Ársrit um starfsendurhæfingu - 2016, Síða 7

VIRK
VIGDÍS JÓNSDÓTTIR framkvæmdastjóri VIRK Hlutverk og stefna
VIRK starfar í samræmi við lög nr. 60/2012
og skipulagsskrá. Hlutverk VIRK er að efla
starfsgetu einstaklinga í kjölfar veikinda
eða slysa með árangursríkri starfsendur-
hæfingarþjónustu. Hlutverki sínu gegnir
VIRK í samstarfi við flesta aðila innan
velferðarkerfisins og starfsemin er bæði
flókin, viðkvæm og dreifð um allt land. Á
árinu 2015 var farið í stefnumótunarvinnu
með þátttöku stjórnar, starfsmanna, ráð-
gjafa og ýmissa sérfræðinga sem vinna fyrir
VIRK og niðurstöður hennar má m.a. sjá í
mynd 1 þar sem fram koma upplýsingar
um gildi VIRK og dregnar eru saman
helstu niðurstöður er varða hlutverk og
framtíðarsýn. Í kjölfar þessa voru settir fram
helstu þættir starfsáætlunar fyrir árið 2016
sem síðan voru nánar útfærðir innan sviða
og deilda.

ISO 9001 vottun
Á árinu 2015 var unnið markvisst að því að
skýra og bæta alla þjónustuferla hjá VIRK
eftir mikinn vöxt á undanförnum árum og
sú vinna mun halda áfram á árinu 2016.
Gerð er grein fyrir helstu þáttum þessara
þjónustuferla hér aftar í ársritinu. Mikil
áhersla er lögð á bæði gæði og öryggi í
þjónustu og því var tekin ákvörðun um
það á árinu 2015 að stefna markvisst að
formlegri vottun gæðakerfis VIRK. Faggild
skoðunarstofa BSI á Íslandi lauk síðan ytri
úttekt á starfsemi VIRK í janúar 2016 og í
niðurstöðum úttektarinnar voru engin frávik
skráð. Frá og með 1. febrúar 2016 hefur
því gæðakerfi VIRK verið formlega vottað
samkvæmt alþjóðlega gæðastaðlinum ISO
9001. Hér er um að ræða stóran áfanga hjá
VIRK þar sem markmiðið er að tryggja gæði
og öryggi þjónustunnar til framtíðar.
Mannauður VIRK
Að starfsemi VIRK kemur mikill fjöldi
hæfra sérfræðinga með fjölbreytta mennt-
un og reynslu. Á skrifstofunni starfa 32
starfsmenn í 29 stöðugildum og 48 ráð-
gjafar eru starfandi í samstarfi við stéttar-
félög um allt land. Auk þessa þá koma um
40 utanaðkomandi sérfræðingar að upp-
byggingu á endurhæfingaráætlunum og
mati á starfsgetu einstaklinga í þjónustu.
Þessi hópur hefur víðtæka menntun og
reynslu á sviði starfsenduræfingar og veitir
ráðgjöfum og einstaklingum í þjónustu
mikilvæga aðstoð við uppbyggingu og
eftirfylgni starfsendurhæfingaráætlana.
Aftar í ársritinu eru nánari upplýsingar um
mannauð VIRK.
HLUTVERK VIRK
Hlutverk VIRK er að efla starfsgetu einstaklinga í kjölfar veikinda eða slysa með
árangursríkri starfsendurhæfingarþjónustu.
• VIRK skipuleggur, fjármagnar og hefur umsjón með störfum ráðgjafa,
sérfræðinga og þjónustuaðila sem koma að mótun og framkvæmd
einstaklingsmiðaðra áætlana í starfsendurhæfingu
• VIRK metur raunhæfi starfsendurhæfingar og starfsgetu einstaklinga sem búa
við skerta starfsgetu vegna heilsubrests
• VIRK nýtir þekkingu, rannsóknir og reynslu til að tryggja samþætta, árangurs-
ríka og örugga þjónustu á sviði starfsendurhæfingar og starfsgetumats
• VIRK stuðlar að auknum rannsóknum og þróun á sviði starfsendurhæfingar
• VIRK stuðlar að samstarfi mismunandi aðila sem koma að starfsendurhæfingu
einstaklings
• VIRK vinnur með fagaðilum, fyrirtækjum og stofnunum að því að skapa
fjölbreytt tækifæri fyrir einstaklinga með skerta starfsgetu á vinnumarkaði
FRAMTÍÐARSÝN VIRK
• VIRK hefur í samstarfi við fagaðila, fyrirtæki og stofnanir skilað samfélagslegum
ávinningi með aukinni þátttöku einstaklinga á vinnumarkaði
• Samræmt starfsgetumat er grunnur að ákvarðanatöku varðandi vinnugetu
einstaklinga
• Almenningur, fyrirtæki, stofnanir og stjórnvöld eru vel upplýst um ávinning af
starfsemi VIRK
• VIRK er virt þekkingarsetur og leiðandi í rannsóknum og þróun á sviði
starfsendurhæfingar
GILDI VIRK
Fagmennska
• Við búum yfir þekkingu, færni og reynslu
• Við erum áreiðanleg
• Við leggjum áherslu á trúnað, öryggi og traust
Virðing
• Við berum virðingu fyrir sjálfum okkur og samferðafólki okkar
• Við leggjum áherslu á samvinnu og samstarf í öllum verkefnum
• Við erum sveigjanleg
• Við leggjum áherslu á umburðarlyndi og auðmýkt
Metnaður
• Við höfum kraft og hugrekki til að fara nýjar leiðir
• Við sýnum frumkvæði og framsækni
• Við lærum af reynslunni og viljum stöðugt gera betur
Mynd 1
7virk.is