Skessuhorn - 20.12.2017, Blaðsíða 4

MIÐVIKUDAGUR 20. DESEMBER 20174
Leiðari
Að höndum fer stærsta hátíð kristinna manna og reyndar annarra einnig.
Það er nefnilega svo að hvort sem fólk er trúað eða ekki kýs það að nýta
hátíðisdagana til annars en venjubundnu dagana sem markaðir eru vana
hins daglega rythma. Þeir sem eiga kost á því, taka fríið fegins hendi þótt
þeir fari ekkert endilega með bænir eða sæki trúarlegar athafnir. Fyrir
flesta eru jólin þannig ákveðið uppbrot. Um sama leyti fer daginn aftur að
lengja, árinu lýkur og við taka tímamót í margþættum skilningi.
Birtan er í mínum huga það besta við jól og áramót. Þá tekur daginn að
lengja og innan tíðar líf að kvikna eftir vetrardvalann. Þótt þessar breyt-
ingar gerist ekki hratt erum við meðvituð um þær og það hefur jákvæð
áhrif á sálina. Þessir dymmustu dagar á norðuhveli jarðar eru einfald-
lega mjög svartir. Þrátt fyrir þessar miklu öfgar í birtumagni eftir árstím-
um erum við ekkert að hrófla við klukkunni sem alltaf telur þessa 24 tíma
í sólarhring. Hér á Íslandi erum við einkar illa stödd hvað öfgana varð-
ar. Við erum ýmist með 24 bjarta klukkutíma á sólarhring eða um það
bil sex tíma. Þess vegna vilja margir að við breytum klukkunni þannig að
við seinkum henni og breytum henni jafnvel einnig að hausti og vori eft-
ir gangi sólar. En það gerum við ekki, það hefur fram að þessu ekki hugn-
ast stjórnmálamönnum. Af þeim sökum höldum við áfram að vakna um
miðjar nætur, miðað við gang sólar, og ég er ekki í vafa um að það hef-
ur áhrif á bæði líkamlegt og andlegt atgervi okkar. Ég hugsa því hlýtt til
bjarndýra úti í heimi sem hafa vit á því að draga sig í hýði yfir veturinn,
safna forða og liggja á meltunni í nokkra mánuði. Þegar sól er svo kom-
in nægilega hátt á loft að vori fara þeir að rumska, kíkja til veðurs og
halda loks til veiða. Ég er handviss um að þeir glíma fyrir bragðið ekki við
þunglyndi eins og við mannfólkið. Þetta eru sannkallaðir töffarar.
En við mannfólkið höldum okkur við kerfi sem við köllum klukku sem
er þannig hönnuð að hún á að taka mið af sólarganginum, alveg sama
þótt þannig hagi til að sólin er upptekin annarsstaðar. Vandinn er því sá
að þessi klukka gengur jafnhratt, eða hægt, hvort sem dagurinn er lang-
ur, stuttur eða miðlungs. Þær þjóðir sem pólitískt kjósa að breyta ekki
klukkunni lenda síðan í þeim hremmingum að íbúar þeirra rífa sig upp
um miðjar nætur, börnin grenjandi og flestir úrillir. Höldum svo svefn-
vana út í umferðina með stýrur í augum. Eftir því sem líður á veturinn
verðum við af þessum sökum sífellt slappari og þreyttari, jafnvel veik af
því við erum að hunsa líkamsklukkuna. Allt er þetta gert í þágu vanans og
byggir á gamaldags hefðum í þeim tilgangi að maskínan stöðvist ekki sem
við köllum vinnudag. Í sjálfu sér erum við því að rífa okkur upp um miðj-
ar nætur í þágu framleiðni og hagvaxtar. Engu að síður held ég að hvorki
hagvöxtur og hvað þá framleiðni vaxi með því að illa sofið og úrillt fólk
mæti í vinnu eða skóla.
Vegna þessa framferðis okkar er afskaplega heppilegt fyrir okkur íbúa á
norðlægum slóðum að Jesúbarnið fæddist einmitt í mesta skammdeginu.
Við fögnum komu þess með að kveikja ljós og sækja okkur þannig við-
bótarbirtu því sólin er upptekin annarsstaðar. Jólin eru því í mínum huga
fyrst og fremst hátíð birtu og ljóss og gerir sitt til að vega á móti þeim að-
stæðum sem mannfólkið hefur sjálft komið sér í.
Ég vil að endingu óska lesendum Skessuhorns friðsælla og fallegra jóla.
Verum dugleg að kveikja á kertum og fegra lífið með birtu og yl. Það bæt-
ir sálina og um leið lífsskilyrði okkar.
Magnús Magnússon.
