Morgunblaðið - 27.06.2019, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 27. JÚNÍ 2019
)553 1620
Laugarásvegi 1, 104 Rvk, laugaas@laugaas.is • laugaas.is
Af því tilefni verðum við með
afmælistilboð 25.-30. júní
á okkar vinsælustu réttum í gegnum árin
ára
Allir hjartanlega vel
komnir
Gratíneraður fiskur
Lauga-ás special
Glóðasteikt lambalæri
Bearnaise - Lauga-ás special
AÐEINS 2.979 kr. AÐEINS 2.579 kr.
OPNUÐUM
ÁRIÐ
1979
Helgi Bjarnason
helgi@mbl.is
Ákvörðun sjávarútvegsráðherra um
leyfilegan heildarafla í íslenskri fisk-
veiðilögsögu á næsta fiskveiðiári fylgir
alfarið ráðgjöf Hafrannsóknastofnun-
ar. Aflamark í þorski og ufsa mun
aukast en afla-
mark ýsu mun
dragast saman um
meira en fjórðung.
Útlit er fyrir að út-
flutningsverðmæti
sjávarafla muni
dragast saman um
3 milljarða króna
vegna þessarar
þróunar.
„Við höfum
byggt nýtingu
fiskistofna á vísindalegri ráðgjöf í
mörg ár. Það er að flestra mati farsælt
verklag,“ segir Kristján Þór Júlíusson
sjávarútvegsráðherra þegar hann er
spurður hvers vegna hann fylgi ráð-
gjöf Hafró svo nákvæmlega. „Við
sjáum að það er ákveðið jafnvægi í
nýtingu helstu nytjastofna okkar. Þeir
hafa stækkað undanfarin ár. Hinu er
ekki að leyna að þrátt fyrir að við
sjáum vöxt í þorski og ufsa þá eru blik-
ur á lofti varðandi suma stofna vegna
lélegrar nýliðunar á undanförnum ár-
um,“ segir Kristján Þór.
Högg vegna minni ýsukvóta
Aflamark íslenskra skipa í þorski
mun aukast í 270 þúsund tonn og rúm-
lega 2 þúsund tonn að auki renna til
færeyskra útgerða, samkvæmt samn-
ingum. Þetta er um 3% aukning frá
aflamarki yfirstandandi fiskveiðiárs en
aukningin er meiri ef litið er til áætlaðs
afla í ár. Aflamark ufsa verður aukið
um 2%. Aftur á móti mun aflamark í
ýsu dragast saman um 28% og verða
tæplega 41 þúsund tonn hjá íslenskum
skipum. Ekki náðist allur ýsukvótinn
þannig að samdráttur í veiðum verður
minni. Þá var ufsaaflinn umfram afla-
mark í ár og verður því ekki aukning í
veiðunum.
Samtök fyrirtækja í sjávarútvegi
hafa slegið á áhrif breytinga á heildar-
afla á útflutningsverðismæti á árs-
grundvelli. Samkvæmt því virðist
stefna í um 3 milljarða króna sam-
drátt. Þar vegur þyngst veruleg
minnkun ýsukvóta, um 4-4,5 milljarða
króna, og svo grálúðukvóta, um 1-1,5
milljarða kr. Á móti kemur aukning í
þorskheimildum sem metin er á um 3
milljarða króna. Tekið er fram að ekki
eru teknar með hugsanlegar breyting-
ar á makríl í ár þar sem aflamark hafi
ekki verið gefið út og heldur ekki deili-
stofna uppsjávarfiska fyrir næsta
almanaksár.
Forgangsraðað í rannsóknum
Í tilkynningu sjávarútvegsráðu-
neytisins um heildaraflamark á kom-
andi fiskveiðiári kemur fram að bregð-
ast þurfi við nýliðunarbresti í nokkrum
tegundum með frekari rannsóknum.
„Við sjáum fram á miklar breytingar á
nokkrum nytjastofnum og þurfum
með einhverjum hætti að leggjast í
rannsóknir á því hvað veldur og hvað
unnt er að gera,“ segir Kristján Þór
um þetta atriði. Hann tekur fram að
affarasælast sé að leggja ákvarðanir
um slíkt í hendur vísindasamfélagsins.
Spurður að því hvort veitt verði
meira fjármagn í rannsóknir af þessu
tilefni segir Kristján Þór að forgangs-
raða verði þeim fjármunum sem Al-
þingi veitir til þessa málaflokks. „Það
hlýtur að vera framarlega í forgangs-
röðinni að rannsaka stofna sem eru í
mikilli sveiflu. Ekki þarf að minnast á
mikilvægi þess að vakta loðnuna sér-
staklega vel en við sjáum einnig lakar
nýliðunartölur í djúpkarfa, gullkarfa
og skötusel.“
Finna þarf ástæður nýliðunarbrests
 Sjávarútvegsráðherra fylgir alfarið ráðgjöf Hafró um leyfilegan heildarafla á næsta fiskveiðiári
 Áætlað að útflutningsverðmæti dragist saman um 3 milljarða, einkum vegna samdráttar í ýsu
Kristján Þór
Júlíusson
Leyfilegur heildarafli
Afli 2018/19 og aflamark 2019/20, tonn
300
250
200
150
100
50
0
.000
Áætlaður afli fiskveiðiárið 2018/19
Tillaga Hafró fyrir fiskveiðiárið 2019/20
Ufsi Ýsa Þorskur
82.831 80.588
Þar af aflamark
íslenskra skipa:
40.723 tonn
Færeyskra skipa:
1.100 tonn
Þar af aflamark íslenskra
skipa: 270.011 tonn
Færeyskra skipa: 2.400 tonn
53.579
41.823
262.000
272.411
Jón Birgir Eiríksson
jbe@mbl.is
Sérstakt eftirlit verður í sumar af
hálfu vettvangseftirlits ríkisskatt-
stjóra (RSK) með starfsemi tengdri
ferðaþjónustu. Þar er með talin
starfsemi erlendra ferðaþjónustuað-
ila á Íslandi, en að minnsta kosti
tveir hópar munu á vegum embætt-
is RSK fara í sérstakar eftirlitsferð-
ir í öllum landsfjórðungum.
