Orð og tunga - 08.07.2019, Qupperneq 182

170 Orð og tunga
merkingu hvort innskotssetningar eru afmarkaðar með kommum eða
ekki. Smá vægi legar breytingar hafa einnig orðið í öðrum köflum og
tilgreini ég það helsta hér á eftir.
Yfirlit yfir breytingar
Kommur
21.1.2.5 Kommur afmarka eingöngu innskotssetningu tengda með
sam tengingu ef hún felur í sér viðbótarupplýsingar og hægt er að setja
sviga utan um innskotssetninguna eða taka hana út án þess að merk-
ing aðalsetningarinnar glatist.
Þetta hús, sem var byggt 1920, er elsta húsið við götuna. (Innskotið
„sem var byggt 1920“ geymir viðbótarupplýsingar sem hægt er að
setja sviga utan um.
Ekki skal afmarka með kommum innskotssetningu tengda með sam-
teng ingu ef innskotssetningin er ómissandi hluti af merkingu aðal-
setn ing arinnar, afmarkar hana nánar og ekki er hægt að setja sviga
utan um hana.
Sá sem fæst við erfi tt verkefni verður að leggja hart að sér.
Nemandi sem stundar námið vel mun ná góðum árangri.
Nokkrir sem ég þekki ætla til Akureyrar í sumar.
Alltaf þegar veðrið er gott sit ég úti í garði.
Þetta er breyting frá eldri reglum um greinarmerkjasetningu frá
1974 (auglýsingar nr. 133 og 184/1974) og nánari útfærslu þeirra í rit-
reglum Stafsetningarorðabókarinnar (2006). Þar fór kommusetning við
innskotssetningar eftir því hvaða orð fóru næst á undan inn skots-
setn ingunum: Ekki voru kommur ef á undan fór fornafnið sá eða
atviksorðið þar, val var um kommu ef önnur fornöfn eða atviksorð
fóru á undan en annars voru alltaf hafðar kommur.6
lenskrar málnefndar um ritreglur 23. ágúst 2015 (sjá htt p://www.islenskan.is/
images/Islenskar-ritreglur-drog-2015.pdf).
5 Feitletruð tala vísar hérna til greinarnúmers í nýju reglunum.
6 Sjá ritreglur í Stafsetningarorðabókinni (2006:723–726). Samkvæmt eldri regl um
(1974, 2006) væru því ekki kommur í fyrstu setningunni hér fyrir framan, kommur
hins vegar í annarri setningunni og val um kommur í þriðju og fj órðu setn ingunni.
tunga_21.indb 170 19.6.2019 16:56:21