Heimsmynd - 01.06.1992, Síða 22

TÍSKA ÁTTUNDA ÁRATUGARINS
að var það sem við óttuðumst en erum farin
að sætta okkur við: Endurkoma stíllaus-
asta áratugarins í tískunni eftir stríð.
Litasjónvarpið var að hefja innreið sína. Jimmy Car-
ter var forseti Bandaríkjanna, Geirfinnsmálið var í
algleymingi og allir gengu í platformskóm. Þegar árið
1980 gekk í garð með uppum, Thatcher, Reagan og
Vigdísi, hlógum við okkur máttlaus að platformskón-
um, skyrtum með stórum krögum, mönnum með
barta og öllu því sem kennt var við Karnabæ. En nú
er þetta allt komið aftur. Tími Jimmy Carters er
hafinn til vegs og virðingar í Bandaríkjunum, sál-
fræðingar og heimspekingar eru inni, markaðsfræð-
ingar og viðskiptafræð-
ingar geta étið það sem
úti frýs. Fölsk augnahár ^
blakta. þröngur fatnað- V.
smáfréttir
ur er kynæsandi og það er í góðu lagi að vera svolítið
hallærislegur.
Þegar konungur hátískunnar, Karl Lagerfeld.
fær áhuga á platformskóm og notar þá við Chanel-
fatnað er ljóst að fyrirbærið verður ekki umflúið. Að
frátaldri hinni léttgeggjuðu Vivienne Westwood
hafa hönnuðir hátískunnar barist gegn platformskón-
um. Manolo Blahnik. skóhönnuðurinn frægi blæs
á þetta fyrirbæri og segir enga siðfágaða konu koma
til með að stíga í svona skó. „Ég hannaði svona skó á
áttunda áratugnum og ætla ekki að gera það aftur.
Mér finnst þeir . . . ógeðslegir“, segir hann.
Karl Lagerfeld hjá Chanel er ekki sömu skoðun-
ar. Honum finnast
þessir skór tákn fram-
sýni. Hann segir skó af
þessu tagi henta mjög
vel við nýjustu pilsa-
tískuna, síð og þröng
pils. Vivienne West-
wood hlær bara. Hún
vissi sínu viti þegar allir
hlógu sig máttlausa á
sýningu hjá henni 1986
en þar lét hún fyrirsæt-
urnar þramma um á
þykkbotna skóm. Hug-
myndin var sú að þær
litu út eins og gamlar
gleðikonur sem langaði
aftur til að vera táning-
ar. Og Vivienne lét
gagnrýnina engin áhrif
hafa á sig. Hún hefur
sýnt þykkbotna skó allt
frá 1986 og gengur
aldrei í öðruvísi skóm
sjálf. Sá hlær best
sem síðast hlær.
Nú sýna allir þykk-
botna skó. Yves Saint
Laurent notaði þá á
sýningum síðasta árs en
þeir sem fylgdust með
vonuðu að fyrirbærið
næði engri fótfestu.
Þeim varð ekki að ósk
sinni. Sígildir hönnuðir
á borð við Jil Sander
og Karl Lagerfeld
eru staðráðin í að
halda í þetta fyrirbæri.
Boðorðið frá París
núna: Síð pils og
þykkbotna skór.
Þær lágvöxnu kunna að
gleðjast við þessi tíð-
indi en ekki endilega
þær hávöxnu og alls
ekki þær sem eru að
nálgast fertugt. Til-
hugsunin er álíka
skemmtileg og að vera
boðið á hljómleika hjá
Pelikan ■
Vivienne Westwood, til vinstri, sýnir
þykkbotna skó fyrir nokkrum árum.
Chanel og Jil Sander notuðu bæði
þykkbotna skó á síðustu sýningum.
Sandali frá áttunda áratugnum, sem
Manolo Blahnik hannaði, korksólar frá
Alaia og skór hannaðir af Ferragamo.
22 HEIMSMYND