Húnavaka - 01.01.2018, Blaðsíða 53

H Ú N A V A K A 51
fórum við í Monkey Temple sem var mjög fallegur staður. Því næst skoðuðum
við Buddha hof sem skemmdist mjög í jarðskjálfta 2015 sem var upp á 8,2 á
Richter. Borgin er mjög skítug og mikil fátækt er í Nepal. Ekki var mikið um
túrista og það var alltaf mistur yfir öllu, líklega út af mengun.
Þeir sem unnu stríð byggðu hof til heiðurs sér
Flugferð frá Nepal til Mumbai í Indlandi var næst á dagskránni. Þá var
kominn 25. febrúar. Þaðan flugum við til Taílands. Við fórum með lest til
höfuðborgarinnar Bangkok. Leigubílstjórinn fann ekki hótelið okkar svo að
hann henti okkur út á miðri götu þannig að við tókum Tuk-tuk það sem eftir
var leiðarinnar á hótelið. Eftir að hafa lagt okkur nokkra stund fórum við og
skoðuðum aðalverslunargötu Bangkok sem heitir Kao San.
Daginn eftir áttum við pantaða dagsferð til Ayutthya sem er borg í Taílandi
um 80 km norður af Bangkok og var áður sjálfstætt konungsríki (1351-1767).
Við fórum með mini-van með nokkuð stórum hópi. Við vorum með
leiðsögumann sem fræddi okkur um staðina og menningu, t.d. lærðum við það
að þeir sem unnu stríð byggðu hof til heiðurs sér.
Um kvöldið fórum við með rútu til Chiang Mai sem er stærsta borgin í
norðurhluta Taílands, stofnuð 1296 og var áður höfuðborg sérstaks
konungsríkis. Við komum þangað um morguninn þannig að við þurftum að
sofa í rútunni sem var nú ekkert spes. Við fundum okkur Tuk-tuk bílstjóra sem
Við skoðuðum Buddhahof sem skemmdist
mikið í jarðskjálfta upp á 8,2 stig.
Sigurvegararnir byggðu hof sér til heiðurs.