Morgunblaðið - 27.06.2019, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 27. JÚNÍ 2019
Hefur þú prófað nýju
kjúklingasteikurnar?
NÝTT OG
SPENNANDI
FRÁ HOLT
A
Ragnhildur Þrastardóttir
ragnhildur@mbl.is
Öllum stéttarfélögum sem eiga eftir að semja
um kjarasamninga við ríkið gefst nú kostur á
að gangast undir samkomulag um breytta
viðræðuáætlun. Samkomulagið felur í sér
friðarskyldu til 30. september og 105.000
króna fyrirframgreiðslu sem hver félagsmað-
ur fær greidda fyrsta ágúst vegna vænt-
anlegra launahækkana. Einnig felst í því
frestun viðræðna fram yfir verslunarmanna-
helgi.
Samiðn féllst á samkomulagið fyrst stétt-
arfélaga þann fjórtánda júní. Önnur stétt-
arfélög hafa fylgt á eftir, Kennarafélagið fyrir
hönd framhaldsskólakennara, Félag íslenskra
hjúkrunarfræðinga og aðildarfélög BSRB.
Þetta staðfestir Sverrir Jónsson, formaður
samninganefndar ríkisins.
„Við höfum ekki náð að ræða við alla og
aðrir eru að hugsa sig um,“ segir Sverrir.
Ekkert stéttarfélag hafði hafnað samningnum
þegar Morgunblaðið náði tali af Sverri fyrir
hádegi í gær.
Spurður um það hvort mikið sé eftir af við-
ræðum segir Sverrir: „Þetta er mjög flókin
umræða og hún tekur tíma. Þau umræðu- og
samtalsefni sem eru í gangi eru einfaldlega
þess eðlis.“
Bandalag háskólamanna, BHM, hefur enn
ekki samþykkt tillögu samninganefndar rík-
isins um samkomulag.
Segir friðarskyldu óviðeigandi
Þórunn Sveinbjarnardóttir, formaður
BHM, segir samtökin ekki sætta sig við
ákvæði samkomulagsins um friðarskyldu.
Friðarskylda bannar aðilum samkomulags að
knýja fram breytingar með vinnustöðvun.
„Friðarskylda á einfaldlega ekki við núna,
það gildir friðarskylda þegar kjarasamningar
eru í gildi, lögum samkvæmt. Nú hafa kjara-
samningar verið lausir í tæplega þrjá mánuði
og við erum í samningaviðræðum við ríkið af
fullum heilindum og gerum ráð fyrir að ríkið
sé það einnig og því sé engin ástæða til þess
að nefna friðarskylduna enda á hún ekki
heima í þessu samhengi.“
Þó BHM vilji ekki að friðarskylda sé í gildi
þá þýðir það ekki að samtökin ætli að boða til
vinnustöðvunar í sumar, að sögn Þórunnar.
„Nú stefnir fólk á að fara í langþráða og
kærkomna hvíld frá þessu samtali og svo
komum við endurnærð og einbeitt í byrjun
ágúst og stefnum á að klára samningana til-
tölulega greiðlega,“ segir Sverrir.
Þórunn er tilbúin að gera hlé á viðræðum.
„Aðalatriðið í þessu máli er að við erum
tilbúin til þess að gera stutt sumarhlé svo fólk
komist í sumarleyfi með fjölskyldum sínum.
Það er þó jafn mikilvægt að fólk verði mætt
aftur til viðræðna strax eftir verslunarmanna-
helgi og að viðræður geti hafist þá af fullum
krafti, helst með dagskrá og verkáætlun svo
það sé hægt að ná viðunandi kjarasamningum
í byrjun hausts.“
Sveitarfélögin fara sömu leið
Stefnt er á að nýir kjarasamningar náist
fyrir lok september. „Við erum bjartsýn á að
það náist. Það má alla vega láta á það reyna,“
segir Sverrir sem telur ekki tímabært að tala
um hvort komi til annarrar fyrirframgreiðslu
ef gerð samninga dregst á langinn.
