Bændablaðið - 01.12.2016, Blaðsíða 8
8 Bændablaðið | Fimmtudagur 1. desember 2016
Fréttir
Nýverið gaf Krónan það út að egg
frá eggjabúum þar sem hænur
eru aldar í búrum yrðu ekki í boði
í verslunum Krónunnar frá og
með 1. júní 2017.
Sigurður Gunnar Markússon,
framkvæmdastjóri innkaupasviðs
Krónunnar, segir að ástæðan fyrir
þessari ákvörðun sé sú að Krónan
hafi mótað sér stefnu um samfé-
lagslega ábyrgð og hluti af henni
snýr að dýravelferð. „Það liggur
fyrir að það verður bannað að hafa
varphænur í búrum og gefinn rúmur
aðlögunartími að því. Við vildum
einfaldlega taka afstöðu í þessu máli
og vera á undan reglugerðunum,“
segir Sigurður.
Búrhænuegg eru um 38 prósent
allra eggja í Krónunni
„Við höfum selt egg frá fjórum fram-
leiðendum; sumir eru eingöngu með
lausagönguvarphænur, en aðrir eru
með þetta blandað.
Salan er nokkuð misjöfn milli
verslana og í sumum verslunum fást
eingöngu egg úr varphænum sem
ekki eru í búrum.
Sala á lífrænt vottuðum eggjum
hefur tekið mikið stökk upp á við
og er í sumum verslunum hjá okkur
orðin 20 prósent af heildarmagni.
Sölu dreif ingin hjá okkur er þannig,
að 15 prósent eru lífrænt vottuð egg
og um 47 prósent eru úr lausagöngu
– saman lagt um 62 prósent.
Sala frá búr hænu eggjum er því
um 38 prósent.
Eftir að hafa rætt þetta breytta
fyrirkomulag við bændur, teljum við
eðlilegt að gefa framleiðendum svo-
lítinn aðlögunartíma og þess vegna
er þessi góði fyrirvari tilkominn,“
segir Sigurður.
Búrin bönnuð
eftir 31. desember 2021
Brigitte Brugger, dýralæknir ali-
fuglasjúkdóma hjá Matvæla stofnun,
segir að húsakosturinn á eggjabúum
sé talsvert að breytast. „Það er víða
unnið að því að taka ný hús í notk-
un fyrir lausa-
gönguhænur,“
segir Brigitte
en hefðbundin
óinnréttuð búr
verða bönnuð
eftir 31. des-
ember 2021.
„Eggjabú eru
13 talsins og
nokkur þeirra
eru bæði með
lausagönguhús
og hús með
búrum. Mér sýnist skipting vera
þannig að um 64 prósenta hæna séu
haldnar í hefðbundnum búrum og 35
prósent hæna vera í lausagönguhús-
um – og hluti þeirra með aðgang að
útisvæði,“ segir Brigitte. /smh
Egg frá búrhænum ekki í boði
– Krónan ætlar að hætta að selja slík egg frá 1. júní næstkomandi
Heimavinnsla og -sala bænda í Breiðdal:
Vöruþróun í fullum gangi
undir merkjum Breiðdalsbita
Ábúendur á bæjunum Gilsár-
stekk og Hlíðarenda í Breiðdal
hafa tekið höndum saman og
stofnað félag sem ber heitið
Breiðdalsbiti og hyggjast mark-
aðssetja sauðfjárafurðir sínar
undir því.
Verkefnið hefur hlotið styrk frá
Byggðastofnun, í gegnum verk-
efnið Brothættar byggðir og bænd-
urnir hafa einnig átt samstarf við
Matís varðandi ráðgjöf og vöru-
þróun.
Aðalmarkmið þeirra er að
framleiða lítið magn sem er unnið
með mikilli alúð, virðingu og ást
á kindunum sem þau fá afurðirnar
af. Þá verður mikil áhersla lögð á
hreinleika og heilnæmi varanna.
Búin eru ekki mjög stór og
aðeins sauðfjárbúskapur á þeim
og því þörf á meiri tekjum með
búskapnum. Enda hafa allir ábú-
endur sótt vinnu utan þeirra.
Stefnt er að því að fullvinna kjöt-
afurðir bændanna í vinnslu aðstöðu
hjá Svavari Pétri Eysteinssyni og
Berglindi Häsler, bændum og smá-
framleiðendunum á Karlsstöðum í
Berufirði. Þau hafa innréttað gam-
alt fjós undir starfsemi sína.
Vöruþróun í fullum gangi
„Það er vöruþróun í fullum gangi
núna,“ segir Guðný Harðardóttir á
Gilsárstekk. „Við höfum verið að
prófa okkur áfram með rúllupylsur
og kæfu hér heima á bænum og hér
eru smakkfundir næstum vikulega,
en við reiknum ekki með að fara á
fullt með þetta fyrr en eftir áramót
þegar ég verð búin að eiga barnið
sem ég geng með núna. Þá förum
við inn í vinnsluna á Karlsstöðum
og förum í kæfugerð og gerum
tilraunir með meiri vöruþróun. Svo
ætlum við að vera með grillsteikur í
sumar. Gamla fjósið á Karlsstöðum
er mjög stórt og rúmar okkur auð-
veldlega líka. Svo skiptumst við
bara á um að nýta aðstöðuna þannig
að þetta mun virka eins og matar-
smiðja.
