Tímarit Máls og menningar - 01.04.2019, Side 69

v í k i n g U r i n n m e ð r ó ð U k r o S S i n n
69
innflytjenda frá Suður­ og Austur­Evrópu.28 Margir í hópi gömlu innflytj­
endanna töldu frásögnina af hinum norræna víkingi heppilegri upphafskafla
í sögu Bandaríkjanna en söguna um ítalska vefarasoninn Kristófer Kólumbus
sem gerður var út af örkinni af spænsku konungshjónunum 500 árum síðar
til að kanna löndin í vestri.29 Eins og titillinn ber með sér lágu þessi við­
horf til grundvallar áðurnefndu riti Andersons, America Not Discovered by
Columbus og þau lögðu líka grunninn að baráttu hans og fleiri Bandaríkja­
manna af norrænum ættum fyrir því að farið væri að halda opinberlega upp
á sérstakan dag Leifs Eiríkssonar 9. október ár hvert. Sú barátta markaðist
af því að svonefndur Kólumbusardagur, 12. október, hafði um alllangt skeið
verið haldinn í heiðri vestanhafs og raunar gerður að opinberum hátíðisdegi
í Colorado­fylki árið 1906. Fleiri ríki fylgdu í kjölfarið og fór svo að árið 1937
varð Kólumbusardagur alríkisfrídagur.
Ljóst er að The Viking, auk þess að kynna nýja og undursamlega tækni
við gerð litkvikmynda, var hápólitískt innlegg í deilurnar um það hver fann
Ameríku og þar með hvaða þjóðarbrot ættu mest tilkall til forræðis yfir
heimsálfunni. Erfitt er að meta áhrif kvikmyndarinnar í þessu efni en það má
benda á að vorið 1929, fáum mánuðum eftir að hún var frumsýnd, samþykkti
Bandaríkjaþing að fela forseta landsins, Herbert Clark Hoover, „að þiggja boð
konungsríkisins Íslands um að taka þátt í hátíðarhöldum í tilefni af þúsund
ára afmæli Alþingis og færa íslensku þjóðinni í tengslum við það styttu
Líkneski Alexanders Sterling Cal-
der af Leifi heppna á Skólavörðu-
holti í Reykjavík.