Bændablaðið - 22.09.2016, Síða 36
36 Bændablaðið | Fimmtudagur 22. september 2016
Hvað segja bændur? er heiti á
nýrri þáttaröð sem hóf göngu sína
á Sjónvarpsstöðinni N4 síðastliðið
sunnudagskvöld. Alls eru tíu þættir
í röðinni og verða þeir á dagskrá
fram eftir nóvembermánuði, kl.
21 á sunnudagskvöldum. Fjallað
er um íslenskan landbúnað í allri
sinni fjölbreyttu mynd, en hver og
ein búgrein innan Bændasamtaka
Íslands mun koma við sögu.
Þetta er eitt stærsta og viðamesta
verkefni sem N4 hefur unnið að,
en vinnsla þáttanna hefur staðið
yfir í rúmt eitt ár.
„Það er auðvitað ákveðinn léttir
að þættirnir eru komnir á dagskrá
og við hlökkum til að sjá hver við-
brögðin verða. Við höfum unnið
að þessu í rúmt ár og það er alltaf
gaman að sjá hugmyndir verða
að veruleika,“ segja þau Birna
Pétursdóttir dagskrárgerðarkona og
Árni Þór Theodórsson kvikmynda-
gerðarmaður, en þau bera hitann
og þungann af gerð þáttanna. Hafa
ferðast nánast um land allt og lent
í ótal ævintýrum á ferðalögum
sínum liðið ár.
Vandað til verka
„Við höfum lagt mikinn metnað í
þetta verkefni og ég er afskaplega
ánægð með árangurinn, þættirnir
eru fræðandi, gefa glögga mynd
af íslenskum landbúnaði út frá
mismunandi búgreinum, ólíkum
landsvæðum og þeim tækifær-
um sem eru til staðar í atvinnu-
greininni. Fjölbreytnin í landbún-
aði er mikil,“ segir María Björk
Ingvadóttir, framkvæmda- og
rekstrarstjóri N4.
Markmiðið með þáttagerðinni
hafi einkum verið að stuðla að
aukinni umfjöllun um landbúnað
og auka þar með við þekkingu
Skeifunni 3h ll Sími: 588 5080 ll dynjandi.is
allt fyrir
öryggið!
Verið velkomin á Sjávar útvegs-
sýninguna í Laugardalshöllinni
28.-30. september 2016.
Þáttaröðin Hvað segja bændur? hóf göngu sína á sjónvarpsstöðinni N4 síðastliðið sunnudagskvöld. Þetta er eitt viðamesta verkefni sem stöðin hefur ráðist í. Dagskrárgerð var í höndum Árna
Þórs Theodórssonar og Birnu Pétursdóttur, sem hér eru með Maríu Björk Ingvadóttur, framkvæmda- og rekstrarstjóra N4. Mynd / MÞÞ
Tökur undirbúnar, en þau Birna og Árni ferðuðust um land allt til þess að
leita fanga.