Bændablaðið - 22.09.2016, Page 30

30 Bændablaðið | Fimmtudagur 22. september 2016
Helgina 16. – 17. september var
hrossum smalað af Laxárdal í
Austur-Húnavatnssýslu og rétt-
að í Skrapatungurétt. Afrétturinn
er bæði fyrir Húnavatnshrepp og
Blönduósbæ. Skrapatungurétt
er ein af stærstu hrossaréttum
á Norðurlandi vestra og er afar
fjölsótt.
Blönduósbær og Skagabyggð sjá
um réttina og var hafist handa við
endurbætur á henni árið 2010. Var
Norðurá þá farin að ógna réttinni
og hafði rutt burt grjótgörðum við
bakkana neðan við réttina. Þessir
grjótgarðar voru reistir til að verja
réttina fyrir ágangi árinnar sem oft
flýtur yfir bakka sína í vorleysing-
um.
Ernu Bjarnadóttir, forstöðu-
manni skrifstofu- og félagssviðs
Bændasamtak Íslands, var boðið
að taka þátt í smölun hrossa-
nna. Á laugardeginum var riðið
frá Strjúgsstöðum í Langadal
um Strjúgsskarð yfir í Laxárdal
sem liggur samhliða Langadal.
Skarphéðinn Einarsson skólastjóri
Tónlistarskólans á Blönduósi var
fararstjóri þeirra sem fóru yfir
Strjúgsskarð, en auk þess kom annar
hópur ríðandi fólks frá Gautsdal.
Fjöldi fólks, bæði heimamenn
og gestir þeirra auk skipulagðra
ferðahópa, tóku þátt í hópreiðinni.
Áætlað var að ríflega 200 manns
hafi riðið á eftir stóðinu og gangna-
mönnum, e Gangnamenn voru auk
30-40, þannig að hátt í 300 manns
munu hafa riðið til réttar.
Gerður var góður stans við
eyðibýlið Kirkjuskarð sem heitir
eftir samnefndu skarði milli fjalla
fyrir ofan bæjarstæðið. Þar hvíldu
hross sig, ferðafólk nærði sig og
margir tóku lagið Menningarfélagið
Refsborg sá um veitingasölu þar sem
og í réttinni daginn eftir.
Alls var um 250 hrossum smalað
af Laxárdal og önnur 150 bættust
við af nærliggjandi svæðum þannig
að um 400 hross voru rekin í réttina.
Mestur hluti hrossanna var tryppi þar
sem flestir stóðbændur hafa hryssur
með folöldum heima við á sumrin
og nýta til blóðtöku sem selt er til
lyfjaiðnaðar. Hefur hrossum í réttinni
þannig fækkað um helming á síðustu
10 árum. Veðrið lék við mannskap-
inn báða dagana og var hin besta
skemmtun að taka þátt. /HKr.
Um 400 hrossum smalað í Skrapatungurétt
Hrossasmölun í Skrapatungurétt er mikill viðburður á hverju hausti sem dregur að fjölda ferðamanna. Hér hlaupa hrossin frá Kirkjuskarði eftir áningu. Myndir / Erna Bjarnadóttir
Skrapatungurétt.
Ingibjörg Jósefsdóttir í Enni. Hún er með 50 fullorðin hross auk folalda og
tveir skipulagðir ferðahópar með útlendinga með í för, annar þeirra kom aðra leið, frá Gautsdal.
Áning á miðjum Laxárdal við eyðibýlið Vesturá.