Við ætlum með fyrstu vörurn-
ar á matarmarkaðinn í Hörpu um
mánaðamótin febrúar – mars, til að
kynna þær og okkur, en hugmyndin
er að markaðssetja Breiðdalsbita
sem handverk sem sé staðbundið
úr Breiðdalnum. Við finnum hér að
uppruninn skiptir miklu máli fyrir
neytendur og ekki síst ferðamenn.
Þetta er þriðji veturinn minn hérna
og ég finn fyrir mikilli aukningu
ferðamanna hérna um svæðið. Það
hefur auðvitað verið einn aðalhvat-
inn fyrir því að við fórum af stað,
en líka finnum við sterkt fyrir því
frá ferðaþjónustuaðilum hér – og
uppi á Héraði – að það er kallað
mjög ákveðið eftir staðbundinni
vöru, ferðamaðurinn vill upplifa
svæðið í gegnum öll skynfærin,“
segir Guðný. /smh
Sú meinlega villa slæddist í síðustu
nautaskrá sem kom út núna í
nóvember að Sólon 10069 er
merktur sem nýr nautsfaðir.
Hið rétta er að hann er ekki til
notkunar sem nautsfaðir heldur sem
kýrfaðir. Við biðjumst velvirðingar á
þessum mistökum. Upplýsingar um
nautsfeður eru réttar á nautaskra.net.
Nautastöð BÍ
Villa í nautaskránni
Aukabúnaðarþing ákvarðaði um félagsgjöld:
Félagsaðild að BÍ mun kosta
42 þúsund krónur á ári
Aukabúnaðarþing var haldið
í Bændahöllinni og á Akureyri
fimmtudaginn 24. nóvember síð-
astliðinn. Aðeins eitt mál var á
dagskrá, samþykktar breytingar
vegna innheimtu félagsgjalda nú
þegar búnaðargjaldið leggst af um
áramót.
Ákveðið var að almennt félags-
gjald verði 3.500 krónur á mánuði
(samtals 42 þúsund krónur á
ári) á hvert bú, en því fylgir full
aðild fyrir tvo einstaklinga. Strax
eftir áramót munu forsvarsmenn
Bændasamtakanna fara í fundaferð
um landið og kynna bændum nýtt
fyrirkomulag félagsgjalda. Ástæða
þess að kalla þurfti búnaðarþing
saman var að í fyrri samþykktum
var lagt upp með að leggja veltutengt
gjald á félagsmenn. Sú leið reyndist
ófær þegar til kastanna kom og var
þess í stað ákveðið að styðjast við
fast árgjald.
Fleiri geta gerst félagar í BÍ
Aðild að Bændasamtökum Íslands
geta átt þeir einstaklingar og lögaðil-
ar sem þess óska og stunda búrekstur
í atvinnuskyni eða vegna eigin nota,
enda séu þeir félagar í a.m.k. einu
aðildarfélagi samtakanna. Aðild veit-
ir full réttindi fyrir tvo einstaklinga
eins og fyrr segir, en vilji fleiri á
sama búi gerast félagar þarf að greiða
viðbótargjald.
Aukaaðild að Bændasamtökum
Íslands geta átt þeir einstaklingar,
18 ára og eldri, sem búsettir eru á
Íslandi og styðja markmið samtak-
anna. Sérstaka aukaaðild að samtök-
unum geta átt lögaðilar sem starfa
við eða í tengslum við landbúnað.
Aðild þessara félaga fylgir enginn
atkvæðisréttur eða önnur félagsleg
réttindi.
Kona fyrst þingforseti
Í tvennu tilliti var aukabúnaðarþingið
sem haldið var í síðustu viku sér-
stakt. Í fyrsta sinn var kona þing-
forseti en það var Oddný Steina
Valsdóttir, sauðfjárbóndi í Butru í
Fljótshlíð. Það heyrði líka til tíðinda
að í fyrsta sinn var búnaðarþing
haldið á tveimur stöðum á landinu
með aðstoð fjarfundarbúnaðar. Auk
þess að sitja í Bændahöll voru 11
þingfulltrúar norðan heiða á skrif-
stofum Búgarðs á Akureyri. Tókst
það vel og gekk snurðulaust fyrir
sig. /TB
Rúllupylsugerðin á Gilsárstekk er í þróun. Mynd / Gilsárstekkur
Guðný Harðardóttir á Gilsárstekk.
Brigitte Brugger.
Á aukabúnaðarþingi sem haldið var 24. nóvember var kona í fyrsta sinn
þingforseti í langri sögu Bændasamtakanna. Það var Oddný Steina Vals-
dóttir, sauðfjárbóndi í Butru í Fljótshlíð. Myndir /HKr.
Sindri Sigurgeirsson, formaður BÍ
ræðir tillögu um félagsgjöld.
Ekki eru bara karlar í bændastétt. Talið frá vinstri; Vigdís M. Sveinbjörnsdóttir,
Ingibjörg Rósa Auðunsdóttir og Sif Matthíasdóttir.
Katrín María Andrésdóttir,
fram kvæmda stjóri Sambands
garðyrkjumanna, var ritari þingsins.