Skessuhorn - 29.05.2019, Side 39

MIÐVIKUDAGUR 29. MAí 2019 39
Horft yfir liðið ár og litið til þess nýjaSjómannadagurinn
Sjómenn,
til hamingju!VM - Félag vélst jóra
og málmtæknimanna
óskar s jómönnum og f jö lskyldum
þeirra t i l haming ju með daginn
V M , F é l a g v é l s t j ó r a o g m á l m t æ k n i m a n n a
S J Ó M A N N A D A G U R I N N 2 0 1 9
Arnar og Sigurður Viktor Hallgrímsson með væna þorska sem fengust á línuna á
Særifinu núna í janúar. Ljósm. úr safni/ af.
„Þá varð ég hræddur“
Aðspurður segir Arnar að í gegn-
um tíðina hafi honum gengið vel
á sjónum en bætir því við að tvisv-
ar hafi staðið tæpt á að illa færi.
„Það kviknaði í lítilli strandveiði-
trillu sem ég var á úti á miðjum
Breiðafirði haustið 2015, Gísla
Mó SH. Þá varð ég hræddur,“ seg-
ir hann. „Það kviknaði í út frá raf-
magnsbreyti. Ég er úti og sé allt í
einu reyk koma úr brúnni. Ég fer
inn og þá er eldurinn búinn að læsa
sig í teppið á veggnum. Ég reyni að
finna slökkvitækið en næ því ekki,
hendi björgunargallanum aftur á og
fer út úr húsinu til að ná andanum.
Ég reyni síðan aftur að ná slökkvi-
tækinu en kemst ekki inn, því bát-
urinn var bara að verða alelda þarna
á örfáum mínútum. Ég sá því ekk-
ert annað í stöðunni en að drífa mig
í björgunargallann og hoppa í sjó-
inn. Ég man hvað það kom mér á
óvart hversu mikill eldsmatur er í
þessum litlu plastbátum,“ segir Arn-
ar. „Ég nefndi bátinn eftir afa mín-
um. Eftir að þetta gerðist var mér
sagt að maður ætti aldrei að nefna
bát í höfuðið á lifandi manni,“ bæt-
ir hann við.
Tuttugu metra öldur
Áður hafði Arnar lent í öðrum sjáv-
arháska, þegar hann var skipstjóri
á Tryggva Eðvarðs árið 2011. „Þá
höfðum við verið á veiðum úti fyr-
ir Hornströndum. Það var leiðin-
legt veður og spáin vond. Við vor-
um á heimleið og dálítið í kapp-
hlaupi við tímann að vera á undan
veðrinu. En það var aðeins fyrr á
ferðinni en búist var við. Þegar við
komum fyrir Straumnesið lendum
við í mesta sjó sem ég hef lent í á
ævinni, 20 metra öldum svo ég hef
aldrei séð annað eins,“ segir hann.
„Ein aldan tekur okkur og báturinn
hallar örugglega svona 60 gráður.
Aldan byrjar að brotna. Fyrir fram-
an okkur blasir ekkert við nema
sjór og fyrir aftan okkur sést bara
til himins. „Ég ætla að gefa allt í
botn, ekki horfa aftur fyrir ykkur,“
sagði ég við strákana. Ég setti allt
í botn og fyrir eitthvað kraftaverk
lenti brotið ekki á okkur. Þá hefði
ekki þurft að spyrja að leikslokum.
Við hefðum aldrei átt séns, enda
héldum við allir að þetta væri okk-
ar síðasta,“ segir Arnar.
