Heimsmynd - 01.05.1989, Blaðsíða 71

ferðalangar munu þó spenntari fyrir ein-
hverju frumlegra og meira framandi en
hefðbundnum enskum mat og sú tegund
matargerðarlistar sem nú er mest í tísku í
London flokkast undir nútíma Evrópu-
stflinn. Þetta eru staðir þar sem ungir,
hugmyndaríkir matreiðslumeistarar ráða
ferðinni. Menn sem líta fremur á sig sem
listamenn en kokka og eru undir áhrifum
víða að. Þeir bera ekki fram mat í anda
frönsku nouvelle cuisine línunnar, telja
hana tilgerðarlega þar sem diskurinn eigi
að líta girnilega út en ekki eins og arki-
tekt hafi verið að leika sér. Einn þessara
staða er Sutherlands í miðju Sohohverfi
en hann er innréttaður í spartneskum
stfl. Matreiðslumeistarinn, Garry Holli-
head, var áður á Savoyhótelinu.
Grískir staðir eiga enn mjög upp á
pallborðið í London, þótt fáum þeirra
takist að samræma góðan mat og lifandi,
grískt andrúmsloft. Þeir staðir sem þykja
hvað skemmtilegastir eru oft þeir sem
bjóða upp á lélegasta matinn og öfugt.
Mörgum finnst það hins vegar þess virði
að fara á grískan matsölustað ef þar er
hljómsveit, magadansmær og diskaglam-
ur.
ítalskir matsölustaðir hafa aldrei þótt
neitt sérstakir í London og of dýrir mið-
að við gæði. Einhverjar breytingar hafa
orðið á því upp á síðskastið með tilkomu
nýrra ítalskra staða. Þá er og aragrúi
portúgalskra, spánskra og mið-evrópskra
staða, en margir þeirra síðastnefndu sér-
hæfa sig í gyðingafæði og bjóða ekki upp
á svínakjöt eða skelfisk (Kosher). Aðrar
tegundir gyðingafæðu er svonefndur
Ashkenazy-matur sem á rætur að rekja
til Póllands og Þýskalands (heimilislegur
matur og lítt kryddaður) og Sephardic-
matur sem er frá Miðausturlöndum.
Veitingastaðir sem sérhæfa sig í
arabískri fæðu, allt frá áhrifum
Marokkó til Afghanistan, eiga
frekar undir högg að sækja.
Við fórum á Maroush 11 sem er
líbanskur staður í Knightsbrid-
ge. Staðir sem þessir eru ekki
þeir vinsælustu hjá Bretum þótt
uppar í drögtum og jakkafötum
njóti þess að borða kryddað eggaldin-
mauk og okra, matreitt með tómötum,
hvítlauk og olífuolíu, eru flestir við-
skiptavinir tyrkneskir eða annars staðar
frá vöggu menningar mannkyns. A Mar-
oush 11 er ekki hægt að fá frönsk vín en
líbanskt rauðvín sem við fengum var höf-
ugt og gott. Það pínlegasta við staðinn
voru arabísku þjónarnir (í búningum úr
Þúsund og einni nótt) sem gáfu hverri
konu sem yfirgaf staðinn rauða rós í
plastpakka með rauðri slaufu og kom
hún með reikningnum. Maroush er á 38
Beauchamp Place, lítilli, sætri götu, rétt
hjá Harrods. Staðurinn lætur ekki mikið
yfir sér en hann er í kjallara, innréttaður
í stfl við Hjá Báru, með gosbrunni,
speglum og kristal. Maturinn er góður
og verðið li'ka.
Þegar minnst er á veitingahús af ólík-
Ken Lo, einn þekktasti kínverski
matreiðslumeistarinn í London, á stað
sínum við Chelsea Harbour. Þennan
stað opnaði Mr. Lo nýlega en hinn
staðinn sinn, Memories of China á
Ebury Street í Belgravia, opnaði hann
fyrir tíu árum og nýtur hann mikilla
vinsælda.
um uppruna má ekki gleyma einni helstu
nýjunginni sem er amerískir staðir. Því
fer fjarri að allir amerískir veitingastaðir
framreiði nautasteikur og hamborgara
og séu álíka útreiknanlegir og ameríska
sjónvarpið, þar sem þjónninn komi að
borðinu og segi: Hi, I’m Dick and I am
your waiter this evening. How would you
like your burger cooked?
Amerísk veitingahús eru eins fjöl-
breytt og íbúar landsins frá öllum heims-
hornum sem þar hafa búið síðustu tvær
aldirnar, allt frá Kóreu til Costa Rica. í
London má finna veitingahús undir
bandarískum áhrifum, suður-amerísk-
um, mexíkönskum og áhrifum frá Kar-
íbahafinu. Afrísk veitingahús hafa hins
vegar ekki náð eins mikilli útbreiðslu.
Við fórum í hádegisverð á dæmigerðan
bandarískan stað, Coconut Grove, við
St. Christopher’s Place, rétt hjá Bond
Street brautarstöðinni. Staðurinn er
hannaður í Memphis eða Miami Vice-stfl
og maturinn táknrænn amerískur en
mjög fallega fram borinn. Staður þessi er
vinsæll af fólki sem er í verslunarleið-
angri. Hann er ekki mjög dýr og þjónust-
an skilvirk. Við bendum einnig á lítinn
veitingastað beint á móti Coconut Grove
sem er með heilsusamlegt og fljótafgreitt
fæði í hádeginu.
KÍNVERSKUR MATUR
Kínverskir staðir eru mjög margir f
London en að sama skapi ekki þeir eftir-
sóttustu. Þó má finna í London kín-
verska matargerðarlist á heimsmæli-
kvarða. Margir þessara kínversku staða
taka stöðugum framförum auk þess sem
fjölbreytnin er æ meiri. Hér áður fyrr
voru flestir kínverskir innflytjendur í
London frá Kanton í suðurhluta Kína og
matargerð þeirra bar þess merki, þar
sem áherslan var á lítt kryddaða fiskrétti
ólíkt þeirri fæðu sem neytt er í Beijing,
norður-, mið- og vesturhluta landsins.
Hins vegar er óhætt að reikna með því
að kantónskt eldhús í London er með
því besta sem gerist á Vesturlöndum.
Fólk getur valið úr kínverskum veitinga-
stöðum í Chinatown þangað sem stöðug-
ur straumur liggur frá Hong Kong þessa
dagana (af ótta við hvað gerist 1997, þeg-
ar Hong Kong fellur undir kínversk yfir-
ráð). Margir kannast við Gerrard Street
í Soho sem er alveg kínverskt en engin
trygging fyrir gæðum að labba inn hvar
sem er.
HEIMSMYND 71