Ársrit um starfsendurhæfingu - 2016, Síða 28

VIRK Á Í GÓÐU SAMSTARFI VIÐ
FAGFÓLK UM ALLT LAND EN ÞAÐ ER
LIÐUR Í AÐ TRYGGJA FJÖLBREYTTA OG
EINSTAKLINGSMIÐAÐA ÞJÓNUSTU FYRIR
EINSTAKLINGA Í STARFSENDURHÆFINGU.
ALLT FRÁ UPPHAFI HEFUR MIKIL ÁHERSLA
VERIÐ LÖGÐ Á AÐ NÝTA FAGFÓLK Á
HVERJU SVÆÐI FYRIR SIG OG STARFA
SÉRFRÆÐINGAR VIRK OG RÁÐGJAFAR UM
ALLT LAND NÁIÐ MEÐ ÞJÓNUSTUAÐILUM Í
ÞEIM TILGANGI AÐ ÞRÓA SAMAN ÚRRÆÐI
SEM HENTA ÞEIM FJÖLBREYTTA HÓP
SEM NÝTIR ÞJÓNUSTU VIRK. RÁÐGJAFI
VINNUR NÁIÐ MEÐ FAGFÓLKI Á ÞVÍ SVÆÐI
SEM UM RÆÐIR OG RÆÐST ÞVÍ FRAMBOÐ
AF ÚRRÆÐUM Í MÖRGUM TILVIKUM AF
ÞEIRRI ÞEKKINGU SEM ER TIL STAÐAR.
ÞJÓNUSTUAÐILAR
Í STARFSENDURHÆFINGU
UM ALLT LAND
RAGNHILDUR BOLLADÓTTIR verkefnastjóri hjá VIRK

B
oðið er upp á heildstæð einstaklingsbundin úrræði sem mæta þörfum einstaklinga
í samræmi við matsferil VIRK. Lögð er áhersla á fjölbreytta og einstaklingsmiðaða
þjónustu sem tekur mið af aðstæðum þeirra einstaklinga sem njóta þjónustu VIRK.
Til þess er keypt þjónusta fagfólks sem er starfandi á hverju svæði fyrir sig. Um er
að ræða m.a. starfsendurhæfingarstöðvar, sálfræðinga, sjúkraþjálfara, símenntunaraðila
og annað fagfólk sem býður fjölbreytta og faglega þjónustu fyrir einstaklinga sem búa við
skerta starfsgetu í kjölfar heilsubrests. Þessir aðilar gegna allir mjög mikilvægu hlutverki í
starfsendurhæfingarþjónustu hér á landi. Bæði er um einstaklings- og hópúrræði að ræða en
einnig er stuðst við netið til að sinna einstaklingum í dreifðum byggðum. Rík áhersla hefur verið
lögð á að bæta aðgengi að slíkum úrræðum um allt land. Ráðgjafar VIRK eiga í góðu samstarfi
við ofangreinda aðila sem og atvinnurekendur og stofnanir á sínu svæði.
Á árinu voru ferlar vegna samstarfs við þjónustuaðila þróaðir enn frekar samhliða ISO 9001
gæðavottunarferli. Unnið var markvisst birgjamat ásamt því að formlegar hæfniskröfur voru
skilgreindar og innleiddar að fullu.
28 virk.is