Ljósin á jólunum
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auk fastra blaðamanna skrá efni í Jólablað:
Arnar Óðinn Arnþórsson, Birna Guðrún Konráðsdóttir, Björn Þór Björnsson,
Haraldur Bjarnason, Heiðar Lind Hansson og Katrín Lilja Jónsdóttir
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Fimmtudagurinn 14. desemb-
er var stór dagur í fjarskiptamál-
um í dreifbýli í Snæfellsbæ. Í fal-
legu veðri voru fyrstu heimilin þá
tengd í gegnum nýja ljósleiðar-
ann. Fyrst var tengt hjá þeim Ósk-
ari og Sunnu í Vatnsholti. Þaðan
var haldið til Kela í Langaholti
og tengt þar. Kristinn Jónasson
bæjarstjóri Snæfellsbæjar var við-
staddur þegar bæirnir voru tengd-
ir ásamt, heimili fólki og tækni-
mönnum. Undanfarna mánuði
hefur verið unnið að því að setja
upp ljósleiðara í dreifbýli í Snæ-
fellsbæ eins og fram hefur komið
í Skessuhorni. Með tilkomu ljós-
leiðarans mun hraði á Internetinu
batna til muna á svæðinu og ættu
tengingar einnig að verða örugg-
ari, en ljósleiðari er öflugasta fjar-
skiptatenging sem í boði er á Ís-
landi í dag.
þa
Langþráð stund þegar fyrstu
bæirnir voru tengdir ljósleiðaranum
Ásmundur Einar Daðason, félags-
og jafnréttismálaráðherra, mun á
næstu dögum leggja fyrir Alþingi
frumvörp um lögfestingu not-
endastýrðrar persónulegrar að-
stoðar (NPA) við fatlað fólk. Rík-
isstjórnin samþykkti tillögu hans
þessa efnis á fundi sínum 13. des-
ember sl. Í frumvarpi til fjárlaga
næsta ár er gert ráð fyrir tæplega
290 milljóna króna fjárheimild til
samninga um notendastýrða pers-
ónulega aðstoð. Aukningin nem-
ur samkvæmt því um 70 milljón-
um króna frá þessu ári og gerir
kleift að fjölga samningum úr 55
í 80 árið 2018. Annars vegar mun
ráðherra leggja fram frumvarp til
nýrra heildarlaga um þjónustu við
fatlað fólk með miklar stuðnings-
þarfir og frumvarp um breytingu á
lögum um félagsþjónustu sveitar-
félaga. Þessi frumvörp voru lögð
fram á síðasta þingi og verða því
endurflutt.
Gert er ráð fyrir að lögfesting
NPA á grundvelli þessara frum-
varpa geti tekið gildi um mitt
næsta ár. Fram að þeim tíma verð-
ur NPA – þjónustan tryggð með
framlengingu bráðabirgðaákvæða
laga þar að lútandi frá 1. janú-
ar næstkomandi. Í því skyni legg-
ur ráðherra því einnig fram frum-
varp til breytinga á lögum um mál-
efni fatlaðs fólks og laga um að-
búnað, hollustuhætti og öryggi á
vinnustöðum. „Það hefur sýnt sig
að þeir sem fá notið þessarar þjón-
ustu öðlast nánast nýtt líf, auk-
ið frelsi og miklu betri möguleika
til að ráða lífi sínu og taka fullan
þátt í samfélaginu. Það er brýnt
að þetta mál geti unnist sem hrað-
ast og í góðu samstarfi við helstu
hagsmunaaðila og þvert á stjórn-
málaflokka,“ segir Ásmundur Ein-
ar Daðason.
mm
Frumvörp um notendastýrða
persónulega aðstoð
Norðurál á Grundartanga hefur á
þriðja tug rafknúinna farartækja í
sinni þjónustu sem flytja starfsmenn
og vörur á athafnasvæði álversins.
Nú býr fyrirtækið einnig í haginn
fyrir vaxandi fjölda starfsmanna
sem aka til og frá vinnu á eigin raf-
knúnum ökutækjum. Í þessu skyni
hafa verið sett upp sérstök græn
bílastæði með raftenglum á álver-
slóðinni þar sem starfsmönnum
gefst kostur á að hlaða rafbíla sína.
„Markmiðið er að minnka kolefn-
isspor, stuðla að vistvænum sam-
göngum og gera góðan vinnustað
enn betri. Orkan er starfsmönn-
um að endurgjaldslausu,“ segir í til-
kynningu frá fyrirtækinu.
Norðurál er í hópi íslenskra fyr-
irtækja og stofnana sem skrifuðu
undir yfirlýsingu um loftslagsmál
í tengslum við loftlagsráðstefnuna
í París. Þar með skuldbatt fyrir-
tækið sig til þess að draga úr los-
un gróðurhúsalofttegunda og lág-
marka neikvæð umhverfisáhrif með
markvissum aðgerðum. Norður-
ál hefur náð góðum árangri á þessu
sviði og er í hópi þeirra álvera sem
best standa sig á heimsvísu. Vel hef-
ur tekist að hámarka nýtingu raf-
skauta, halda framleiðslunni stöð-
ugri og lágmarka þar með losun
lofttegundanna.
mm
Norðurál fjölgar
umhverfisvænum bílum
Hörður Arnarson, forstjóri Landsvirkjunar, og Ragnar Guðmundsson, forstjóri
Norðuráls, við hraðhleðslustöð Norðuráls á Grundartanga. Ljósm. Norðurál.