Þjóðarbúskapurinn - 01.04.1995, Blaðsíða 35

Fiskafli á föstu verðlagi og útflutningsframleiðsla
% Hlutfallsleg breyting frá fyrra ári
Horfur eru á að framleiðsla áls verði óbreytt í ár frá fyrra ári en reiknað er með 10%
aukningu á framleiðslu kísiljárns. Afram er búist við vexti annars útflutnings þótt ekki
sé reiknað með jafn stórfelldri aukningu og í fyrra. í heild er spáð um 7%
magnaukningu annars útflutnings. Gangi þessi spá eftir mun samanlögð aukning annars
útflutnings árin 1994-95 vega að fullu upp samdrátt áranna 1990-1993. Horfur eru á að
útflutningsframleiðslan í heild muni aukast um 3,2% að magni frá því í fyrra. Þjónustu-
tekjur án vaxta aukast um tæp 4% samkvæmt spánni og munar þar mest um
áframhaldandi aukningu tekna af erlendum ferðamönnum.
Samtals er því reiknað með að útflutningur vöru og þjónustu aukist um 2,9% á þessu
ári.
Viðskiptakjör
Horfur um viðskiptakjör í vöruviðskiptum á árinu verða að teljast allgóðar. Verðlag
sjávarafurða hefur farið hækkandi á síðustu mánuðum og er um þessar mundir 5,8%
hærra í SDR en að meðaltali í fyrra. Þótt verðhorfur séu að venju óvissar er margt sem
bendir til þess að markaðir fyrir sjávarafurðir verði tiltölulega hagstæðir á næstu
misserum. í því sambandi nægir að benda á að framboð fiskafurða í heiminum fer
minnkandi og efnahagur iðnríkjanna fer batnandi. Hvort tveggja ætti að stuðla að
hagstæðum mörkuðum fyrir fiskafurðir.
Alverð hækkaði mikið á síðari hluta ársins í fyrra og fyrstu mánuðum þessa árs.
Þegar best lét í janúar síðastliðnum komst verð á áli á stundarmarkaði í London (LME) í
rúmlega 2.000 dollara tonnið og hafði þá hækkað um 75% á einu ári. Síðan hefur álverð
heldur sigið niður á við aftur. Almennt er búist við því að verðið haldist að meðaltali í
um 1.800 dollurum tonnið á árinu sem hefði í för með sér rúmlega 20% hækkun frá
meðalverði 1994. Markaðsverð á kísiljámi hefur ekki tekið neinum viðlíka breytingum
og verð á áli. Samkvæmt upplýsingum frá framleiðendum má gera ráð fyrir að verðið
33