Bændablaðið - 22.09.2016, Page 28

28 Bændablaðið | Fimmtudagur 22. september 2016
Réttað í Reynisrétt undir Akrafjalli
Smalað var í Reynisrétt undir
Akrafjalli í Hvalfirði um síðustu
helgi. Reynisrétt er hlaðin úr grjóti
og var tekin í notkun árið 1856.
Saga réttarinnar er því orðin æði
löng og merkileg þó seint skipist
Reynisrétt í hóp stórrétta landsins.
Réttað hefur verið í Reynisrétt
nær alla tíð frá því hún var vígð
utan nokkur ár þegar ástand grjót-
hleðslunnar var orðið dapurt. Þá
var réttað í Grafarrétt, sem ekki er
lengur til. Það var eftir að farið var
í fjárskipti í kjölfar þess að fé var
skorið niður í Innri-Akraneshreppi
vegna mæðiveiki.
Farið var í endurhleðslu á
réttinni undir stjórn Sigurðar
Brynjólfssonar, sem kenndur var
við Gerði sem áður tilheyrði Innri-
Akraneshreppi. Lauk hann við
endurhleðslu réttarinnar árið 1995,
en hann lést árið 1999. Réttirnar um
nýliðna helgi voru því þær 21. frá
endurnýjun Reynisréttar.
Bærinn Reynir (Rein) stend-
ur við rætur
þess að sunnanverðu undir hlíð-
um Háahnúks. Þar bjó um tíma, í
upphafi 18. aldar, snærisþjófurinn
frægi úr Íslandsklukku Halldórs
Laxness, Jón Hreggviðsson. Vestast
í túnfætinum á Reyni er uppspretta
sem Guðmundur góði átti að hafa
vígt. Skammt fyrir neðan og innan
við klettamyndun sem nefnist
„Reynisskip“ er Reynisrétt.
Réttarstjóri í Reynisrétt um
síðustu helgi var Lilja Guðrún
Eyþórsdóttir, bóndi á Vestra-Reyni.
Þar býr hún ásamt manni sínum,
Haraldi Benediktssyni alþingis-
manni og börnum.
Haraldur er fæddur og upp-
alinn á Reyni þar sem faðir hans
og afi bjuggu á undan honum.
Réttardagurinn er Haraldi sér-
staklega hugleikinn. Á fésbók-
arsíðu sinni segir hann m.a. frá
því að Benedikt, faðir hans, hafi
einmitt dáið á sjálfan réttardaginn
árið 1995. Þá hafi Haraldur afi
hans á Reyni líka dáið á
Reynisréttardaginn árið
1936. Báðir hafi þeir dáið
heima, þrotnir af kröft-
um, en um leið fengið að
njóta þess heiðurs að fá
að skilja við á hátíðis-
degi sveitanna – rétt-
ardaginn sjálfan. /HKr.
Það er skammt í landsbyggðartenginguna hjá Herði Páli Harðarsyni og dætrum hans, Karen Evu og Alexöndru Ýri.
Það var því kærkomið að kíkja í Reynisrétt.
Lilja Guðrún Eyþórsdóttir, réttarstjóri og bóndi á Vestra-Reyni, ræðir hér við frænda sinn, Sigurð Hjálmarsson á Ásfelli.
Féð rekið í Reynisrétt laugardaginn 17. september. Myndir / HKr.
Það er alltaf jafn spennandi hjá börnunum að fara í réttir.