Ársrit um starfsendurhæfingu - 2016, Page 22

SIÐAREGLUR RÁÐGJAFA
VIRK
Á
vordögum 2015 vann hópur ráðgjafa og sérfræðinga hjá VIRK að gerð siðareglna
fyrir ráðgjafa VIRK sem starfa hjá stéttarfélögum um allt land. Til liðs við hópinn
var fenginn siðfræðingur frá Háskóla Íslands sem leiðbeindi og gaf góð ráð.
Flestar starfsstéttir hafa siðareglur sem umgjörð um starf sitt. Tilgangur þeirra er að
leiðbeina um góða og samræmda framkvæmd og veita leiðsögn um hvernig bregðast eigi
við þegar siðferðileg álitamál koma upp í starfi. Með siðareglum viljum við styrkja fagleg
vinnubrögð, efla traust og skýra ábyrgð ráðgjafa.
Á fræðsludögum ráðgjafa VIRK sem haldnir voru í maí 2015 kynnti vinnuhópurinn drög
að reglunum og allir ráðgjafar fengu tækifæri til að viðra hugmyndir sínar og koma með
tillögur og ábendingar um hvað betur mætti fara.
Siðareglurnar voru síðan gefnar út í október og innleiddar á fræðsludögum ráðgjafa haustið
2015. Þær hanga uppi á skrifstofum ráðgjafa og eru einnig aðgengilegar einstaklingum í
þjónustu á starfsstöðum þeirra sem og á heimasíðu VIRK.
VIRK er stolt af þessum siðareglum og hve margir áttu aðkomu að gerð þeirra. Siðareglurnar
aðstoða ráðgjafa við að taka heillavænlegar ákvarðanir, efla fagmennsku í samskiptum,
skerpa á hugsjónum og styrkja störf ráðgjafa VIRK um allt land.
ÞANNIG
VINNUM VIÐ
Ráðgjafar hlusta á erindi um siðareglur.
22 virk.is