Húnavaka - 01.01.2018, Blaðsíða 229

227
Lögreglan er sífellt að aðlaga sig að breytingu í þjóðfélaginu og þrátt fyrir
að í grunninn sé hún íhaldssöm stofnun verður hún að hafa möguleika á að
fylgja eftir þróun samfélagsins. Það er mikilvægt að lögreglan njóti trausts og
að samstarf við íbúa svæðisins sé með þeim hætti að allir njóti góðs af.
Stefán Vagn Stefánsson.
SAH AFURÐIR.
Sauðfjárslátrun gekk vel hjá SAH Afurðum og getur fyrirtækið verið
afar þakklátt sínu starfsfólki fyrir það. Tekinn var í notkun nýr gæruafdragari
sem leysti þann gamla af hólmi. Í kjölfarið gengur línan jafnar og örlítið
hraðar sem hjálpar auðvitað til við að gera sláturtíðina betri.
Líkt og áður hófst slátrun í byrjun september og lauk um mánaðamótin
október/nóvember. Sömuleiðis hefur stórgripaslátrun gengið vel eins og
undanfarin ár. Að þessu sinni var 2.210 fullorðnum hrossum og folöldum
slátrað og er það nánast sami fjöldi og árið áður, 1.621 nautgrip var slátrað
sem er einnig svipaður fjöldi og 2016. Bændur skiluðu inn 104.949 lömbum
og ám og var meðalfallþungi dilka 16,52 kg sem er rétt á milli meðalfallþunga
síðustu tveggja ára. Fjöldinn er þó örlítið meiri en árið 2016.
Enn er verð fyrir gærur og aðrar aukaafurðir af lambinu afar lágt en til að
sleppa við birgðasöfnun hefur verið reynt að losa um þessar afurðir og virðist
það vera að takast vel. Fastlega er búist við því að allar gærur frá síðasta ári
verði seldar fyrir sumarbyrjun. Sama má segja um afurðaverðið fyrir kjötið
sjálft, ekkert mál er að selja allt kjöt en verðið á þeim mörkuðum sem gætu
tekið við því er hinsvegar ekki ásættanlegt. Það er því enn um offramleiðslu
að ræða á meðan ekki fást betri verð fyrir þetta frábæra kjöt sem segja má að
sé villibráð í flestum skilningi þess orðs.
Markaðsráð kindakjöts hefur fengið umtalsvert fjármagn til að reyna að
auka sölu til viðskiptavina erlendis en það hefur þó ekki enn gengið eftir.
Afurðaverð bænda var mikið í umræðunni fyrir síðustu sláturtíð og það
Starfsstöð SAH Afurða á Blönduósi.