum. Sá Bjarni þrívegis til lands áður
en hann náði áfangastað á Herjúlfsnesi á Grænlandi þar sem faðir hans bjó.
Þegar Leifur fékk fregnir af þessari sjóferð keypti hann skipið af Bjarna og
hélt ásamt 35 mönnum í könnunarleiðangur frá Brattahlíð vestur með strönd
Norður­Ameríku. Er þess getið að í ferðinni hafi verið „suðurmaður einn
[…] er Tyrkir hét“ sem mælt hafi bæði á norræna og þýska tungu.11 Leifur og
skipverjar hans stigu á land á þeim þremur stöðum sem Bjarni hafði séð af
skipsfjöl en í öfugri röð. Gaf Leifur fyrstu tveimur stöðunum nöfnin Hellu­
land og Markland. Á síðasta áfangastaðnum, þar sem Tyrkir fann fyrstur
manna vínvið og vínber, hafði hópurinn vetursetu. Frumbyggjar svæðisins
skjóta ekki upp kollinum á þessum slóðum, hins vegar er nefnt að Leifur láti
menn sína fylla skipið af vínviði og eftirbátinn af vínberjum. Síðan segir:
„Og er vorar þá bjuggust þeir og sigldu burt og gaf Leifur nafn landinu eftir
landkostum og kallaði Vínland, sigla nú síðan í haf og gaf þeim vel byri þar
LeRoy Mason, Donald Crisp og Pauline Starke í hlutverkum sínum sem Alwin,
Leifur og Helga í The Viking.