Heimsmynd - 01.06.1992, Síða 97

þjóðina og tengdist sjálfstæðisbaráttunni.
Brennivín var þá mjög ódýrt og fékkst í
hverri búð. Par var jafnvel algengt að
gefa mönnum staup af brennivíni í kaup-
bæti eða til að liðka fyrir viðskiptum.
Margir litu því á brennivínið sem mark-
vissa eitrun fyrir þjóðina til þess að slæva
hug hennar og koma í veg fyrir að hún
risi upp gegn erlendum yfirboðurum.
Hún væri eins konar ópíum fólksins, eins
og Karl Marx sagði um trúarbrögðin.
Gömlu brennivínsberserkirnir héldu
að vísu flestir áfram að drekka sér til
óbóta - eða taka inn ópíum - en nú fór
unga fólkið að hafna þessum meðölum.
Blaðið Fjcillkonan sagði svo frá fyrstu
stúkustofnuninni í Reykjavík:
ood-templars(bindindis)
félag er stofnað hér í
Reykjavík fyrir forgöngu
Bjarnar Pálssonar frá Ak-
ureyri. Gengnir í það um
50 manna. Þetta er mjög
þarft og lofsvert fyrirtæki. Reykjavík
hefir lengi verið drykkjurútabæli og
eyðileggingarkví margra ungra manna
sem hafa látið sig veiða í freistinganetum
víndrykkjunnar. Pað er vonandi að sem
flestir gangi í félag þetta og tala félags-
manna margfaldist á skömmum tíma og
þeim fari daglega fækkandi sem með sið-
ferðisspilltri umgengni ganga fram hjá
skyldum sínum við konu og börn til að
svala víngræðgisþorsta sínum í eitur-
brunni ofdrykkjunnar. Menn af öllum
stéttum ættu að finna hvöt hjá sér til að
styrkja félag þetta; einkum væri það þýð-
ingarmikið fyrir útbreiðslu félagsins ef
embættismenn gengju í það því þeir hafa
jafnan mikil áhrif á lífernisstefnu hinna
lægri stétta og hafa því miður allt of marg-
ir gefið alþýðumönnum miðlungi gott for-
dæmi með Bakkusardýrkun sinni.“
Góðtemplarar beittu sér fyrir nýjum
og hertum lögum um áfengissölu og hófu
áróður gegn því að kaupmenn seldu vín í
búðum sínum. Smám saman fór því að
draga úr drykkjuskap og má segja að sú
þróun hafi náð hámarki sínu með vín-
banninu sem gekk í gildi á nýársdag 1915.
En það stóð ekki lengi og spyrja má
hvort við stöndum í sömu sporum nú og
við gerðum fyrir 1885.■
EF ÞÚ GERIST
ÁSKRIFANDIAÐ
FÆRÐ ÞÚ ÞRIÐJA HVERT BLAÐ FRÍTT!
- ÞAÐ BORGAR SIG AÐ VERA ÁSKRIFANDI -
ÁSKRIFTARSÍMI622020
HEIMSMYND 97