Að sögn Stefáns Skjaldarsonar,
sviðsstjóra eftirlitssviðs RSK, vöktu
Samtök ferðaþjónustunnar og Sam-
tök atvinnulífsins athygli á áhyggj-
um af þessum geira, en þó nokkur
áhersla hefur verið lögð á ferða-
þjónustu í eftirlitinu undanfarin ár.
„Það er auðvitað mikill vöxtur í
þessari grein og það þarf að fylgjast
með henni eins og öðrum greinum
sem einhver starfsemi er í. Við er-
um aftur á móti að skoða miklu
fleira en ferðaþjónustuna,“ segir
Stefán.
RSK ævinlega vel tekið
Nú þegar hafa starfsmenn RSK
farið um Akureyri og nærsveitir,
Seyðisfjörð og Jökulsárlón og fyr-
irhugaðar eru eftirlitsferðir um
Vesturland, Vestfirði, Norðurland,
Austurland og Suðurland auk Vest-
mannaeyja, en ferðirnar verða farn-
ar í júní, júlí og ágúst.
Aðspurður segir Stefán það reglu
að starfsmönnum RSK sé vel tekið
þegar þeir sinni eftirlitinu. Margir
séu þakklátir fyrir ábendingar og
upplýsingar, en ekki allir eru með
hlutina á hreinu. „Það er auðvitað
alltaf eitthvað um það, en margir
eru með hlutina í lagi. Það er allur
gangur á því og full þörf á að sinna
þessu, svo mikið er komið í ljós. Það
þarf oft að minna menn á og halda
þeim við efnið,“ segir Stefán. Ótal-
margt geti vantað upp á enda fylgist
RSK með víðfeðmri starfsemi.
„Það er t.d. ferðaþjónustan,
byggingaþjónustan á höfuðborgar-
svæðinu og veitingareksturinn. Það
er algengt að þeim sem hafa menn í
vinnu hafi láðst að sinna launa-
skráningu. Virðisaukaskattskil er
ekki alltaf passað upp á, stað-
greiðsluskil og að menn reikni sér
ekki laun,“ segir hann og nefnir
einnig tekjuskráningu í þessu sam-
hengi.
Samstarf við umferðarlögreglu
Vettvangseftirlit RSK mun í sam-
vinnu við umferðarlögreglu eiga að-
ild að umferðareftirliti í sumar, en
þar verða bifreiðar tengdar ferða-
þjónustu sérstaklega skoðaðar, s.s.
á ferðamannastöðum á Suðurlandi,
Vesturlandi og annars staðar í ná-
grenni Reykjavíkur.
„Það eru þá bifreiðar sem henta
til atvinnureksturs. Þá þurfa
ákveðnir hlutir að vera í lagi, t.d. að
skráningum sé sinnt og því sem
snertir skattskilin, að passað sé upp
á það þegar menn stunda atvinnu-
starfsemi,“ segir Stefán.
Í frétt á vef RSK er hvatt til þess
að fyrirtæki sem starfa á sviði
ferðaþjónustu á Íslandi, innlend
sem erlend, fari í öllu að lögum og
reglum sem gildi almennt um
starfsumhverfi fyrirtækja hér á
landi.
Fylgjast með
ferðaþjónustu
 RSK með sérstakt eftirlit í sumar
Morgunblaðið/Árni Sæberg
Ferðamenn RSK mun heimsækja
ferðamannastaði sérstaklega.
Borgarráð Reykjavíkur hefur samþykkt kaup borg-
arinnar á Hringbraut 79 en þar verður íbúðakjarni
fyrir fatlað fólk. Hringbraut 79 er samtals 395,3 fer-
metrar að stærð og samanstendur af tveimur íbúðum
ásamt tvöföldum bílskúr. Íbúðirnar skiptast í 7 íbúða-
einingar, sem allar eru með sér eldhúsinnréttingu og
baðherbergi. Með húsinu fylgir húsbúnaður, að því er
fram kemur í tilkynningu. Þar segir, að kaupin séu
liður í samþykki borgarráðs í janúar 2019 um for-
gangsröðun á uppbyggingu og/eða kaupum á húsnæði
fyrir íbúðakjarna fyrir konur með geðfötlun og fjöl-
þættan vanda. Áætlað er að starfsemi hefjist í húsinu
í haust.
Íbúðakjarni á Hringbraut
 Ætlaður konum með geð-
fötlun og fjölþættan vanda
Morgunblaðið/Hari
Hringbraut 79 Þar verður íbúðakjarni fyrir fatlaða tek-
inn í notkun í haust. Reykjavíkurborg hefur keypt húsið.