Orð og tunga - 08.07.2019, Page 166

154 Orð og tunga
ok> flutti heim með sér ok fekk ǫllum vist um vetrinn.
Sýndi hann í því hina mestu stórmennsku ok gæzku
af sér. Hann kom kristni á landit (+ ok hann bjargaði
mǫnnunum 557). Var hann <síðan> kallaðr Leifr hinn
heppni.“ (Eiríks saga rauða 1985:415).
2) „Óláfr konungr sendi ok þat sama vár Leif Eiríksson til
Grœnlands at boða þar kristni, ok fór hann þat sumar
til Grœnlands. Hann tók í hafi skipsǫgn þeira manna,
er þá váru ófœrir ok lágu á skipsflaki, ok þá fann hann
Vínland it góða ok kom um sumarit til Grœnlands ok
hafði þannug með sér prest ok kennimenn ok fór til vist-
ar í Brattahlíð til Eiríks, fǫður síns. Menn kǫlluðu hann
síðan Leif inn heppna. En Eiríkr, faðir hans, sagði, at þat
var samskulda, er Leifr hafði borgit skipsǫgn manna,
ok þat, er hann hafði flutt skémanninn til Grœnlands.
Þat var prestrinn.“ (Heimskringla I 1941:347–348).
3) „Þá fann Leifr Vínland it góða. Hann fann ok menn á
skipflaki í hafi. Því var hann kallaðr Leifr inn heppni.“
(Kristni saga 2003:30).
4) „Sigla nú síðan í haf, ok gaf þeim vel byri, þar til er þeir
sá Grœnland ok fjǫll undir jǫklum. Þá tók einn maðr til
máls ok mælti við Leif: „Hví stýrir þú svá mjǫk undir
veðr skipinu?“ Leifr svarar: „Ek hygg at stjórn minni,
en þó enn at fleira, eða hvat sjái þér til tíðenda?“ Þeir
kváðusk ekki sjá , þat er tíðendum sætti. „Ek veit eigi,“
segir Leifr, „hvárt ek sé skip eða sker.“ Nú sjá þeir ok
kváðu sker vera. Hann sá því framar en þeir, at hann sá
menn í skerinu. „Nú vil ek, at vér beitim undir veðrit,“
segir Leifr, „svá at vér náim til þeira, ef menn eru
þurft ugir at ná várum fundi, ok er nauðsyn á at duga
þeim; en með því, at þeir sé eigi friðmenn, þá eigu vér
allan kost undir oss, en þeir ekki undir sér.“ Nú sœkja
þeir undir skerit ok lægðu segl sitt, kǫstuðu akkeri ok
skutu litlum báti ǫðrum, er þeir hǫfðu haft með sér. [...]
„Nú vil ek,“ segir Leifr, „bjóða yðr ǫllum á mitt skip
ok fémunum þeim, er skipit má við taka.“ Þeir þágu
þann kost ok sigldu síðan til Eiríksfjarðar með þeim
farmi, þar til er þeir kómu til Brattahlíðar; báru farm-
inn af skipi. Síðan bauð Leifr Þóri til vistar með sér ok
Guðríði, konu hans, ok þrimr mǫnnum ǫðrum, en fekk
vistir ǫðrum hásetum, bæði Þóris ok sínum félǫgum.
tunga_21.indb 154 19.6.2019 16:56:17