Heimsmynd - 01.06.1992, Blaðsíða 95

leikkonuna frægu sem var í sömu veislu.
„Hún virkar mjög mannleg á mig og er
afar glæsileg kona.“
Goðið sitt, Paul Newmann, fékk hún
tækifæri til að heilsa upp á á góðgerðar-
samkomu fyrir örfáum mánuðum. „Ég
varð svo stressuð loksins þegar ég hitti
hann að ég guggnaði á því að heilsa upp
á hann. Mér fannst svo tilkomumikið að
sjá hann að ég gat bara hreinlega ekki
heilsað upp á hann.“ Hún hefur sjálfsagt
nagað sig í handarbökin fyrir að hafa
ekki þorað.
í flestum tilfellum finnst henni heldur
hversdaglegt að hitta fyrir öll stórstirnin.
Svo oft gerist það í lífi hennar. En hún
getur ekki orða bundist yfir glæsileik
Óskarsverðlaunaafhendingarinnar sem
hún var aðnjótandi að á dögunum: „Ég
hef alltaf fylgst grannt með afhendingu
Óskarsverðlaunanna og fundist mikið til
þessarar hátíðar koma. Þetta var algjört
æði“, segir hún og íslendingurinn kemur
sterkt fram í henni. „Ég hef alltaf verið
límd við sjónvarpið þegar afhendingin
hefur farið fram en að fá að upplifa hana
fannst mér enn tilkomumeira. Sérstak-
lega hvernig öllu var fyrirkomið. Hátíðin
var haldin á torgi sem búið var að breiða
tjald yfir. í loftið höfðu verið settir silfur-
litir þræðir sem bærðust um og minntu
mig á Norðurljósin,.öll atriðin voru stór-
glæsileg, bókstaflega allt var miklu meiri
upplifun en ég átti von á.“
höllu Linker var boðið sem
ræðismanni íslands á há-
tíðina í tilefni þess að ís-
lensk mynd var að keppa
til úrslita. „Ég var svo
spennt að ég var eins og
tíu ára gamall krakki. Stundum þegar
maður hlakkar svona mikið til verður
maður skúffaður þegar maður kemur á
staðinn. En ég verð að segja að í þessu
tilfelli var þetta miklu meira en ég bjóst
við. Manni var ekið um á limósínu með
íslenska og bandaríska flagginu á. Á
þessari stundu varð mér hugsað til þess
hvað það býr stórkostleg þjóð á íslandi.
Hugsunarhátturinn er að þeim finnst
þeir geta gert allt, þess vegna geta þeir
gert allt.“
Halla sá Börn náttúrunnar þegar hún
kom hingað til landsins í febrúar en þá
hafði hún heyrt heilmikið jákvætt um
myndina í Los Angeles.
Dagurinn í lífi Höllu Linker minnir
mann óneitanlega á líf ríku kvennanna í
bandarískum bíómyndum. Hún byrjar
oft daginn með því að fá sér hádegisverð
á veitingastað með vinkonum sínum.
Auk þess stundar hún góðgerðarstarf-
semi ásamt mörgum fínum frúm: „Þetta
eru allt konur sem eiga mjög vel efnaða
menn. Þær þurfa ekki að vinna fyrir sér.“
Hún segir góðgerðarstarsemina geta ver-
ið fulla vinnu. Stundum fara vinkonur
hennar af stað klukkan níu á morgnana
og komi ekki heim fyrr en klukkan fimm
á kvöldin. „Ég þekki engar konur sem
þurfa að vinna fyrir sér. Tíðarandinn er
þó svipaður hjá yngri konunum í Banda-
ríkjunum og á íslandi. Ungar konur
þurfa og vilja vinna fyrir sér.“
halla stundar einnig há-
skólanám í spönsku,
frönsku og fornleifafræði
og sækir frá tveimur upp í
fimm tíma á viku í hverju
fagi og er að auki elsti
nemandinn í þessum fögum í háskóla er
nefnist UCLA, virtum háskóla sem er
skammt frá heimili hennar í Los Angel-
es. Hún segist skemmta sér konunglega
með unga fólkinu. Áhuga á fornleifa-
fræði fékk hún á ferðalögum sínum um
heiminn og er að vonast til að komast í
námsferð út í heim með samnemendum
sínum.
Hún segir ungar íslenkar konur mjög
líkar þeim bandarísku: „Mér finnst ís-
lenskar konur halda sér nokkuð vel, alla
vega minn árgangur.“ Raunar finnst
henni íslenskt þjóðfélag alltaf vera að
líkjast því bandaríska meir og meir. „Það
er af sem áður var þegar mikið var lagt
upp úr því að konur væru góðar hús-
mæður. Nú er setið yfir sjónvarpinu og
pizzan borðuð og sveskjugrauturinn er
eldaður úr pökkum jafnt hér á landi sem
í Bandaríkjunum.“
Henni finnst margar íslenskar konur
hafa mjög ranga mynd af amerískum
konum. Þær haldi að þær amerísku lesi
aldrei bók: „Ég þekki margar amerískar
konur sem eru miklu myndarlegri en
nokkur íslensk húsmóðir sem ég þekki.
Ég þekki til að mynda eina konu sem
saumar allt á sjálfa sig, saumar gardínur í
stofuna og gerir upp mublur. Sú kona er
afskaplega dugleg sem og margar aðrar
bandarískar konur sem ég þekki.“ En
hún tjáir mér að þetta séu konur sem
ekki séu útivinnandi.
ó Höllu finnist mikið til
þjóðar sinnar koma segir
hún í hreinskilni að hún
gæti ekki hugsað sér að
flytjast hingað til lands,
líf sitt í yfir fjörutíu ár
hafi hún skapað erlendis.
En Halla er kona sem
kann að njóta lífsins, að því leyti stendur
hún framar flestum kynsystrum sínum.
Og hver veit nema að hún standi við ræt-
ur mesta ævintýris lífs síns nú?B
Glæsilegt úrval af úrum,
klukkum og loftvogum,
ennfremur gull og
silfurvörum. Önnumst
viðgerðir á allskonar
klukkum og úrum.
Sérsmíðum gler á allar
tegundir úra.
Póstsendum.
VEITUSUNDI3 ö, v/Hallærjsplan
S: 13014
HEIMSMYND 95