Heimsmynd - 01.06.1987, Side 40

Eitt af gömlu húsunum á
staðnum og lengsttil vinstri sér
ígaflinná Löngubúð, — 200 ára
verslunarskemmu danskra
faktora.
LÍF í
LITLU ÞORPI
Hljómsveitin Secret heldur uppi dúndrandi hávaða
í áhaldahúsi hreppsins.
Úti á gólfinu hamast æska staðarins í trylltum dansi.
Ballgestir eru milli fjörutíu og fimmtíu.
Fermingarstrákar frá því í vor (eða næsta vor)
reyna að toga bláklæddar prúðar
systur út á gólfið,
en dömurnar sitja sem fastast með slaufur í hárinu,
kók í kjöltunni og rör í munninum.
Ljósmyndari HEIMSMYNDAR er á þönum um gólfið
meðan blaðamaðurinn dottar við borð.
Úti er kalt en heiðskírt og hálfbjört vornótt.
Húsunum í þessu plássi
er dreift kæruleysislega um hrjóstrugt annes
og á milli þeirra ganga klettaranar,
berggangar og grýttir hálsar.
Niðri við höfnina sofa trillurnar
eftir að hafa horft á bræluna með húsbændum sínum
allan guðslangan daginn.
Dönsku faktorshúsin sofa líka
utan að ske kynni að á Loftinu vekti nýsjálensk
blómarós og önnur frá Afríku, og hugsuðu heim.
Á þessum stað, svo langt frá öllu og öllum.
Þar sem er ekkert bíó eða leikhús
og næstum ekki neitt nema freðfiskur og saltfiskur,
síld á haustin og súld á kvöldin.
Kalt á veturna en bjart á sumrin...
eftir Bjarna Harðarson
40 HEIMSMYND