Samninganefnd sveitarfélaga á eftir að
semja við alla sína samningsaðila. Sveitar-
félögin stefna á að gera samskonar sam-
komulag við stéttarfélögin, að sögn Ingu
Rúnar Ólafsdóttur, sviðsstjóra kjarasviðs hjá
Sambandi íslenskra sveitarfélaga.
 Samkomulag samninganefndar ríkisins um breytta viðræðuáætlun felur í sér friðarskyldu stéttar-
félaga og 105.000 króna fyrirframgreiðslu  BHM sættir sig ekki við ákvæði um friðarskyldu
Þurfa að halda friðinn í sumar
Morgunblaðið/Hari
Úrhelli Ýmis stéttarfélög og samninganefndir
þrá hlé á viðræðum þótt rigni mögulega í fríinu.
Kristján H. Johannessen
khj@mbl.is
Liðsmenn Sea Shepherd, samtaka
aðgerðasinna sem m.a. berjast fyrir
verndun hvala, eru komnir hingað til
lands. Skip þeirra, MV Brigitte
Bardot, lagðist að bryggju í Reykja-
víkurhöfn í fyrradag, skammt frá
hvalveiðiskipum Hvals hf. Sam-
kvæmt upplýsingum frá Landhelgis-
gæslu Íslands tilkynnti skipið um
komu sína með fyrirvara og er búist
við að aðgerðasinnar verði hér á
landi næstu vikurnar.
„Þeir komu löglega inn og til-
kynntu sig. Við teljum okkur vita allt
um þeirra fyrirætlanir,“ segir Auð-
unn F. Kristinsson, verkefnisstjóri á
aðgerðasviði Landhelgisgæslunnar.
Hjá Sea Shepherd fengust þær
upplýsingar að MV Brigitte Bardot
væri hingað komið til að trufla
hrefnuveiðar Íslendinga þetta sum-
arið og að áhöfnin fylgist náið með
stöðu mála. Þá segjast þeir einnig
hafa fylgst með stöðu Hvals hf.
„Engir hvalir hafa verið drepnir
hingað til,“ segir í tilkynningu sem
samtökin birtu á netinu eftir komu
þeirra hingað til lands.
Mikil fýluferð til Íslands
Gunnar Bergmann Jónsson
hrefnuveiðimaður er með fimm ára
veiðileyfi. Hann segir liðsmenn Sea
Shepherd hafa verið að taka ljós-
myndir af bát sínum í Reykjavíkur-
höfn skömmu eftir komu þeirra
þangað. Hópurinn mun þó ekki hafa
erindi sem erfiði, að hans sögn.
„Þeir eru að fara í mikla fýluferð
því við erum ekki að fara á hrefnu-
veiðar í ár. Þessi hópur hefði nú bet-
ur hringt í mig í stað þess að mæta
bara,“ segir Gunnar Bergmann og
bætir við að hann hafi þegar gefið
sig á tal við aðgerðasinnanna.
„Ég hitti þá á bryggjunni þar sem
við vorum að vinna í bátnum. Þeir
voru þá að taka myndir af skipinu og
ég sagði þeim bara að það yrðu eng-
ar hvalveiðar á Íslandi 2019. Þeir
þóttust þá vera mjög ánægðir, en
maður er nú náttúrulega búinn að
halda þessu fólki í vinnu undanfarin
ár,“ segir Gunnar Bergmann og
bætir við: „Þeir hljóta að geta fundið
sér eitthvað annað til að mótmæla.“
Þá er vert að geta þess að ekki er
heldur útlit fyrir stórhvalaveiðar við
Íslandsstrendur á næstunni.
