Húnavaka - 01.01.2018, Blaðsíða 281

H Ú N A V A K A 279
Áður en langt um leið var komið nýtt ár og það þýddi auðvitað að komið
var að því að boða prjónagraffara á fund og um miðjan febrúar 2017 var
fundur. Þar var ákveðið að halda áfram með peysuklædda staurakarla og
-kerlingar en reyna að hressa upp á litavalið þannig að peysurnar yrðu líflegri.
Eins og árið áður var Prjónagleði á dagskránni og eins og áður þá var stefnan
sett á að vera búin að skreyta bæinn í júníbyrjun.
Um miðjan mars var framleiðsla stauraskrauts komin á fullt og graffarar
unnu saman að því að búa til fjölbreytt skraut fyrir bæinn okkar. Og aftur var
bærinn skreyttur hátt og lágt og aftur var verkefnið unnið í sjálfboðavinnu
fjölbreytts hóps fólks á ýmsum aldri. Og aftur var hægt að setja upp skraut frá
fyrri árum þar sem búið var að passa vel upp á það milli ára.
Nú er svo komið að til er stauraskraut á fjölmarga staura bæjarins og er það
ósk aðstandenda prjónagraffsins að þessi leið til að lífga upp á bæinn okkar sé
komin til að vera. Ákveðin endurnýjun þarf að vera árlega þar sem veður-
guðirnir hafa sitt að segja um útlit skrautsins og svo langar okkur kannski bara
til að prjóna eitthvað nýtt á hverju ári.
Að öllu óbreyttu verður textílbærinn Blönduós fagurlega skreyttur prjónlesi
á sumrin í nánustu framtíð.
Fyrir hönd prjónagraffara á Blönduósi:
Magdalena Berglind Björnsdóttir,
Erna Björg Jónmundsdóttir og
Jóhanna Erla Pálmadóttir.
LÉLEGRI LAXVEIÐI EN UNDANFARIN ÁR
Samkvæmt tölum Veiðimálastofnunar var laxveiði í húnvetnsku ánum sum-
arið 2017 lélegri en undanfarin ár. Í heild var veiðin á landinu þó yfir lang-
tímameðaltali. Hlutfall stórlaxa sem veiðist í héraðinu er hátt.
Veiði í einstökum ám í
Húnaþingi var sem hér seg-
ir samkvæmt skrám Veiði-
málastofnunar. Veiðiskýrslur
höfðu ekki borist frá Hrúta-
fjarðará, Laxá á Ásum eða
Hallá þegar þessi frétt er
skrifuð.
Laxar Bleikja Urriði
Miðfjarðará 3.765 64 24
Víðidalsá og Fitjá 774 1.013 304
Gljúfurá 16 541 10
Vatnsdalsá og Giljá 729 504 1.069
Fremri-Laxá 13 1 2.541
Blanda 1.428 42 73
Svartá 128 25 45
Laxá á Refasveit 265 0 2