Húnavaka - 01.01.2018, Blaðsíða 254

252
NORÐURÁ BS.
Á árinu 2017 var tekið á móti 20.523 tonnum af úrgangi í
urð unar staðnum Stekkjarvík en árið áður var tekið á móti
20.241 tonni. Aukning á milli ára var því 282 tonn. Heimilt er
að taka á móti allt að 21.000 tonnum á ári og var sorpmagnið
því um 98% af leyfðu magni. Nokkur breyting varð á
samsetningu úrgangs sem barst til urðunar miðað við síðasta ár. Stærstu
breyturnar voru að blandaður úrgangur frá heimilum jókst um 873 tonn eða
um 17% og var 5.983 tonn en magn af sláturúrgangi og dýrahræjum minnkaði
um 447 tonn eða um 11% og var 3.705 tonn. Blandaður úrgangur frá
fyrirtækjum nam 9.252 tonnum og hafði minnkað um 150 tonn eða 1,6% milli
ára.
Starfssvæði Norðurár bs. er orðið nánast allt Norðurland og nær frá Húna-
þingi vestra og austur í Norðurþing. Samtals hefur verið tekið við rúmlega 110
þúsund tonnum í Stekkjarvík frá því urðun hófst þar 2011.
Á árinu var fyrsti hluti urðunarhólfsins kominn í fulla hæð. Samkvæmt
starfsleyfi og samkomulagi við Umhverfisstofnun var því farið í að bora holur
fyrir gassöfnun úr urðunarbingnum á því svæði. Undir stjórn Eflu verkfræði-
stofu voru boraðar sex gassöfnunarholur og komið fyrir rörum og öðrum
búnaði. Sömuleiðis voru framkvæmdar tilskyldar mælingar. Ekki náðist að
hefja söfnun og eyðingu á gasi á árinu en búnaður til þess verður tekinn í
notkun á árinu 2018. Niðurstöður afkastamælinga sem gerðar voru í október
2017 sýndu um 15-20 Nm3/klst. (normalrúmmetrar) af fáanlegu lífgasi úr
fyrstu þremur holunum. Gert er ráð fyrir að lífgasvinnslan geti því mögulega
farið upp í 300-400 Nm3/klst á næstu 10 árum þegar boraðar hafa verið 20
holur.
Rekstrartekjur námu 175,7 milljónum kr. og rekstrargjöld 81,2 milljónum,
afskriftir voru 24,8 milljónir og fjármagnsliðir námu 38,0 milljónum. Hagn-
aður ársins varð því 29,3 milljónir sem var notaður annars vegar til framlags í
svokallaðan „lokunarsjóð“ sem er ætlað það hlutverk að kosta frágang svæð-
isins þegar urðun lýkur og hins vegar til fjárfestinga í nýjum sorptroðara frá
Bomag sem samið var um kaup á í september en afhendist ekki fyrr en á nýju
ári.
Starfsmenn urðunarstaðarins eru þrír og annast alla móttöku, skráningu