Heimsmynd - 15.01.1990, Side 68

ATHAFNAKONAN
Elsa Haraldsdóttir er athafnakona. Á og rekur þrjár hár-
greiðslustofur með nafninu Salon VEH og er í stjórn Int-
ercoiffure. Kona sem nýtur vinsælda bæði starfsfólks og við-
skiptavina, enda leggur hún mikið upp úr góðum samskiptum.
Hún segir lykilinn að velgengninni vera þrotlausa vinnu og
áhuga. Metnað í starfi, reglusemi og gott mataræði. „Reglu-
legur svefn, góður morgunverður og vítamínneysla eru undir-
stöður góðs dagsverks," segir hún. „Ég fer aldrei út á morgn-
ana fyrr en ég hef borðað hollan og staðgóðan morgunmat.
Það er ekki nauðsynlegt að vera í sérstakri líkamsrækt, en það
þarf að passa upp á líkamann og gæta þess að skemmtanir
gangi aldrei á svefntímann. Ekki borða þungan mat, ekkert
gos og ekkert sjoppufæði. Kaffidrykkjan er minn veiki punkt-
ur og ég vann það áramótaheit að draga sem mest úr henni.
Velgengni kemur ekki af sjálfu sér. Hún krefst mikils sjálf-
saga og þú verður að gera meiri kröfur til þín en þeirra sem
vinna fyrir þig. Sýna gott fordæmi. Það kemst enginn áfram í
lífinu sem ætlar sér að sitja í hægu sæti og láta aðra strita fyrir
sig.“
• Reglulegur svefn
• Góður morgunmatur
• Léttur hollur matur
• Reglusemi
• Metnaður
• Fordæmi
• Þrotlaus vinna
Haraldsdóttir hárgreiðslumeistari
68 HEIMSMYND
Á