Húnavaka - 01.01.2018, Blaðsíða 39

H Ú N A V A K A 37
um land en hugarfarið hefur breyst. Jú, ég tek alltaf nokkra laxa í soðið á
hverju ári en ég sleppi nánast öllum laxi sem ég veiði. Það er lítið varið í það
að vera með fulla kistu af laxi þegar nýtt veiðitímabil hefst.
Ég er afskaplega slakur við veiðar og ég nýt þess að vera í góðum félagsskap.
Ég er til dæmis nánast alltaf með einhverjum veiðifélaga minna á stöng. Mér
finnst það gaman. Veiðifélagar deila með sér t.d. hvaða flugur á að nota, línur
og aðferð o.s.frv. Og svo samgleðst ég félaganum ef hann fær.
Það er eitt markmið sem ég stefni á og það er að fara yfir 100 cm. Ég er
búinn að fá 7 laxa 98 cm að stærð. Ég er búinn að missa nokkra laxa sem að
klárlega voru yfir meter og er það svekkjandi. Þetta hlýtur að fara að koma
en ef ekki þá það bara.
Ég eyði ávallt töluverðum tíma á sumri hverju við leiðsögn veiðimanna og
mér finnst það gaman. Góð tilbreyting frá hinu hversdagslega amstri. Ég
byrjaði í Blöndu og Svartá en núna er ég eingöngu í Víðidalsá og Laxá á
Ásum.
Þá dettur mér í hug góð saga í lokin. Einu sinni var ég með íslenskum
veiðimanni í Víðidalsá, í Efri-Kæli, þekktum stórfiskastað. Þegar ég skoðaði í
boxið hans sá ég stórar flugur og túbur. Ég lánaði honum minni flugu, Haug
númer 16 og bað hann um að skipta um taum, setja grennri taum undir. Hann
gerði það, tók eitt eða tvo skref að ánni, leit við og sagðist ekki hafa neina trú
á þessu, hann vildi nota stærri flugu eða túbu. Ég hvatti hann áfram og hann
tók tvö skref til viðbótar, stoppaði og sagðist myndu láta mig fá viskíflösku ef
svo ólíklega vildi til að hann myndi setja í lax á svona litla flugu og þar með
kastaði hann samkvæmt leiðsögn og strippaði / dró línuna hratt. Í fjórða kasti
tók lax sem var svo landað og ég fékk flösku af þessu fína 12 ára Glenfiddich.
Mig langar að ljúka þessu með eftirfarandi orðum og motto Skotvís: Þá er
veiðidagur góður þegar hóflega er veitt, með talsverðri líkamlegri áreynslu,
vakandi náttúruskyni og sært dýr liggur ekki eftir að kveldi.
Leiðsögumenn í Víðidalsá.