Heldur ótrauður áfram
Hvorki bruninn né sjávarhásk-
inn við Straumnes urðu þó til þess
að gera Arnar eða áhöfnina sem
þá var á Tryggva Eðvarðs afhuga
sjómennskunni. „Strákarnir sem
voru með mér um borð eru ennþá
á sjó í dag og ég líka. Sjálfur tók
ég þann pól í hæðina að drífa mig
bara sem fyrst aftur á sjóinn, bæði
eftir óveðrið og eins þegar bát-
urinn brann. Mér finnst bara svo
ótrúlega gaman á sjónum að ég
hugsa ekki um þetta þegar ég er
úti á sjó í dag,“ segir Arnar. „Ég
held ótrauður áfram á sjónum,
enda vildi ég ekki hafa það öðru-
vísi. Þegar ég er ekki að róa þá
reyni ég að vera systur minni inn-
an handar á veitingastaðnum. Hún
ber hitann og þungan af daglegum
rekstri en maður aðstoðar eins og
hægt er. Það hefur verið virkilega
gaman að koma að því, prófa eitt-
hvað nýtt meðfram sjómennsk-
unni, þó hún sé alltaf skemmtileg-
ust,“ segir Arnar Laxdal að end-
ingu.
kgk
Sjómannadagsblað
Snæfellsbæjar 2019
kemur út nú í vik-
unni. Efnið er af ýms-
um toga eins og áður
og byrjar á ávarpi
sjávarútvegsráðherra
og hugvekju Kristn-
ýjar Rósar Gústafs-
dóttur. Þá er viðtal
við Örn Hjörleifs-
son fyrrverandi skip-
stjóra og útgerðar-
mann á Hellissandi.
Örn hefur frá mörgu
að segja en hann var
á bátum frá Akranesi
á sínum yngri árum
áður en hann fluttist vestur. Hann
var skipstjóri á bæði Hamrasvan
SH og Tjald SH frá Rifi og fiskaði
vel. Seinna átti hann svo Báru SH
27 með sonum sínum tveimur.
Grein er frá Kristjáni Lárents-
ínussyni fyrrverandi skipstjóra í
Stykkishólmi um líf og störf en
hann átti ásamt fleirum báta með
nafninu Ársæll SH 88. Kristján er
líka mjög góður söngvari og er m.a.
í karlakórnum Kára. Þá er mjög
áhugavert það sem kemur frá Ög-
mundi Runólfssyni en hann skrif-
ar um eigendur vörubíla í Ólafsvík
frá upphafi og einnig fylgir fjöldi
mynda. Líka segir Ingi Hans Jóns-
son frá fyrsta vörubílnum í Ólafs-
vík. Fjölmargir áttu vörubíla sem
þeir notuðu sér til atvinnusköpun-
ar ss vegagerðar, fiskflutninga og
fleira.
Mikill fróðleikur er í grein sem
kemur frá Agli Þórðarsyni um upp-
byggingu lór-
an-A leiðsögu-
kerfisins sem
Bandaríkjamenn
byggðu upp og
hófu notkun á í
seinna stríðinu.
Gunnar Krist-
jánsson í Grund-
arfirði skrifar
fróðlega grein
um bátinn Gnýf-
ara SH 8 en hann
var gerður út í
langan tíma út frá
Grundarfirði. Við-
tal er við Magnús
Höskuldsson sjó-
mann í Ólafsvík og segir hann frá
sinni sjómennsku og m.a. frá miklu
óveðri sem hann lenti í er hann var
sjómaður á togaranum Snæfelli
SH á Flæmska hattinum 1996. Þá
er líka viðtal við Sölva Fannar Jó-
hannsson fv. sjómann og flugstjóra
hjá WOW um veru sína þar áður
en yfir lauk. Árni Birgisson Ólsari
og togarasjómaður sem býr í Ála-
sundi í Noregi sendir áhugaverða
grein og myndir í blaðið. Þá eru
ýmsar fleiri greinar og myndir.
Blaðið er 92 síður og allt í lit.
Sjómannadagsblað Snæfellsbæj-
ar er brotið um og prentað í Prent-
smiðjunni Steinprent Ólafsvík.
Ritstjóri er Pétur Steinar Jóhanns-
son. Fyrir þá sem búa á suðvestur
horninu verður blaðið til sölu hjá
Gleraugna Pétri á Garðatorgi 4a í
Garðabæ og á Bókakaffi, Norður-
bakka 1 Hafnarfirði.
-fréttatilkynning
Sjómannadagsblað
Snæfellsbæjar 2019