Aðspurður segist Gunnar Berg-
mann ætla að einbeita sér að sæ-
bjúgnaveiði þetta sumarið. „Við er-
um með lánsleyfi á sæbjúgu og sá
samningur rennur út 1. september,
en skipið er tilbúið í þær veiðar.“
Skemmdaverkamenn
Íslendingar kynntust samtök-
unum Sea Shepherd árið 1986 þegar
tveir útsendarar þeirra komu til Ís-
lands. Tókst þeim að sökkva tveimur
hvalveiðibátum í Reykjavíkurhöfn
með því að opna botnlokur þeirra.
Menn þessir brutust einnig inn í
Hvalstöðina í Hvalfirði og unnu
nokkrar skemmdir á tækjum og
búnaði þar.
Sea Shepherd lýsti ábyrgðinni á
hendur sér og sagðist Paul Watson,
leiðtogi samtakanna, þá við Morg-
unblaðið ekki hafa minnsta sam-
viskubit yfir að sökkva bátunum,
sem hann kallaði hryðjuverkavélar
sem ógnuðu hvölum á hafinu.
Morgunblaðið/Hari
Hvalveiðar Skip Sea Shepherd, MV Brigitte Bardot, sést hér í fjarska en í forgrunni er Hvalur 9 í Reykjavíkurhöfn.
Sea Shepherd komnir
til Reykjavíkurhafnar
 Vilja trufla hrefnuveiðar sem ekki eru á dagskrá í sumar
Guðrún Erlingsdóttir
ge@mbl.is
„Elliðaárdalurinn er eins og Central
Park í New York nema Elliðadalur-
inn er miklu merkilegri,“ segir Eyþór
Arnalds, borgarfulltrúi Sjálfstæðis-
flokksins, en hann og aðrir fulltrúar í
minnihluta greiddu atkvæði gegn
nýju deiliskipulagi fyrir nýtt þróun-
arsvæði á Stekkjabakka í skipulags-
og samgönguráði í gær.
„ Við teljum að Elliðaárdalurinn sé
í hættu þegar hugmyndir um að
byggja 40 þúsund fm af atvinnuhús-
næði efst í dalnum er samþykkt. Á að-
alskipulagi er svæðið skilgreint sem
þróunasvæði en ekkert í náttúrunni
kallar á það. Elliðaárdalur er við-
kvæmasta græna svæðið í Reykjavík
með fugla og laxalíf í miðri borg,“ seg-
ir Eyþór og bendir á að New York-
búar hafi ekki snert Central Park
þrátt fyrir að það væri freistandi. Ey-
þór segir grænu svæðin í Reykjavík
ekki mörg og þau verði að passa.
Hann segir meirihlutann sækja að El-
liðaárdalnum bæði í ósum og á jaðri.
Eyþór segir málið þverpólitískt og
vonast til að borgarráð samþykki ekki
deiliskipulagið. Verði það gert sé eina
von borgarbúa að óska eftir íbúakosn-
ingu um málið en um 20% borgarbúa,
um 18.000 manns, þurfi til að knýja
fram kosningu.
Sigurborg Ósk Haraldsdóttir, for-
maður skipulags- og samgönguráðs,
segir að meirihlutinn telji Stekkjar-
bakka utan Elliðaárdalsins og nýja
skipulagið geri ráð fyrir grænu þró-
unarsvæði. Borgarráð eigi eftir að
samþykkja deiliskipulagið. Þegar því
sé lokið gæti Garðyrkjufélagið farið
að byggja upp fyrir starfsemi sína og
fyrirhuguð bygging lífshvols orðið að
veruleika. Sigurborg segir líkt og Ey-
þór Arnalds að íbúar geti farið fram á
íbúakosningu ef þeir ná tilskildum
fjölda undirskrifta og hafa Hollvina-
samtök Elliðaárdalsins gefið út í fjöl-
miðlum að þeir hafi áhuga á slíkri
kosningu.
Samþykktu deiliskipu-
lag Stekkjarbakka
 Minnihlutinn greiddi atkvæði á móti
Sigurborg Ósk
Haraldsdóttir
Eyþór
Arnalds