Heimsmynd - 01.04.1992, Page 60

Tíminn er takmarkaður og hver að verða síðastur ef
ætlunin er að fjölga mannkyninu. Pað er mál að koma
sér úr litlu blokkaríbúðinni og fara að líta í kringum
sig eftir framtíðarheimili. Álagið er miklu meira en
flestir gerðu sér grein fyrir þegar þeir litu til þessa
tíma fyrir tíu árum. Allt virðist bera upp á sama tíma.
Fólk þarf að koma sér upp barnahópi, eignast og reka
heimili, vinna sig áfram í starfi, sinna áhugamálum og
vinum en hafa auk þess tíma til að njóta nærveru við sína nán-
ustu. Þau ár þegar allt virtist mögulegt eru að baki og við tek-
ur gífurleg vinna við að koma sér áfram bæði á vinnumarkaði
og í einkalífi. Fyrstu starfsárin eru að baki, nú hefjast átökin
fyrir alvöru og samkeppnin er vissulega hörð. Mistök verða
varla skrifuð á reikning reynsluleysis þannig að það er eins
gott að standa sig. Álagið verður stundum til þess að valda
erfiðleikum heima fyrir og þegar tekur að halla að fertugu
hafa mörg sambönd siglt í strand.
Þeir sem eru milli þrítugs og fertugs í dag eiga marga litríka
fulltrúa sem hafa haft áhrif á listir og menningu og eru teknir
að láta að sér kveða í stjórnmálum og atvinnulífi. Þessi kyn-
slóð hefur fylgst grannt með erlendum menningar- og tísku-
straumum og bar þá fljótt og örugglega hingað til lands. Þeir
sem eru þrjátíu og fimm ára og eldri tilheyra íslensku hippa-
kynslóðinni, því það var ekki fyrr upp úr nítjánhundruð og
sjötíu að áhrifa hennar tók að gæta fyrir alvöru hér á landi.
Tónlistin, klæðaburðurinn og gildismatið, allt breyttist þetta í
einum vetfangi. Kröfugöngur og mótmæli í anda þess sem er-
lendir stúdentar höfðu staðið fyrir til að mótmæla stefnu
stjórnvalda þóttu tilheyra og var kjörið krydd í tilveru skóla-
fólks á norðurhjaranum. Allt óð í eiturlyfjum og umræður um
hvort lögleiða bæri notkun vissra tegunda þeirra var með vin-
sælli umræðuefnum á mannamótum og í samkvæmum. Menn
gengu um hoknir í baki, í bættum gallabuxum slitnum að neð-
an, með hárið hangandi niður í augu, helst fimm daga skítugt.
Það þótti nánast forheimskandi að velta útlitinu mikið fyrir
sér og þær konur sem vildu vera teknar alvarlega af jafnöldr-
um sínum sniðgengu með öllu andlitsfarða. Mick Jagger og
Bianca, Jimmy Hendrix, Janis Joplin, Lauren Hutton, Andy
Warhol, Twiggy, Robert De Niro og Fay Dunaway voru
stjörnur þessa tíma. Það var þó alltaf nokkur hópur fólks sem
fann sig ekki í þessu andrúmslofti og varð því nánast utangátta
meðan hippabylgjan gekk yfir. Þeirra tími rann upp þegar
upparnir tóku að hasla sér völl áratugi síðar.
Þegar líða tók á áttunda áratuginn tók diskóið við, en þá
voru Village People, Bee Gees og söngkonan Donna Summer,
hvað vinsælust. Glaumur og glys diskótekanna tók við af dauf-
gerðum partýum hippanna og tískusýningar urðu eitthvert
vinsælasta skemmtiatriði sem veitingahús gátu boðið gestum
sínum upp á. Við lok áttunda áratugarins voru síðan tískusýn-
ingarsamtökin Módel 79 stofnuð og meðlimir þeirra urðu
fljótt eins konar þotufólk íslensks samkvæmislífs. ■
60 HEIMSMYND
skeið verið
talin í röð
leikkvenna
landsins. Hún
lék meðal
kvikmyndinni
Fórninni eflir
árið 1986.
Einar Kárason rithöfundur.
Skáldsögur hans hafa notið
mikillar hylli en auk þess að
rita skáldsögur hefur hann
skrifað handrit að
kvikmyndum. Einar hefur verið
einn mest áberandi
rithöfundur sinnar kynslóðar
og hefur gegnt formennsku í
Rithöfundasambandi íslands.
Sigurður Gísli Pálmason,
forstjóri. Sigurður Gísli hefur
árum saman rekið eitt stærsta
fyrirtæki landsins, Hagkaup.
Hann er einn þeirra sem tekið
hafa upp hollari lífshætti og
stundar nú jóga reglulega.
Guðrún Gísladóttir
leikkona hefur
Guðný Halldórsdóttir,
kvikmyndagerðarmaður. Hún er
ein fárra íslenskra kvenna sem
hefur lagt stund á kvikmyndagerð.
Guðný var einn höfunda að
handriti myndarinnar Skilaboó til
Söndru og samdi handrit
myndarinnar Stella í Orloti. Þá
leikstýrði hún kvikmyndinni
Kristnihald undir Jökii.
Bera Nordal, forstöðumaður
Listasafns íslands. Hún hefur
verið í forsvari fyrir safnið frá
því það var opnað í nýju
húsnæði árið 1988. Bera vekur
jafnan athygli fyrir glæsilegan
klæðaburð og framgöngu í
starfi.