Þjóðarbúskapurinn - 01.04.1995, Blaðsíða 47

erlendar skuldir sem hlutfall af landsframleiðslu, lækkuðu á síðasta ári um 1 prósentu-
stig í 53%. Samkvæmt fyrirliggjandi spá lækka skuldirnar einnig á þessu ári í um 49%
af landsframleiðslu. I fyrra var greiðslubyrði af erlendum skuldum óvenju mikil eða
34,5% af útflutningstekjum vegna mikilla afborganna sem féllu til á árinu. Á þessu ári
má ætla að greiðslubyrðin lækki verulega og verði 24,5% af útflutningstekjum.
Yfirlit þjóðhagsspár
Þær áætlanir og spár sem hér hafa verið settar fram fela í sér að landsframleiðslan muni
aukast um 3% á þessu ári, eða ívið meira en í fyrra. Þjóðartekjur eru taldar aukast
svipað. Þessi vöxtur á fyrst og fremst rætur sínar að rekja til aukinna þjóðarútgjalda.
Reiknað er með að þau aukist um 3,6%. Til samanburðar var hagvöxturinn í fyrra
borinn uppi af mikilli aukningu útflutnings. Gert er ráð fyrir að afgangur á viðskipta-
jöfnuði samsvari 2,3% af landsframleiðslu.
Yfirlit þjóðhagsspár
Magnbreytingar frá fyrra ári, %
1992 1993 1994 1995
Einkaneysla -4,4 -4,5 1,7 3,9
Samneysla -0,8 2,3 1,4 2,0
Fjárfesting -11,1 -11,5 -1,1 4,4
Þjóðarútgjöld -5,3 -4,1 0,9 3,6
Útflutningur vöru og þjónustu -1,7 6,4 10,2 3,6
Innflutningur vöru og þjónustu -7,8 -9,6 5,1 4,5
Landsframleiðsla -3,3 1,1 2,8 3,0
Þjóðartekjur -4,2 -0,9 3,7 3,1
Viðskiptajöfnuður, % af landsframl -3,0 0,0 2,3 2,3
Algengt er að vaxtarskeið hefjist með þessum hætti hér á landi, byrji í útflutningi og
breiðist síðan til annarra greina. Þetta er eðlilegt í litlu hagkerfi. Mikilvægt er hins vegar
að umsvifin aukist ekki hraðar en svo að þau samrýmist áframhaldandi stöðugleika og
viðunandi jafnvægi í viðskiptum við útlönd.
45