Ársrit um starfsendurhæfingu - 2016, Qupperneq 26

SKILYRÐI FYRIR ÞJÓNUSTU HJÁ VIRK ER BEIÐNI
FRÁ LÆKNI ÞAR SEM HEILSUBRESTUR SEM HÆGT
ER AÐ VINNA MEÐ Í STARFSENDURHÆFINGU ER
STAÐFESTUR.
A
llar beiðnir sem læknar senda til VIRK eru skimaðar af
sérfræðingi og í mörgum tilfellum teymi sérfræðinga og læknis
VIRK. Í flóknari málum er einstaklingi vísað í svonefnt mat á
raunhæfi starfsendurhæfingar og hittir hann þá lækni eða fleiri
fagaðila s.s. sálfræðing og sjúkraþjálfara á vegum VIRK. Viðmið varðandi
hverjir eigi heima í þjónustu VIRK miðast við lög um starfsendurhæfingu
60/2012 sem sjá má á vef Alþingis.
Fjöldi beiðna berst til VIRK á hverjum tíma og á árinu 2015 bárust
alls 2879 beiðnir. Af þeim fjölda fóru 1829 manns eða tæplega 64% í
þjónustu til ráðgjafa VIRK en 36% einstaklinganna afþökkuðu þjónustu
eða var vísað í önnur úrræði en starfsendurhæfingu þar sem þeir
uppfylltu ekki skilyrði fyrir þjónustu VIRK. Í mynd 1 hér fyrir neðan má
sjá að í 39% mála sem ekki komu í þjónustu var afstaða um frávísun
tekin í mati á raunhæfi, í 33% tilfella var starfsendurhæfing ekki talin
tímabær að mati beiðnateymis, 10% afþakkaði þjónustu og í 18%
tilfella var um aðrar skýringar að ræða, sjá nánar hér fyrir neðan.
FRÁ BEIÐNI LÆKNIS TIL
ÞJÓNUSTU RÁÐGJAFA VIRK
Almennt hefur ekki verið
mikil bið eftir þjónustu ráðgjafa
VIRK síðastliðið ár og fylgjast
sérfræðingar á rýnideild VIRK
reglulega með biðtíma til að geta
gripið til viðeigandi ráðstafana ef
sýnt er að bið sé orðin löng.“
INGIBJÖRG LOFTSDÓTTIR sviðsstjóri rýnisviðs VIRK

Mynd 1
Frávísanir beiðna 2015
Starfsendurhæfing
ekki raunhæf
Starfsendurhæfing
ekki tímabær
Þjónusta afþökkuð
Annað
39%
33%
10%
18%
26 virk.is