Húnavaka - 01.01.2018, Blaðsíða 263

261
Héraðsmót USAH var haldið á Blönduósvelli dagana 18.-19. júlí, keppend-
ur Fram fjölmenntu að sjálfsögðu á mótið og komu heim með bikarinn góða,
héraðsmeistarar 2017.
Unglingalandsmót UMFÍ var að Egilsstöðum í ár og mætti USAH með
ágætan hóp en þó færri frá Fram en fyrri ár. Eins og ævinlega var landsmótið
ein staklega skemmtilegt og óhætt að segja að ungmennaandinn hafi svifið yfir
vötnunum. Farið var á Gaflarann, frjálsíþróttamót sem FH heldur í Kaplakrika
og svo Stórmót ÍR sem var vel sótt með 14 þátttakendum. Nóvembermót
UFA. Keppendur Fram stóðu sig að venju vel á öllum þessum mótum og var
öll framganga þeirra félaginu til sóma.
Fótboltakempur Fram hafa, í samvinnu við Hvöt og Kormák, verið dug-
legar að fara á fótboltamót. Helstu mót hafa verið Goðamótin, Stefnumót
KA, Landsbankamótið á Sauðárkróki og Smábæjaleikarnir á Blönduósi.
Karatedeild Fram keypti gólfdýnur til þess að þekja salinn á efri hæðinni í
íþróttahúsinu þar sem deildin er nú með æfingaaðstöðu. Þetta var nokkuð
drjúg fjárfesting en dýnurnar gera salinn aðlaðandi og eftirsóttan fyrir aðra
heilsuræktendur svo þar er peningum ekki kastað á glæ.
Venju samkvæmt tók Fram höndum saman með Björgunarsveitinni Strönd
og stóð fyrir flugeldasölu, áramótabrennu og flugeldasýningu um áramótin.
KVENFÉLAGIÐ EINING.
Kvenfélagið Eining á Skagaströnd telur níu skráða meðlimi og er megintilgang-
ur félagsins að láta gott af sér leiða í nærsamfélaginu. Félagið stendur að
ýmsum viðburðum, auk þess að sjá um erfidrykkjur og sölu fermingarskeyta.
Að venju hófst árið með þorrablótsundirbúningi með öllu sem því tilheyrir.
Þann 11. febrúar var síðan haldið vel sótt og vel lukkað þorrablót. Þriggja
kvölda félagsvist var haldin í mars og páskabingóið þann 15. apríl. Kven -
fé lag ið var stofnað 27. febrúar 1927 og átti því 90 ára starfsafmæli á ár inu. Af
því tilefni styrktum við sjö félagasamtök og stofnanir í sveitarfélaginu. Auk
Stigahæstu einstaklingar í aldursflokkum á Héraðsmóti USAH í frjálsum.